Jeems 1:10 - EBƆRƐ BE KAWƆL

¹⁰ Ekurgepo kama malɛ nɛ e la damawura e baa shin nɛ mbe kagbene e baa fuli mo fanɛ Ebɔrɛ bar mo kaseto, ŋkpal manɛ so, e maaŋ chɛr nɛ mo nɛ mbe asɔ na e mur fanɛ kananɛ kusɔ duuso be atoto maa chɛr nsaa wɔl a buri to a tɔr na.

Jeems 1:10 ပူးပေါင်းရင်းမြစ်များ

Job be kawɔl 14:2

Dimɛdi du fanɛ ketoto ŋko kenyɔlɔ nna, k maa chɛr nɛ k bolo ŋko n wɔl n choŋ.

Nshɛ 102:11

Ma kebaawɔtɔ bee choŋ nna fanɛ kaaseso be kiyoyul; nɛ ŋ gbagba malɛ bee wɔl fanɛ afitiri na.

Nshɛ 103:15

Anyi edimɛdi be nchɛ du fanɛ afitiri ŋko kupuŋ to be atoto nɛ a bee purge manaŋ manaŋ nna;

Nshɛ 37:2

Ŋkpal manɛ so, b du fanɛ afitiri ŋko afantaŋ bumbuŋ nna, b maa chɛr nsaa wɔl a wu.

Nshɛ 39:6

K bee choŋ manaŋ manaŋ nna fanɛ kiyoyul na. Awurfoŋ nɛ anyee ji ere kikɛ la fuloŋ nna. Anyee fin asɔ nna a deŋi abar so a yili nsaa maŋ nyi esa nɛ e beeŋ ba ji amo be kapetɛ kachako so.

Aizaaya 40:6

Esa ko daŋ kaŋɛ ma fanɛ m ponte awɔrso, nɛ m bishi mo le: “N ponte ŋ kaŋɛ manɛ?” Nɛ e yɛ: “Ponte ŋ kaŋɛ awɔrso fanɛ edimɛdi kikɛ du fanɛ afitiri nna; b maa chɛr kebaawɔtɔ to fanɛ kananɛ atoto maa chɛr nsaa chɔɔ a mur ashi kupuŋ to na.

Aizaaya 40:7

Enyɛnpe Ebɔrɛ baŋ shin nɛ afu ber m ba, afitiri bee bolo nna nɛ atoto malɛ bee chuge a tɔr. Edimɛdi maa chɛr fanɛ kananɛ afitiri maa chɛr nsaa wu na.

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Aizaaya 66:2

Ma e to durnya kikɛ nseŋ shin nɛ kusɔ kikɛ wɔtɔ. Basa nɛ bumo be asheŋ bee par ma nɛ mee keni bumo a bɔlɔ kenishi, e la basa nɛ baa bar bumo be amu kaseto nsaa tuba ashi bumo be alubi to ŋko bumo nɛ baa ŋana ma nsaa wora ma kasonu na.

Matiu 5:3

“Kagbenefuli la bekama nɛ b nyi b ka la bebɔlpo ashi Ebɔrɛ be anishito na peya nna, ŋkpal manɛ so, ebɔrɛso be kuwura na la loŋ be basa peya nna.

Matiu 6:30

O, menyi be yirda du fimbi pasaa. Nɛ Ebɔrɛ bee keni afitiri nɛ feeŋ wu kabre, ŋklade n fin amo ndoŋ ŋ gben ŋkpal b ka chɔɔ amo so ere so a sa amo amo be kela, nɛ menyi ere ka bɔ amo ere nɛ e maaŋ sa asɔbuuso a?

1 Kɔrintebi 7:31

Bekama malɛ nɛ b wɔ durnya ere to be asɔ be asheŋ woraso to, b baa wora amo ŋkaa maa shin nɛ amo be asheŋ e bɔlɔ bumo to, ŋkpal manɛ so, durnya ere be kananɛ k du ere bee choŋ nna na.

Filipaiebi 3:8

Kashenteŋto, naniere shɛŋ maŋ naa kɔ tɔnɔ ma anishito ŋkpal kebaanyi Kristo Yesu n Nyɛnpe na ka chɔ kusɔ kikɛ na so. Mo so nɛ m paŋ asɔ kikɛ nseŋ naa ta kusɔ kama fanɛ asɔ fuloŋ ŋkpal kananɛ meeŋ wora n nya Kristo na so nɛ n tiŋ n nya a wɔ mo to.

1 Timoti 6:17

Ŋini bumo nɛ b kɔ dama durnya ere to na fanɛ b sa maa wu bumo be amu ŋko a ta bumo be yirda a deŋi bumo be asɔ so, ŋkpal manɛ so, esa kikɛ maaŋ tiŋ m pin kananɛ mbe asɔ beeŋ chɛr a wɔ mo kutɔ. Kusɔ nɛ k daga damawuraana ka wora e la b ka yirda Ebɔrɛ, ŋkpal manɛ so, mo e naa bugi kagbene a kɛ anyi asɔ yɛlyɛla so nɛ an baa ta a wushi an be ŋgbene.

Jeems 4:14

Men maŋ nyi kusɔ nɛ k beeŋ wora echefo gba. Manɛ e la men be ŋkpaana ere? Men be ŋkpaana ere du fanɛ kenyɔlɔ nna, a maa chɛr nseŋ naa yɔ epul na to.

1 Pita 1:24

Loŋ malɛ nɛ abɔrɛsibɛ na bee kaŋɛ fanɛ: “Basa kikɛ du fanɛ kefitiri nna nɛ bumo be kemaŋkura malɛ kikɛ du fanɛ kefitiri na be ketoto. Kefitiri na bee kaa wɔl nna nɛ ketoto na e chuge n tɔr,

1 Jɔn 2:17

Durnya ere malɛ nɛ kumo be ayɛlgasɔ kikɛ nyam bee choŋ nna, ama esa kama nɛ e bee wora Ebɔrɛ na be aparsheŋ bre wɔ ŋkpa to nna mbaanaayɔ.