Jeems 1:19 - EBƆRƐ BE KAWƆL

¹⁹ Ŋ kurgepo shasoana, men ta kesheŋ ere n wɔtɔ ŋgbene to a nyi fanɛ ekama e baa nya manaŋ a nu asheŋ, ama e sa maa nya manaŋ a malga asheŋ ŋko a nya agbo manaŋ manaŋ,

Jeems 1:19 ပူးပေါင်းရင်းမြစ်များ

Nehemaya 8:18

Baŋ yili kachɛ nɛ b fara kachɛgboŋ na be keji n ya fo kumo be kachɛ shunusopo na, Ɛzra daa kraŋ mbra be kawɔl na nna a sa basa na karechɛ kikɛ. Kachɛ burwasopo na nɛ ekama gama abar so nɛ b bunyaŋ Ebɔrɛ, fanɛ kananɛ mbra na ŋini na.

Nehemaya 9:3

Awa asa nɛ b yil a nu b ka bee kraŋ Enyɛnpe bumo be Ebɔrɛ na be mbra be kawɔl na. Kumo be kaman nɛ b naŋ ta awa asa malɛ ŋ kule Ebɔrɛ ŋ kaŋɛ bumo be alubi nseŋ bunyaŋ Enyɛnpe Ebɔrɛ na.

Job be kawɔl 32:16

Ama a daga fanɛ ma alɛ gba e lo ma kɔnɔ ŋkpal b ka maŋ naa kɔ shɛŋ nɛ b kaŋɛ fo so a?

Aŋasa 10:19

Fo baa malga ga fo maa kra malga a foe. Nɛ fo nyi asheŋ fo maaŋ baa malga ga.

Aŋasa 13:3

Esa nɛ e bee tiŋ a keta mbe kudonduloŋ beeŋ kuŋ mbe ŋkpa, ama esa nɛ mbe kɔnɔ maŋ kɔ kemɔrɛbi bee mur mbe kumu nna.

Aŋasa 14:17

Esa nɛ e bee nya agbo manaŋ manaŋ maa kraa wora a foe. Enyiashempo bre bee wushi eyur nna a wora asheŋ.

Aŋasa 14:29

Enyitipo e la enyiashempo. Esa nɛ e bee nya agbo manaŋ manaŋ bee shin nɛ mbe kawulisheŋ bee dii efuli nna.

Aŋasa 15:18

Esa nɛ e bee nya agbo manaŋ manaŋ kikɛ bee bar kolu nna, ama enyitipo bre bee kuŋ kolu nna.

Aŋasa 15:2

Enyiashempo be kamalga bee koli basa nna a ba mo kutɔ, ama kawulisheŋ e naa lar ewulpo bre be kɔnɔ to.

Aŋasa 16:32

Kanyiti be keji bɔ kenyɛn be keji. Enyitipo chɔ enapo nɛ e kɔ m pɔɔ nde damta so.

Aŋasa 17:14

Emɔrɔ be kefara du fanɛ nchu be gbi ka bee shin nɛ k futi nna. Lar kamɔrɔji to manaŋ pɔɛŋ nɛ k kurge asheŋ n sa fo.

Aŋasa 17:27

Enyiashempo maa malga ga. E bee wora asheŋ boeŋ boeŋ nna.

Aŋasa 18:13

Esa kama nɛ e maa kaŋ kusoe a nu asheŋ nɛnɛ pɔɛŋ nsaa tuge amo to la ewulpo nna nɛ anishinyɔr bee tiŋ a ji mo.

Aŋasa 18:21

Atugebi beeŋ tiŋ m mɔ esa, ŋko n sa mo ŋkpa; Esa kama malɛ beeŋ nya mbe m malga be kakɔka.

Aŋasa 19:11

Kanyiti be keji la kanyiasheŋ nna. Esa baŋ wora fo kulubi nɛ fo kplaŋ mo so, k la kemaŋkura nna n sa fo.

Aŋasa 19:19

Shin nɛ esa kama nɛ mbe agbo wɔ mo, e ka mbe agbo na be kukɔ mo gbagba. Nɛ fo baŋ ka kumo be kukɔ kelekoŋwule, feeŋ baa ka mbe agbo be kukɔ saŋkikɛ.

Aŋasa 21:23

Esa kama nɛ e bee tiŋ a keta mbe kɔnɔ nɛ kudonduloŋ, bee mɔlga mbe kumu ashi asheŋ lubi nɛ tɔrɔ to nna.

Aŋasa 25:28

Esa nɛ e maŋ kɔ kanyiti du nna fanɛ kade nɛ kumo egbal bure nɛ basa beeŋ tiŋ n luri kumo to ŋ kɔ kumo na.

Aŋasa 29:20

Ewulpo be asheŋ kɔ tama a chɔ esa nɛ e bee kuse a malga.

Nɔmbɛs 22:27

Kurma na ka naŋ wu malaika na nɛ k kilgi n dese. Nɛ agbo pɛ Balaam ga nɛ e ta mbe kekpabi a bri kumo.

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Maak 12:37

Deevid gbagba daŋ tre mo mo Nyɛnpe. Nɛ nuso nɛ Kristo na beeŋ wora a la mo nanabi?” Jimaŋ damta ko daŋ nu mbe kamalga na nɛ bumo be ŋgbene fuli bumo.

Maak 2:2

Basa shɛr ndoŋ ga hale nɛ kakpa maŋ naŋ ka ebu na to nɛ kowushina.

Luuk 15:1

Lamposɔpoana nɛ alubiworapoana kikɛ daa tiŋ a chala nna a buu Yesu a nu mbe kamalga.

Luuk 19:48

Ama bumo alɛ daa maŋ tiŋ n nya shɛŋ n wora ŋkpal kananɛ basa daŋ baa wɔtɔ a nu mbe kamalga na so.

Ashuŋ Shunso 1:15

Kumo be kaman nɛ beyirdapoana na kikɛ, b daŋ fo fanɛ basa kalfa nɛ adunyɔ, shɛr nɛ Pita niŋi to n yili m malga ŋ kaŋɛ:

Ashuŋ Shunso 10:33

Kumo so nɛ n shuŋi epul na to fanɛ b ya tre fo nɛ fo alɛ shuli m ba na. Ebɔrɛ malɛ be anishito nɛ anyi kikɛ tase nfe a jo kusɔ kama nɛ Enyɛnpe na kɔ a sha nɛ fo kaŋɛ anyi na.”

Ashuŋ Shunso 13:48

Nnyamase na ka nu loŋ nɛ bumo be ŋgbene fuli bumo ga nɛ b yɛ Enyɛnpe be kubɔya na wɔ ebel. Nɛ bumo nɛ Ebɔrɛ lara fanɛ b nya Ebɔrɛ be ŋkpa nɛ k maŋ kɔ ekar na ki beyirdapo.

Ashuŋ Shunso 17:11

Ndoŋebi bre daŋ bugi bumo be asoe a sha kenu kubɔya na ga nsaa koya abɔrɛsibɛ na kachɛ kama a keni ŋko Pɔɔl be mmalga na bɔla ekpa a.

Ashuŋ Shunso 2:42

Bumo nɛ beshuŋipo na e daa la saŋkama nɛ baa koya asɔ ashi beshuŋipo na kutɔ nsaa ba bumo be nshɛrbuana to nɛ bumo kikɛ ba kaa bɔ enɔ kɔnɔkoŋwuleso a wɔtɔ kawie koŋwule to nsaa kule Ebɔrɛ kɔnɔkoŋwuleso.

Ɛfesesebi 4:26

Fo kama nɛ agbo pɛ fo, fo sa maŋ shin nɛ agbo na e shin nɛ fo luri alubi to, fo alɛ e sa maŋ naŋ keta agbo na n tɔr epeŋi.

Ɛfesesebi 4:31

Men lara ŋgbene nɛ a maa yige asheŋ a paŋ na menyi to, nseŋ lara kenyaŋɛto nɛ agbo nɛ kaponte nɛ katege nɛ kekishiso be nfɛra be yiri kikɛ menyi to.

Kɔlɔsiebi 3:15

Men shin nɛ kagbenewushi nɛ Yesu Kristo bee sa na e baa wɔ menyi to, ŋkpal manɛ so, Ebɔrɛ lara menyi nna nɛ men baa kɔ kagbenewushi abar so, ŋkpal men ka la kukoŋwule na so. Men baa chɔrɔ Ebɔrɛ.

Kɔlɔsiebi 3:8

Ama naniere, men yige asheŋ lubi be kebaawora n yige kebaakɔ agbo, kebaanya agbo kenyɛnso, kebaala basa lubi, basa be kebaakuli nɛ kusɔ jigaya be kamalga.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

Jeems 1:16

Ŋ kurgepo shasoana, men sa maŋ fule men be amu.

Jeems 1:2

Ŋ kurgepoana, saŋkama nɛ men baŋ luri kechɔŋkeni be yiri kikɛ to, men shin nɛ men be ŋgbene e baa fuli menyi.

Jeems 1:26

Esa kama nɛ e yɛ e bee bɛ Ebɔrɛ so nsaa maa de mmalga nɛ a bee lar mbe kɔnɔ to so bee fule mbe kumu nna, nɛ mbe kebɛso na malɛ la kebɛso fuloŋ.

Jeems 2:1

Ŋ kurgepoana, ŋkpal men ka yirda an Nyɛnpe Yesu Kristo nɛ kemaŋkuragboŋ wɔ mo so na so, men sa maa kɔ ŋkpɛato.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Jeems 3:10

Kɔnɔ koŋwule na to nɛ epaŋ be kedi be mmalga nɛ katege be mmalga kikɛ bee shi. Ŋ kurgepoana, loŋ maŋ daga kikɛ.

Jeems 4:11

Ŋ kurgepoana, men sa maa ji abar be asheŋ a wu abar kulubi. Ekama nɛ e ji mo barkasa be asheŋ n wu mo kulubi e bee ji mbra na be asheŋ a wu kumo kulubi nna na. Fo kama malɛ nɛ fo wu mbra na kulubi, kumo ere fo maŋ naa nu a sa mbra na nna na, ama fo ki esa nɛ e bee ji kumo demu.

Jeems 5:12

Ŋ kurgepoana, men baa nyiŋi le be kenishipere be kamalga ere fanɛ saŋkama nɛ men baŋ kaŋɛ fanɛ menyee wora kesheŋ, men sa maa bɔ a ti so. Men sa maa ta ebɔrɛso ŋko kasawule so be ketre ŋko kusɔ kikɛ be ketre a bɔ. Men shin nɛ men be mm e baa la mm nɛ men be m-m e baa la m-m. Nɛ menyee wora loŋ, men maaŋ wora n da so nɛ Ebɔrɛ e ji menyi demu.

Jeems 5:19

Ŋ kurgepoana nɛ menyi to be ekama baŋ foe kashenteŋ be kebɛso be ekpa na so nɛ eko chɛ amodoŋwura to n naŋ ŋini mo ekpa na

1 Jɔn 2:21

Mannɛ fanɛ men ka maŋ nyi kashenteŋ na so e shin nɛ mee sibɛ asɔ ere a sa menyi, ama menyi ka nyi kumo so nseŋ naa nyi fanɛ efɛ kikɛ maŋ wɔ kashenteŋ na to so nɛ mee sibɛ amo a sa menyi.