Jeems 1:15 - EBƆRƐ BE KAWƆL

¹⁵ Kulubi malɛ baŋ ba wora keshi, kumo be lalaloge e la luwu.

Jeems 1:15 ပူးပေါင်းရင်းမြစ်များ

Jɛnesis 2:17

ama sa maŋ kaŋ ji kedibi nɛ k bee sa kelela nɛ kulubi be kanyiasheŋ na bre be asɔrso, ŋkpal manɛ so, kachɛ kama so nɛ fo baŋ ji loŋ be kedibi na be asɔrso, shɛŋ maaŋ mɔlga fo ashi luwu to. Abaanaaworasheŋ feeŋ wu.”

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

2 Samuɛl 11:4

Nɛ Deevid shuŋi fanɛ b ya tre mo m ba. B ka ya bar mo, nɛ e keta mo n ya di nɛ kache na bɛta n yɔ epe. Kumo be jemanɛ so malɛ nɛ e baŋ wora eyurpi n loge.

Job be kawɔl 15:35

Ŋkpal manɛ so, b la basa nɛ baa kre asheŋ lubi nsaa wora amo nna. Efɛ nɛ kafule malɛ e bɔlɔ bumo be ŋgbene to.”

Nshɛ 7:14

Basa di alubi be dampo, nseŋ bela ase nɛ b kurge kafulesheŋ nɛ kumukpakpaso.

Nshɛ 9:17

Belubiworapo bee yɔ luwu to nna, nɛ b ya tu efuli pɔtɛana so ebi nɛ b kini fo na.

Aŋasa 11:19

Esa kama nɛ e yili mbe kagbene to fanɛ e beeŋ wora kelela beeŋ ji efute tenteŋ, ama esa kama nɛ e yili mbe kagbene to fanɛ e beeŋ wora alubi bre maaŋ ji efute n chɛr kikɛ.

Aizaaya 33:11

Menyee kaa kre ŋkre fuloŋ nɛ kusɔ kama nɛ menyee wora bee to jiga. Ma kɔnɔ to be afu du fanɛ edɛ nɛ k beeŋ mur menyi nna.

Aizaaya 59:4

Men baŋ yɛra asheŋ demujikpa gba, men maa nya kashenteŋ ashi menyi be edemu be keji to. Efɛ nɛ menyee ku a ji lar edemuji na to. Basa be keji awurfoŋ be ŋkre e wɔ menyi to nɛ menyee wora a bɔlɔ so.

Matiu 26:14

Ndoŋ nna nɛ bebɛsopo kuduanyɔ na to be eko, emo nɛ baa tre Judas Iskareɔt na, yɔ bɔrɛmatapowuraana kutɔ

Matiu 5:28

Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Jeems 1:14

Kusɔ nɛ k bee fule esa a wɔtɔ kulubi to e la mo gbagba be kayɛlga lubi. Le be kayɛlga ere baŋ pɔɔ mo so, k bee gberge mo nna a luri kulubi to.

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.