Jeems 1:25 - EBƆRƐ BE KAWƆL

²⁵ Ama nɛ esa baa ta mbe nfɛra kikɛ a wɔtɔ Ebɔrɛ be mbraana nɛ a maŋ kɔ kulubi amo to kikɛ nsaa tiŋ a lara basa alubi to na to a maa teŋ asɔ nɛ e koya na so nsaa kɔ amo to kpakpa a wora asɔ nɛ a bee ŋini na, Ebɔrɛ beeŋ nɛfa amodoŋwura.

Jeems 1:25 ပူးပေါင်းရင်းမြစ်များ

Nshɛ 106:3

Kagbenefuli la bekama nɛ baa ji asheŋ nɛ amo be ekpa so nsaa wora asheŋ niŋiso jemanɛ kikɛ na peya nna.

Nshɛ 119:32

N wora shiriya kenishipereso nna nɛ ŋ wora fo mbraana kasonu, ŋkpal manɛ so, feeŋ chɛ ma to nɛ n nya kepinto n ti so.

Nshɛ 119:45

Ŋkpal ŋ ka bee wora fo mbraana kasonu so, n nya ma kumu nna a ji ma keparso.

Aŋasa 14:15

Ewulpo e maa shika kasheŋ to, enyiashempo bre bee fɛ nfɛra nna pɔɛŋ nsaa wora asheŋ.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Luuk 11:28

Nɛ Yesu kaŋɛ: “Ayai, bumo nɛ baaŋ nu ebel e la bumo nɛ baa nu abɔrɛsheŋ na nsaa wora amo.”

Baru lela nɛ Jɔn kute na 13:17

Men baŋ pin asheŋ ere nsaa wora amo, nɛfa beeŋ baa la menyeya.”

Baru lela nɛ Jɔn kute na 8:36

Nɛ Ebɔrɛ Pibinyɛn baŋ lara fo kenyaya to, fo nya fo kumu kashenteŋto pasaa.

Ashuŋ Shunso 13:43

Basa na ka lar nshɛr na to n yɔ nɛ Juwebi damta nɛ nnyamase nɛ b tuba a bɛ Juwebi be kabɔrɛbɛso so na be bedamta ba buu Pɔɔl nɛ Baanabas so nɛ b malga n leŋ bumo to fanɛ b baa kraa yirda a kɔ Ebɔrɛ be kelela na to kpakpa.

Ashuŋ Shunso 2:42

Bumo nɛ beshuŋipo na e daa la saŋkama nɛ baa koya asɔ ashi beshuŋipo na kutɔ nsaa ba bumo be nshɛrbuana to nɛ bumo kikɛ ba kaa bɔ enɔ kɔnɔkoŋwuleso a wɔtɔ kawie koŋwule to nsaa kule Ebɔrɛ kɔnɔkoŋwuleso.

Ashuŋ Shunso 26:22

Ama Ebɔrɛ chɛ ma to hale m ba fo kabre nɛ n yili nfe a ji ma shɛda a sa ekama nyam, begboŋi nɛ bewurbi kikɛ na. Kusɔ nɛ mee malga e la kusɔ koŋwule chap nɛ anebiana nɛ Mosis gba kaŋɛ fanɛ k beeŋ wora na.

Romebi 11:22

To, loŋ e daga men ka keni m pin kananɛ Ebɔrɛ be kelela nɛ mbe nyaŋnyaŋ du. E ŋini basa nɛ b foe kashenteŋ be ekpa na so na kananɛ e du nyaŋnyaŋ nseŋ ŋini menyi alɛ mbe kelela nɛ men kraŋ baa wɔ mbe kelela na to nna na. Nɛ mannɛ aloŋ, e beeŋ ku menyi n lɛ fanɛ kananɛ e daŋ ku ayabi gbagba na n lɛ na.

Romebi 2:13

Ŋkpal manɛ so, mannɛ basa nɛ baa nu mbra na nɛ Ebɔrɛ bee nase kumo fanɛ b la belelapo mbe anishito, bumo nɛ baa wora kusɔ nɛ mbra na bee kaŋɛ na nɛ Ebɔrɛ beeŋ ba nase kumo fanɛ b la belelapo.

Romebi 7:12

Ade e naa ŋini fanɛ mbra na bre gbagba maŋ kɔ kulubi kumo to. Loŋ koŋwule na gba nɛ ntaŋ na gba la kusɔ lela a kɔ ekpa nsaa maŋ kɔ kulubi kumo to.

Romebi 8:15

Kiyoyu nɛ Ebɔrɛ sa menyi na malɛ maa ta menyi nna a ki anya n shin nɛ men naa lɔ kufu. Men nya Kiyoyu nɛ e bee ta menyi a ki mbia nna. Kiyoyu na malɛ so nɛ anyee tiŋ a tre Ebɔrɛ ‘Aba’, kumo e la fanɛ an Tuto.

Romebi 8:2

Ŋkpal manɛ so, ŋkpa be Kiyoyu na be mbra bɔla Yesu Kristo so n shin nɛ n nya ma kumu ashi kulubi nɛ luwu be mbra to.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

2 Kɔrintebi 13:5

Men keni men be ŋgbene to ŋ keni ŋko men maŋ wɔ yirda na to a? Men wora men be amu ŋ keni. Men maŋ nyi Yesu Kristo ka wɔ menyi to a? Nɛ mannɛ aloŋ, men tɔr nna na.

Galeeshaebi 2:4

Ama kesheŋ na daŋ ba koso, ŋkpal manɛ so, bekurgepo fɛpo ko daŋ luri anyi to nna n daŋ fin kekeni anyi be kamooji nɛ an kɔ Kristo Yesu to na to nɛ b nya n jija kumo nseŋ ta anyi ŋ ki anya.

Galeeshaebi 5:1

Kebaawɔ anyi be amu so nɛ Kristo shin nɛ an nya anyi be amu. Amoso, naniere men baa yil kpakpa nsaa maŋ shin nɛ b naŋ ta menyi ŋ ki anya.

Galeeshaebi 6:2

Men baa chɛ abar to ashi men be asheŋ tirso to, loŋ na menyeeŋ baa bɛ Kristo be mbra na so.

Kɔlɔsiebi 1:23

Kananɛ Yesu Kristo beeŋ yɛr menyi Ebɔrɛ kutɔ nna na, nɛ men baŋ yirda baru lela na a maa chɛrga men be ŋgbene nsaa tama asɔ nɛ men nu baru lela na to nna na. Baru lela na nɛ baa malga a sa basa kama nɛ ma Pɔɔl gba ki kumo be emalgapo na.

1 Timoti 2:15

Ama nɛ eche baa wɔtɔ a kurge nsaa yirda Ebɔrɛ nseŋ naa sha basa a kɔ kanyiasheŋ a wɔ kebaawɔtɔ cheembi to nsaa du boeŋ a wɔtɔ, e beeŋ nya kumɔlga.

1 Timoti 4:16

Baa de so a keni fo kumu nɛ fo abɔrɛsheŋ be keŋini na so nɛnɛ. Baa wora asɔ ere, ŋkpal manɛ so, loŋ e naaŋ mɔlga fo nɛ bumo nɛ baa nu fo mmalga na.

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Jeems 2:12

Amoso, men be mmalga nɛ men be asheŋ woraso kikɛ to, men baa nyiŋi fanɛ kachako Ebɔrɛ beeŋ bɔla mbe mbraana nɛ a bee lara basa alubi to na so ŋ keni ekama be kebaawɔtɔ to n ji mo demu.

1 Pita 2:16

Men baa wɔtɔ fanɛ basa nɛ b wɔ bumo be amu a ji, ama men sa maa kɔ loŋ be kamooji na a buu kulubi kama so. Men baa kɔ kebaawɔtɔ mo nɛ k du fanɛ Ebɔrɛ be anya peya a wɔtɔ.

1 Jɔn 2:24

Ama menyi ere e shin nɛ kusɔ nɛ men nu sososo kikɛ na e shir a wɔ menyi to. Nɛ kusɔ nɛ men nu sososo kikɛ na baa wɔ menyi to bre, kumo ere menyi alɛ gba beeŋ baa wɔ Ebinyɛn na nɛ Etuto na to.

Kelaraŋŋini 14:13

Ndoŋ nna nɛ n nu ebɔl ka shi ebɔrɛso ŋ kaŋɛ ma le: “Sibɛ le n nase: Kagbenefuli la bekama nɛ b wɔ Enyɛnpe to nseŋ wu naniere mbaanaayɔ na peya nna.” Nɛ Kiyoyu Cheeŋ na kaŋɛ: “Kashenteŋto, baaŋ wushi ashi bumo be kegben ere to, ŋkpal manɛ so, bumo be aworbi beeŋ ba bɛ bumo so n yɔ.”

Kelaraŋŋini 22:14

Kagbenefuli la bekama nɛ b fɔr bumo be epiŋi nɛ a lar so nseŋ nya ekpa nɛ b ji ŋkpa be kedibi na be asɔrso nseŋ naŋ nya m bɔla mbuna to na n luri kadegboŋ na to na peya nna.

1 Samuɛl 12:14

Nɛ fanɛ menyi nɛ men be ewura bee bunyaŋ Enyɛnpe Ebɔrɛ nna nsaa shuŋ mo a nu a sa mo nsaa bɛ mbe mmalga naseso so bre, asheŋ beeŋ nyalɛ n sa menyi.