Jeems 1:21 - EBƆRƐ BE KAWƆL

²¹ Amoso, men lara kulubi be yiri kikɛ menyi to nsaa gelge asheŋ lubi nɛ a kulti menyi na kikɛ. Men sɔ Ebɔrɛ be kamalga nɛ e ta n wɔtɔ men be ŋgbene to na a du boeŋ, ŋkpal manɛ so, kamalga na e naa tiŋ a mɔlga men be ayoyu ashi luwu to.

Jeems 1:21 ပူးပေါင်းရင်းမြစ်များ

Nshɛ 25:9

Nsaa ŋini basa nɛ b kɔ kamubrase malɛ mbe ekpa niŋiso nɛ kusɔ nɛ k daga na.

Aizaaya 2:20

Kamɔnchɛ na kaŋ fo, ekama beeŋ ta mbe shuwa nɛ gbiti be agbirana nɛ e lɔŋɛ a shuŋ na n lɛ eshiboe nɛ ekɔŋkɔŋ.

Aizaaya 29:19

Nɛ betirpo nɛ basa nɛ b du boeŋ e nya kagbenefuli nɛ Enyɛnpe, Israɛl be Ebɔrɛ cheembi na bee sa na.

Aizaaya 30:22

Saŋɛ na so nɛ men ta menyi be agbirana nɛ men ŋalga shuwa nɛ gbiti n wurge amo so na n ya lɛ fanɛ epi na nseŋ kaŋɛ le: “Men baa yɔ, anyi maŋ naa sha menyi.”

Aizaaya 61:1

Enyɛnpetale Ebɔrɛ na be Kiyoyu wɔ ma so. E lara ma nna n nɛfa ma nɛ m bɔ baru lela na n sa betirpo, nseŋ chɛ bumo nɛ kagbenejija tɔr so na. Mo e shuŋi ma nɛ n ya bɔ kesɔnyige be baru n sa bumo nɛ b ki beko be anya, nseŋ sɔ bumo nɛ b wɔ kabuti to n yige.

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Ezikɛl 36:25

Nɛ kebaadu fanɛ ŋ ka wora nchu lela ŋ ŋmenyaŋ menyi so nɛ men nyalɛ so ashi kagbirshuŋ nɛ kusɔ kama nɛ k shin nɛ men wora eyurpi na to.

Zefanaiya 2:3

Menyi bekama nɛ men la bebɔlpo ashi kasawule ere so na e baa bar menyi be amu kaseto nsaa nu a sa Enyɛnpe Ebɔrɛ na. Men baa wora kusɔ nɛ k walɛ nsaa bar menyi be amu kaseto a sa mo. Nɛ men wora loŋ, ashere menyeeŋ gelge kasogberge kachɛ nɛ Enyɛnpe Ebɔrɛ na be agbo beeŋ koso na.

Matiu 5:5

Kagbenefuli la bekama nɛ b maŋ kɔ keŋkenshi na peya nna, ŋkpal manɛ so, durnya ere beeŋ ba kaa la bumo peya.

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Baru lela nɛ Jɔn kute na 6:68

Ndoŋ nna nɛ Saimɔn Pita kaŋɛ mo: “Enyɛnpe, fo e kɔ ŋkpa nɛ k maŋ kɔ ekar na be mmalga.

Ashuŋ Shunso 10:33

Kumo so nɛ n shuŋi epul na to fanɛ b ya tre fo nɛ fo alɛ shuli m ba na. Ebɔrɛ malɛ be anishito nɛ anyi kikɛ tase nfe a jo kusɔ kama nɛ Enyɛnpe na kɔ a sha nɛ fo kaŋɛ anyi na.”

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Romebi 1:16

M maa wora baru lela na be anishinyɔr kikɛ, ŋkpal manɛ so, kumo so nɛ Ebɔrɛ bee bɔla a ŋini mbe eleŋ a mɔlga basa kama nɛ baa yirda na. Juwebi e nya kumo be loŋ be ekpa pɔɛŋ nseŋ ta nnyamase, bumo nɛ b maŋ la Juwebi na m bɛ so.

Romebi 11:17

B ka fɛta ɔlifs be kedibi fɛaso be keyabi nɛ k bee nya kekeni nseŋ ta menyi nɛ men du fanɛ ɔlifs be kukɔrbua n yuu n chɔga ɔlifs be kedibi na so nɛ menyee nu kedibi na be ebel ere,

Romebi 6:17

Ama anyee chɔrɔ Ebɔrɛ ga, ŋkpal manɛ so, saŋko men daa la alubi be anya nna, ama naniere, men ta menyi be ŋgbene kikɛ m bɛ kashenteŋ be keŋiniana nɛ men nya na kikɛ so.

1 Kɔrintebi 15:2

Baru lela na so nɛ menyee nya kumɔlga, nɛ men baa kɔ kumo to kpakpa nna na, ama men daŋ yirda jiga nna.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

Ɛfesesebi 1:13

Ŋkpal kusɔ nɛ e wora na so, menyi alɛ gba ka daŋ nu kashenteŋ be kubɔya nɛ k bee bar menyi kumɔlga na, men yirda Kristo, nɛ Ebɔrɛ ta mbe ndulgi n dulgi menyi na. Kiyoyu Cheeŋ nɛ e nase kɔnɔ fanɛ e beeŋ sa na nɛ e ta n sa a ŋini fanɛ e dulgi anyi.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Ɛfesesebi 4:25

Amoso, men be ekama e lara efɛsheŋ ashi mbe kebaawɔtɔ to nsaa malga kashenteŋ be mmalga a sa mo braana, ŋkpal manɛ so, an kikɛ la eyur koŋwule to be mba nna.

Ɛfesesebi 5:4

Kumo alɛ maŋ naŋ daga men ka wɔ kawuli be mmalga ŋko epel lubiana be kebaawɔtɔ to. Loŋ be asheŋ maŋ daga. Kusɔ nɛ k daga men ka kɔ men be kebaawɔtɔ to e la kabɔrɛchɔrɔ.

1 Tɛsalɔnikaebi 1:5

ŋkpal manɛ so, baru lela nɛ an bar menyi na maŋ la kafule be mmalga nna, ama amo nɛ eleŋ nɛ Kiyoyu Cheeŋ na nɛ kashenteŋ nɛ k maŋ kɔ yalayala kikɛ nna. Saŋɛ nɛ an daa wɔ menyi kutɔ na, men nyi kananɛ an be kebaawɔtɔ daa du. Menyi so nɛ an daa du loŋ na.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

Taites 2:11

Ŋkpal manɛ so, Ebɔrɛ shin nɛ mbe kuwɔr be kakɛ nɛ k bee bar kumɔlga basa kikɛ so na lar efuli.

Hibruwebi 12:1

To, naniere a daga fanɛ anyi, bumo nɛ le be eshɛda ere kulti anyi ere ka ta asɔ kama nɛ a bee kagle anyi ekpa ashi kebɛso na to na nɛ alubi mo nɛ a mar anyi so kpakpa na n lɛ nseŋ ta kenishipere n shile eshile nɛ k dese a jo anyi ere kanyitiso.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 4:2

Ŋkpal manɛ so, kananɛ baru lela na daŋ ba anyi to nɛ an nu kumo na gbagba na nɛ bumo alɛ gba daŋ nya kumo. Ama kumo alɛ daa maŋ wora bumo shɛŋ, ŋkpal manɛ so, b ka daŋ nu kumo na, b daa maŋ ta yirda n sɔ kumo.

Jeems 4:8

Men firgi n taga to Ebɔrɛ nɛ e firgi n taga to menyi. Alubiworapoana nɛ nfɛraanyɔnyɔwuraana ere, men lara men be enɔana nɛ ŋgbene ashi alubi be kewora to.

Jeems 5:20

esa nɛ e chɛ mo to na e baa nyi fanɛ esa kama nɛ e chɛ alubiworapo to nɛ e lar mbe alubi na to mɔlga amodoŋwura be kiyoyu ashi luwu to nseŋ shin nɛ Ebɔrɛ kpra alubi damta n lɛ.

1 Pita 1:22

Naniere bre men ka nu n sa kashenteŋ na nɛ b fɔr men be ŋgbeneana to nɛ men nyalɛ so a kɔ kashenteŋ be kasha a sha men kurgepoana ere, men baa ta men be ŋgbene kikɛ a sha abar kagbene koŋwuleso.

1 Pita 1:9

Ŋkpal manɛ so, men be ayoyu be kumɔlga nɛ k la men be yirda ere be tɔnɔ na nɛ menyee nya.

1 Pita 2:1

Amoso, men lara alubi kikɛ ashi menyi to. Men sa maŋ naa ku efɛ ŋko a kɔ kebirkɔnshi ŋko yurkishi ŋko katege be mmalga.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.