Jeems 1:26 - EBƆRƐ BE KAWƆL

²⁶ Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Jeems 1:26 ပူးပေါင်းရင်းမြစ်များ

Job be kawɔl 15:13

Amoso nɛ fo nya agbo n wɔtɔ Ebɔrɛ nsaa malga a gbiti mo na.

Job be kawɔl 30:11

Ŋkpal Ebɔrɛ ka shin nɛ awurfoŋ nɛ tɔrɔ ba ma so so, kusɔ kama nɛ baa sha, kumo nɛ baa wora ma.

Nshɛ 141:3

O Enyɛnpe Ebɔrɛ, chɛ ma to, nɛ jemanɛ kikɛ nɛ meeŋ bugi ma kɔnɔ, meeŋ baa de mmalga nɛ a beeŋ lar kumo to so.

Nshɛ 32:9

Amoso n sa maŋ wuli fanɛ gbaŋɛ ŋko kurma; nɛ baa wɔtɔ kebarga ŋko efɔl pɔɛŋ nɛ e bee shuli a sa mo nyɛnpe na.

Nshɛ 34:13

Kumo ere men sa maa tuge malga lubi, ŋko n shin nɛ men be nnɔ e baa ku efɛ.

Aŋasa 10:19

Fo baa malga ga fo maa kra malga a foe. Nɛ fo nyi asheŋ fo maaŋ baa malga ga.

Aŋasa 10:31

Basa nɛ baa wora asheŋ nɛ a niŋi bee malga kanyiasheŋ be mmalga nna, ama baaŋ kuŋ mmalga lubi wora bre ekpa.

Aŋasa 14:12

Kebaawɔtɔ ko bee kaa duli kebaawɔtɔ lela nna, ama kumo be lalaloge bee yɛr esa luwu to nna.

Aŋasa 15:2

Enyiashempo be kamalga bee koli basa nna a ba mo kutɔ, ama kawulisheŋ e naa lar ewulpo bre be kɔnɔ to.

Aŋasa 16:10

Ewura be mmalga kɔ yuku nna, nɛ mbe kɔnɔ to be atuwebi malɛ bee bɛ kashenteŋ be ekpa so.

Aŋasa 16:25

Asheŋ ko bee kaa du fanɛ asheŋ lela nna n sa dimɛdi, ama amo be lalaloge bee yɛr mo luwu to nna.

Aŋasa 19:1

Fo ka bee ji kashenteŋ nsaa la etirpo bɔ fo ka la ewulpo nɛ efɛpo.

Aŋasa 21:26

ŋkpal manɛ so saŋkikɛ e bee fin kenya kusɔ ko nna. Ama esa nɛ e bee wora asheŋ niŋiso bre bee kaa kɔ asɔ nna a kɛ saŋkama.

Aizaaya 1:13

Esarga nɛ menyee bar na kikɛ maŋ kɔ tɔnɔ. Ŋ kishi eduwu nɛ menyee chɔɔ na be efɛa nna ga. Ma alɛ maa sha Kufɔl Popɔr nɛ Kewushiachɛ be nchɛgboŋana nɛ menyi be kabɔrɛshuŋ be nshɛrana be asheŋ. Men wora alubi nna n jija amo.

Aizaaya 44:20

Esa nɛ e bee shuŋ agbir baa du fanɛ esa nɛ e bee muu nsunɔ a ji nna. Mbe kawulisheŋ na fule mo nna nɛ e ta mbe kumu n wɔtɔ kebaawɔtɔ ko to nɛ esa maaŋ naŋ tiŋ n chɛ mo to na. Ŋkpal manɛ so, e maaŋ shuli fanɛ kegbir nɛ e bee shuŋ na maŋ la Ebɔrɛ kikɛ.

Malakai 3:14

Men yɛ, ‘K la kawulisheŋ nna fanɛ esa ka beeŋ baa shuŋ Ebɔrɛ, ŋko a wora kusɔ nɛ Ebɔrɛ bee sha ŋko a kaŋɛ Enyɛnpe Ebɔrɛ fanɛ e bee kule mo alubi be ketampaŋ. Manɛ be tɔnɔ nɛ e bee nya kumo to?

Matiu 15:9

Bumo be kebunyaŋ ma la bunyaŋ fuloŋ nna, ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”

Maak 7:7

Bumo be kebunyaŋ ma la bunyaŋ fuloŋ nna, ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”

Luuk 8:18

Amoso, men baa da so kananɛ menyeeŋ nu asheŋ so, ŋkpal manɛ so, ekama nɛ e kɔ beeŋ nya n ti so, ama ekama nɛ e maŋ kɔ shɛŋ na gba, baaŋ sɔ gbrɛ nɛ e bee tama fanɛ e kɔ na gba mo kutɔ.”

1 Kɔrintebi 15:15

Kumo be buushi, nɛ k baa la kashenteŋ nna fanɛ bubuni maa tiŋi luwu to bre, kumo ere anyee ku efɛ nna a deŋi Ebɔrɛ ŋkpal an ka ji shɛda fanɛ Ebɔrɛ tiŋi Kristo ashi luwu to, nɛ mo alɛ maŋ tiŋi mo ashi luwu na to so so.

1 Kɔrintebi 15:2

Baru lela na so nɛ menyee nya kumɔlga, nɛ men baa kɔ kumo to kpakpa nna na, ama men daŋ yirda jiga nna.

1 Kɔrintebi 3:18

Ekama e sa maŋ kaa fule mbe kumu, menyi to be ekama nɛ e bee fɛ mbe kumu to fanɛ e la enyiashempo nna durnya ere be kaplɛa so, e ki ewulpo, saŋɛ na so e beeŋ ki enyiashempo.

Galeeshaebi 2:6

Bumo nɛ b daa du fanɛ benimuana na bre, kanaŋkama nɛ b daa du daa maŋ la shɛŋ ŋ kutɔ, Ebɔrɛ malɛ gba maa kpɛa basa to, b maŋ ta shɛŋ n ti ma kubɔya na so.

Galeeshaebi 2:9

Jeems nɛ Pita nɛ Jɔn nɛ ekama daa nyi b ka la benimu na, e daŋ shuli n sa ma nɛ Baanabas fanɛ an baa la bumo braana beshuŋipo ŋkpal kananɛ b daŋ wu Ebɔrɛ be kuwɔr be kakɛ nɛ e daŋ sa ma na so. B daŋ shuli nna fanɛ an yɔ nnyamase kutɔ nɛ bumo alɛ yɔ Juwebi kutɔ.

Galeeshaebi 3:4

Asheŋ nɛ men be kenishi wu na kikɛ ki jiga nna ere ŋko? Cha, mannɛ fanɛ k ka la kusɔ jiga nna bre.

Galeeshaebi 6:3

Nɛ ekama nɛ e bee fɛ fanɛ e la esagboŋ ko nna, mo alɛ ŋkaa maa la shɛŋ, bee fule mo gbagba be kumu nna na.

Ɛfesesebi 4:29

Men sa maa shin nɛ mmalga lubi kikɛ e baa lar men be nnɔ to. Men baa malga kechɛto nawule be mmalga, mmalga nɛ a bee yɛr basa anishito a chɛ bumo to ashi bumo be asheŋ tirsoana to, saŋɛ na so a beeŋ baa kɔ tɔnɔ a sa bekama nɛ baa nu amo na.

Ɛfesesebi 5:4

Kumo alɛ maŋ naŋ daga men ka wɔ kawuli be mmalga ŋko epel lubiana be kebaawɔtɔ to. Loŋ be asheŋ maŋ daga. Kusɔ nɛ k daga men ka kɔ men be kebaawɔtɔ to e la kabɔrɛchɔrɔ.

Ditɛronɔmi 11:16

Amoso, men baa da so nɛ menyi maaŋ lar Enyɛnpe Ebɔrɛ na kaman nseŋ ya kaa shuŋ agbir.

Kɔlɔsiebi 4:6

Men shin nɛ men be kelejima e baa wɔ ebel saŋkama a kɔ kanyiasheŋ kumo to nɛ men pin kananɛ a daga men ka bee tuge basa be mmalga.

Jeems 1:19

Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 1:22

Ama men baa la benupo nɛ baa nu a wora nsaa maa nu kamalga na jiga a fule men be amu.

Jeems 2:20

Ewulpo e la fo nɛ fo maŋ nyi fanɛ esa baŋ kaŋɛ fanɛ e yirda Ebɔrɛ nsaa maa wora yirda be ashuŋ shunso, mbe yirda na la yirda fuloŋ nna a!

1 Pita 3:10

Kumo alɛ nɛ abɔrɛsibɛ na bee kaŋɛ na fanɛ: “Esa kama nɛ e bee sha ŋkpa nsaa sha kewu nchɛ lela, kumo ere, amodoŋwura e sa maŋ shin nɛ mbe kɔnɔ e baa malga asheŋ lubi ŋko ku efɛ.