Hoziya 8:1 - EBƆRƐ BE KAWƆL

¹ Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Hoziya 8:1 ပူးပေါင်းရင်းမြစ်များ

2 Bewura 18:27

Nɛ Asiriya be benapo be enimu na malɛ kaŋɛ: “Menyee tama fanɛ menyi nɛ ewura na nawule nɛ anyi be ewurgboŋ shuŋi ma fanɛ m ba malga n sa a? Manɛ aloŋ nna, basa nɛ b chena egbalana na so na gba nɛ mee malga a sa. K maaŋ chɛr bumo alɛ gba beeŋ ji bumo gbagba be ejɔŋɛ nseŋ nuu bumo be ebɔnfɔl, fanɛ kananɛ menyi benimuana ere gba beeŋ wora na.”

Aizaaya 18:3

Esa kama nɛ e wɔ durnya ere to, e nu nfe! Tɔɔnɛ be tuta ko beeŋ baa wɔ abee be awɔlto nɛ men wu kumo nseŋ nu kabel be kushu!

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 58:1

Enyɛnpe Ebɔrɛ yɛ: “Boŋ to awɔrso ga ŋ kaŋɛ ma basa Israɛlebi na bumo be alubi be asheŋ!

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Jɛremaya 34:18

Juda nɛ Jerusalɛm be benimuana na nɛ ewurkpa be benimuana na nɛ bɔrɛmatapoana na nɛ bejuŋkparpoana na kikɛ nɛ ma e daŋ wora kɔnɔkoŋwule be ŋkre na. B daŋ mɔ gbolu nna nseŋ ku kumo to anyɔ n nase nseŋ bɔla amo nferinto n choŋ m mɔ ŋkre na so. Ama b maŋ wora m bɔlɔ kɔnɔkoŋwule be ŋkre na so, amoso meeŋ wora bumo kusɔ nɛ b wora gbolu na.

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 4:5

Men foŋ kabel ashi kasawule na kikɛ so! Men ponte awɔrso nɛ k baa nu to nɛnɛ! Men kaŋɛ Juda nɛ Jerusalɛm be basa fanɛ b shile n yɔ ndegboŋ nɛ b pɔr egbal ŋ kulti amo na to.

Jɛremaya 48:40

Enyɛnpe Ebɔrɛ na daŋ nase kɔnɔ nna fanɛ efuli ko beeŋ ba parga kumo be atɛ to m buu Mowab so n fuu kumo fanɛ kusore na.

Jɛremaya 49:22

Bedoŋ na beeŋ ba kɔ Bozra be basa eleŋso fanɛ kusore ka ber atɛ to ŋ gbelge m ba kasawule so eleŋso na. Kachɛ na kaŋ fo, Edɔm be benapo be ŋgbene beeŋ jija bumo ga fanɛ eche nɛ kakurge ta mo na.”

Jɛremaya 51:27

Men maŋ tuta na so ashi kasawule na so nseŋ foŋ kabel na, saŋɛ na so efuliana na be basa beeŋ nu nseŋ bela ase m ba kɔ Babilɔn kena! Men kela n tre efuliana nɛ baa tre Ararat nɛ Minni nɛ Ashkenaz be benapo nɛ b ba kɔ Babilɔn be basa kena. Men lara enapo nimuso nɛ e juŋkpar benapo na ŋ kɔ. Menyi alɛ e bar egbaŋɛ damta nɛ b baa du fanɛ elotɔr ka mel abar so na.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Ezikɛl 11:4

Amoso, dimɛdi pibi, malga ŋ gbiti bumo.”

Ezikɛl 16:59

Nɛ Enyɛnpe Ebɔrɛ naŋ kaŋɛ: “Meeŋ gberge fo, Jerusalɛm, kusoe ŋkpal fo ka kplaŋ ntaŋ nɛ fo bɔ na so nseŋ jija ma nɛ fo kɔnɔkoŋwule be ŋkre na so.

Ezikɛl 17:3

n shin nɛ b pin fanɛ kusɔ nɛ ma, Enyɛnpetale Ebɔrɛ, bee kaŋɛ bumo e la fanɛ kajɔnɔkoso gboŋ ko nɛ e daa kɔ aba lempo nɛ atɛ lela ga e daŋ firgi n yɔ Lebanɔn be abee so n ya bu kedibi nɛ baa tre sida na be awɔlto be keyabi.

Ezikɛl 7:14

Hale nɛ b foŋ kabel fanɛ ekama e bela ase n yɔ kena to gba esa koŋwule gba maŋ lar n yɔ, ŋkpal manɛ so, ma kagbene kaa ekama so nna.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Hoziya 5:8

Men foŋ kena to be kabel ŋ kpele Gibia nɛ Raama nɛ Bɛtavɛn be basa kikɛ kusoe, nɛ Bɛnjamin be basa malɛ e bela ase n yɔ kena to!

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Hoziya 9:15

Enyɛnpe Ebɔrɛ yɛ: “Bumo be asheŋ lubi be kewora fara ashi Gilgaal nna. Ndoŋ nɛ ma alɛ fara n nya kekishi n sa bumo. Ma alɛ beeŋ ju bumo ashi ma kasawule ere so ŋkpal kulubi nɛ b wora na so. Ma kasha maŋ naa wɔ bumo so ŋkpal manɛ so bumo be bejuŋkparpoana kikɛ kini kenu n sa ma.

Jowɛl 2:1

Men foŋ kabel nseŋ ber kenishipereso be dewuro ashi Zayɔn, nɛ k la Ebɔrɛ be kebee cheembi na so. Judaebi, men baa chicha, ŋkpal manɛ so, Enyɛnpe Ebɔrɛ be kachɛ na be saŋɛ fo n loge.

Jowɛl 2:15

Men yili Zayɔn be kebee so n foŋ kabel n tre ekama m ba shɛr nseŋ yili kumo fanɛ ekama e kishi!

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Eemɔs 8:3

Enyɛnpetale yɛ: “Nshɛ nɛ baaŋ ba boŋ bɔrɛlambu to na beeŋ kilgi kushu. Bubuni beeŋ dese kaplɛkama nɛ kakpa kikɛ e wora shruum.”

Eemɔs 9:1

N wu Enyɛnpe Ebɔrɛ ka yil bɔrɛsure na ase ashi bɔrɛlambu na to nseŋ kaŋɛ le: “Gbuŋgbuŋ bɔrɛlambu na be eshabɔrɛ nɛ a sɔ kumo to ŋ keta na eleŋso nɛ kumo be esoso e bure n tɔr basa na be amu so. Meeŋ mɔ bumo be bumo nɛ b ka na malɛ kena to. Bumo be ekama maaŋ tiŋ n shile ŋ ŋana ma so.

Habakuk 1:8

Bumo be egbaŋɛ bee shile a chɔ ekarmɛ nsaa keta kufu malɛ a chɔ ekuntuŋ nɛ akoŋ kɔ. Bumo be egbaŋɛdiipoana shi mboŋ wɔfɔ nna nɛ bumo be egbaŋɛ bee shile a pulgi kasawule a ba eleŋso fanɛ kusore ka firgi n yuu kusɔ jisoso na.

Zefanaiya 1:16

Kumo alɛ beeŋ naa la kachɛ nɛ kena to be mbel be kushu beeŋ sɔ kaplɛkama nɛ basa e baa boŋ to a cha awɔr ashi ndegboŋ nɛ b pɔr egbalana ŋ kulti nɛ a kɔ mboŋ lempo jeŋgreŋ na kikɛ to.

Zakareya 11:1

Lebanɔnebi men bugi menyi be mbuna, nɛ edɛ e chɔɔ menyi be ndibi nɛ baa tre sida na!

Zakareya 9:14

Enyɛnpe Ebɔrɛ na beeŋ ba buu mbe basa so fanɛ bɔrɛwɔlpa, nseŋ to mbe atanyembi fanɛ bɔrɛ ka nyɛkpɛ na. Enyɛnpetale Ebɔrɛ beeŋ foŋ mbe kabel nseŋ bɔla bɔrɛfu to n shi kelargato be kaseto m ba.

Matiu 24:28

Kaplɛkama nɛ kusɔ wuso dese, ndoŋ nɛ ejita bee chala a mel.

1 Kɔrintebi 15:52

K beeŋ wora epul to nna manaŋ fanɛ kenishi ka ŋe to na, saŋɛ nɛ lalaloge be kabel na beeŋ shu na. Kabel na kaŋ shu, bubuni beeŋ tiŋi n nya kiyoyu to be eyur nɛ a maaŋ naŋ mur na, saŋɛ na malɛ nɛ anyi kikɛ bee chɛrga na.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.