Hoziya 6:7 - EBƆRƐ BE KAWƆL

⁷ Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Hoziya 6:7 ပူးပေါင်းရင်းမြစ်များ

Jɛnesis 3:11

Ndoŋ nna nɛ Enyɛnpe Ebɔrɛ bishi mo: “Wanɛ e kaŋɛ fo fanɛ fo maŋ dela shɛŋ? Fo ji kedibi mo nɛ ŋ kaŋɛ fo sa maŋ ji kumo be asɔrso na nna a?”

Jɛnesis 3:6

Kusɔkpaŋ na ka kaŋɛ loŋ na nɛ eche na wu fanɛ kedibi na be asɔrso walɛ kenishiso kashenteŋto nseŋ duli asɔ nɛ a beeŋ baa wɔ ebel, amo alɛ naŋ duli asɔ nɛ esa beeŋ ji nseŋ nya kanyiasheŋ. Nɛ amo be kayɛlga ba mo to nɛ e chuge kedibi na be asɔrso na n ji nseŋ ta n sa mo kul nɛ e daa wɔ mo kutɔ na nɛ mo alɛ gba ji.

2 Bewura 17:15

B daa maa bɛ Enyɛnpe Ebɔrɛ na be keŋini so, nseŋ kini kebɛ kɔnɔkoŋwule be ŋkre nɛ mo nɛ bumo nananyɛnana daŋ kre na gba so. B daa maŋ ta mbe kasokpele na gba n tre shɛŋ. B daa wɔtɔ nna a shuŋ agbir fuloŋ nseŋ ki basa fuloŋ. Efuli pɔtɛana nɛ a kulti bumo na be edaŋkaresheŋ nɛ Ebɔrɛ maa sha na nɛ b daa bɛ so.

Job be kawɔl 31:33

Basa ko bee ta bumo be alubi a ŋana nna, ama nɛ ma ere wora kulubi m maaŋ ta kumo ŋ ŋana kikɛ.

Aizaaya 24:16

Anyeeŋ nu b kaa bee boŋ nshɛ a kpaŋ Israɛl nɛ k la efuli niŋiso na ashi durnya be mboŋ wɔfɔ wɔfɔ kikɛ. Ama tama maŋ wɔtɔ n sa ma ere! Ma ere be asheŋ jija n loge nna na! Bedebɔrpo kraa wɔtɔ nna a debɔr basa, nɛ bumo be kedebɔre na malɛ bee daŋɛ so.

Aizaaya 24:5

Edimɛdi jija durnya nna ŋkpal b ka kini kewora Ebɔrɛ be mbraana kasonu so. Bumo alɛ maŋ naa sa bumo nɛ Ebɔrɛ be kɔnɔkoŋwule be ŋkre nɛ k daga fanɛ k baa wɔtɔ mbaanaayɔ na bunyaŋ.

Aizaaya 48:8

N nyi menyi ka la basa nɛ esa maaŋ tiŋ n yirda, nseŋ naa la basa nɛ baa lar ma kaman, yili jemanɛ nɛ n ta menyi ŋ ki efuli n sa ma kumu na. Amoso nɛ menyi maŋ wora ania nɛ men nu kusɔ nɛ ŋ kaŋɛ menyi na.

Jɛremaya 3:7

N daa fɛ fanɛ ade kikɛ be kaman e beeŋ bɛta m ba ma kutɔ, ama e maŋ bɛta m ba. Juda be efuli nɛ k maa ji kashenteŋ nsaa la fanɛ eniopibi n sa Israɛl be efuli na gba wu kusɔ nɛ k wora na kikɛ.

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Jɛremaya 34:18

Juda nɛ Jerusalɛm be benimuana na nɛ ewurkpa be benimuana na nɛ bɔrɛmatapoana na nɛ bejuŋkparpoana na kikɛ nɛ ma e daŋ wora kɔnɔkoŋwule be ŋkre na. B daŋ mɔ gbolu nna nseŋ ku kumo to anyɔ n nase nseŋ bɔla amo nferinto n choŋ m mɔ ŋkre na so. Ama b maŋ wora m bɔlɔ kɔnɔkoŋwule be ŋkre na so, amoso meeŋ wora bumo kusɔ nɛ b wora gbolu na.

Jɛremaya 5:11

Ekpa kikɛ so, Israɛl nɛ Juda be basa maŋ ji kashenteŋ n sa ma kuraa. Ma, Enyɛnpe Ebɔrɛ e kaŋɛ na.”

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Hoziya 5:7

B maŋ naa ji kashenteŋ a sa Enyɛnpe Ebɔrɛ na. Bumo nɛ esakaleche e kurge mbia. Ŋkpal loŋ so bumo nɛ bumo be ndɔana kikɛ beeŋ mur kachɛ nɛ baaŋ ji bumo be kufɔl popɔr be kejigboŋ na.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Romebi 5:14

Ama baŋ yili Adam be jemanɛ na m ba fo Mosis be jemanɛ to be basa kikɛ, luwu pɔɔ ekama so, hale bumo nɛ b maŋ wora n da Ebɔrɛ be kɔnɔ so geeŋ fanɛ kananɛ Adam daŋ wora na gba. Adam e daa la esa nɛ e daa ba na be kaduli.

Ditɛronɔmi 31:20

Ma alɛ beeŋ keta bumo n yɔ kasawule nɛ k kɔ eleŋ a wora adɔjibi nɛnɛ na so fanɛ kananɛ n nase kumo be kɔnɔ n sa bumo nananyɛnana na. Baaŋ ya nya kusɔ kama nɛ baa sha n ji ndoŋ. Ama b kaŋ ya nya n ji n daŋ, baaŋ lar ma kaman n ya kaa shuŋ agbirana n jija ma nɛ bumo be kɔnɔkoŋwule be ŋkre na.

Hibruwebi 8:9

Ma Enyɛnpe na naŋ kaŋɛ: Loŋ be kɔnɔ naseso na maaŋ baa du fanɛ kumo nɛ n nase n sa bumo nananyɛnana kachɛ nɛ m pɛ bumo be enɔana n lara bumo ashi Ijipt be kasawule so na. Ŋkpal b ka daa maŋ ji bumo be amu kashenteŋ m bɛ ma kɔnɔ naseso so n ya fo ekar na so, m pal ma kaman nna n sa bumo.