Hoziya 8:8 - EBƆRƐ BE KAWƆL

⁸ Israɛlebi gba ki fanɛ efuli pɔtɛana so ebi nna a shuŋ agbir. Amoso b maŋ kɔ tɔnɔ n sa ma fanɛ kapuliya bureso na.

Hoziya 8:8 ပူးပေါင်းရင်းမြစ်များ

2 Bewura 18:11

Asiriya be ewurgboŋ na ka kɔ m pɔɔ Samɛria be kade na so nɛ e pɛ Israɛlebi na n yɔ Asiriya n ya ti ebu. E daŋ yɛr bumo be beko Halaf be kade to nseŋ yɛr beko malɛ Gozan be efuli so a mata Lɔr nɛ baa tre Habɔɔ na nseŋ yɛr beko malɛ Midia be efuli so be nde to.

Aizaaya 30:14

Men ki fanɛ kapuya nɛ k bure to kpachɛrkpachɛrbi nna nɛ kumo be kapɛlanfu kama maaŋ tiŋ n chɔ edɛ ŋko m jɔ nchu.”

Jɛremaya 22:28

Kumo be kaman nɛ Jɛremaya kaŋɛ le: “Ewura Jehowachin, fo ki fanɛ kapuya bureso nɛ b maa sha nna. Amoso baaŋ ta fo nɛ fo mbia kikɛ n ya lɛ efuli pɔtɛ wɔfɔ nɛ menyi maŋ nyi so.”

Jɛremaya 25:34

Enyɛnpe Ebɔrɛ na be basa du fanɛ mbe mbolpɔ nna nɛ menyi bejuŋkparpoana na malɛ du fanɛ mbolpɔkpapoana. Ama naniere saŋɛ fo nɛ b mɔ menyi fanɛ ekpakpa, amoso men baa shu awɔrso nsaa dese shishɛr to a melti. Ŋkpal manɛ so, baaŋ kpla menyi to fanɛ kapuya ka bure to a dese na.

Jɛremaya 48:38

Bumo be achoŋi nɛ alɔnɛ kikɛ so, b baa shu nli nna, ŋkpal manɛ so, ma, Enyɛnpe Ebɔrɛ na farnyaŋ Mowab be basa to nna fanɛ kapuya nɛ esa kikɛ maa sha nɛ b ta n lɛ nɛ k bure na nna.

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Jɛremaya 51:34

Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Nfabel 2:16

Menyi doŋana kikɛ bee mushe nna a wora menyi eyurto, nsaa gbɛlɛ menyi yurkishi so. Baa mɛr nnɔ nna nsaa kaŋɛ le: “An mur kumo! Kachɛ nɛ an baa jo na nna na!”

Nfabel 2:2

Enyɛnpe Ebɔrɛ na daŋ maŋ wu ndekarso nɛ a wɔ Juda be efuli so na kikɛ kuwɔr nseŋ shin nɛ a mur. E daŋ shin nɛ mboŋ lempoana nɛ a daa kuŋ kasawule na kikɛ bure n tɔr nna, nseŋ shin nɛ efuli na nɛ bejuŋkparpoana kikɛ ji anishinyɔr.

Nfabel 2:5

Enyɛnpe Ebɔrɛ na daŋ mur Israɛl nna fanɛ edoŋ na, nseŋ daŋ shin nɛ kumo be mboŋ lempoana nɛ ewurkpaana ki alambure a dese. N naŋ shin nɛ kebɔltofinfin nɛ kushu naŋ wora keshi n ti so n sa Juda be efuli so be basa.

Nfabel 4:2

Jerusalɛm be mbrantiɛfɔlbi daa du fanɛ shuwa n sa anyi nna; ama naniere bumo e ki fanɛ ebɔ be mpuliya nɛ ekama bee keni jiga na.

Nfabel 5:2

Anyi be kasawule laŋɛ basa pɔtɛ be enɔ to; nɛ befɔ sɔ anyi be nwu n chena to.

Ezikɛl 36:3

Amoso bɔ kubɔya nɛ ma Enyɛnpetale Ebɔrɛ na bee kaŋɛ ere. Jemanɛ nɛ efuli nɛ a chena ŋ kulti Israɛl na kɔ n suge Israɛl be abee na, ekama na daŋ wora Israɛl eyurto nna.

Levitikɔs 26:33

Meeŋ bar kena menyi so n shin nɛ men pesaŋ to n yɔ efuli pɔtɛana so. Menyi be kasawule beeŋ dese fuloŋ nɛ menyi be ndegboŋ a ki alambure.

Romebi 9:22

To, loŋ koŋwule na nɛ Ebɔrɛ wora. Mbe demuso be agbo nɛ mbe eleŋ nɛ e daa sha kelara ŋ ŋini basa. Ama e daŋ ji basa nɛ mbe demuso be agbo daa wɔ bumo so nɛ b daga kasogberge na kanyiti.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.

Ditɛronɔmi 28:64

Enyɛnpe Ebɔrɛ na beeŋ shin nɛ men pesaŋ to n sɔ durnya to be efuliana kikɛ so n ya shuŋ agbirana nɛ b ta ndibi nɛ ajembu n lɔŋɛ nɛ menyi nɛ men nananyɛnana maŋ naŋ shuŋ ŋ ku so na.