Jeems 1:14 - EBƆRƐ BE KAWƆL

¹⁴ Kusɔ nɛ k bee fule esa a wɔtɔ kulubi to e la mo gbagba be kayɛlga lubi. Le be kayɛlga ere baŋ pɔɔ mo so, k bee gberge mo nna a luri kulubi to.

Jeems 1:14 ပူးပေါင်းရင်းမြစ်များ

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

Jɛnesis 6:5

Kumo be jemanɛ na so nɛ Enyɛnpetale Ebɔrɛ wu fanɛ basa be alubi bee wora keshi durnya to a ti so nɛ bumo be ŋgbene to be nfɛra fɛso kikɛ la asheŋ lubi.

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

2 Samuɛl 11:4

Nɛ Deevid shuŋi fanɛ b ya tre mo m ba. B ka ya bar mo, nɛ e keta mo n ya di nɛ kache na bɛta n yɔ epe. Kumo be jemanɛ so malɛ nɛ e baŋ wora eyurpi n loge.

Job be kawɔl 31:27

Ebɔrɛ be kaman, m maŋ bunyaŋ kusɔ kikɛ, ŋko n ta kusɔ ko ma enɔ to n lara sarga n sa kusɔ ko kikɛ.

Job be kawɔl 31:9

Nɛ fanɛ n daŋ yɛlga esa ko be eche nseŋ ya ŋana n sha mo,

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Aizaaya 44:20

Esa nɛ e bee shuŋ agbir baa du fanɛ esa nɛ e bee muu nsunɔ a ji nna. Mbe kawulisheŋ na fule mo nna nɛ e ta mbe kumu n wɔtɔ kebaawɔtɔ ko to nɛ esa maaŋ naŋ tiŋ n chɛ mo to na. Ŋkpal manɛ so, e maaŋ shuli fanɛ kegbir nɛ e bee shuŋ na maŋ la Ebɔrɛ kikɛ.

Hoziya 13:9

Ŋkpal menyi Israɛl be basa ka bee kɔ ma, nɛ n la men be echɛtopo na so nɛ men mur na.

Matiu 15:18

Ama asɔ nɛ a bee shi esa be kɔnɔ to a lar na bee shi mbe kagbene to nna. Loŋ malɛ be asɔ e naa jija mo.

Matiu 15:20

Le be alubi ere e naa jija esa. Ama nɛ fanɛ esa maŋ fɔr mbe enɔ fanɛ kananɛ b yɛ a daga fanɛ basa e baa wora na pɔɛŋ nseŋ ji, loŋ maa jija mo.”

Matiu 4:1

Ndoŋ nna nɛ Kiyoyu na shin nɛ Yesu yɔ kiyi to nɛ alubipo na e ya chɔ mo ŋ keni.

Matiu 5:28

Ama ma e kaŋɛ menyi na fanɛ esa kama nɛ e keni eche kayɛlgaso teŋ tu eche na n ji kubojua mbe kagbene to nna na.

Romebi 7:11

Ŋkpal manɛ so, ntaŋ na so nɛ alubi nya ekpa n fule ma. Amoso, ntaŋ na so nɛ alubi bɔla m mɔ ma.

Romebi 7:13

To, kede bee ŋini fanɛ kusɔ lela e bar luwu ŋko? Cha, mannɛ aloŋ nna kuraa. Kulubi e bɔla kusɔ lela so m bar ma luwu nɛ kumo be da lubi gbagba e lar efuli. Amoso, ntaŋ na so nɛ esa bee wu kananɛ kulubi baŋ lubi kashenteŋto.

Ɛfesesebi 4:22

Amoso, men lara men be kapɔr dra nɛ k daa wɔ men be kebaawɔtɔ to n jija ŋkpal efɛ be ayɛlgasɔ na so ashi to.

Hibruwebi 3:13

Nɛ saŋɛ baa wɔtɔ nɛ baa tre kabre be saŋɛ, men baa leŋ abar to, saŋɛ na so, alubi be kafulesheŋ kama maaŋ shin nɛ menyi be ekama be kagbene e ki kpakpa.

Jeems 1:13

Ekama nɛ e luri kechɔŋkeni to e sa maŋ kaŋɛ le: “Ebɔrɛ e fule ma n wɔtɔ kulubi na to,” ŋkpal manɛ so, shɛŋ shɛŋ maaŋ tiŋ n shin nɛ Ebɔrɛ e wora kulubi, mo alɛ gbagba maa fule esa a wɔtɔ kulubi to.

Jeems 1:15

Kulubi malɛ baŋ ba wora keshi, kumo be lalaloge e la luwu.