Hoziya 2:12 - EBƆRƐ BE KAWƆL

¹² Meeŋ mur mbe asɔrso nɛ baa tre greep nɛ figi be ndibi be ndɔ nɛ e yɛ mo jipoana ta n sa mo fanɛ mbe kakɔka na. Meeŋ shin nɛ mbe asɔrso nɛ baa tre greep na be adɔbi nɛ mbe figi be ndibi be adɔ na kikɛ e ki fanɛ kupuŋ; nɛ kupuŋ to be asɔbɔya e jija amo.

Hoziya 2:12 ပူးပေါင်းရင်းမြစ်များ

Nshɛ 80:12

Manɛ nna nɛ fo buri kunji nɛ k bee kuŋ kumo na to, nɛ ekama nɛ e bɔla ndoŋ a choŋ bee nya kumo be asɔrso a chuge?

Aizaaya 29:17

Aloŋ nɛ baa kaa kaŋɛ fanɛ k maaŋ chɛr, kupuŋ beeŋ ki kudɔsawule nɛ kudɔsawule malɛ e ki kupuŋ.

Aizaaya 5:5

Kusɔ nɛ meeŋ wora ma ndibi sɔrso be kudɔ na e la fanɛ, meeŋ lara kunji nɛ k kulti kumo na nseŋ bure egbal nɛ k bee kuŋ kumo na nna, nɛ kupuŋ to be asɔbɔya e ba ji ndibi sɔrso na nseŋ chichi amo so m mata kasawule.

Aizaaya 7:23

Jemanɛ na kaŋ fo, ewi nɛ egɔnnyaŋɛ beeŋ sɔ ndibi sɔrso be adɔ lelaana nɛ amo to be kekama kɔ ewaindibi nɛ a fo kagboŋ nɛ amo be amansherbi beeŋ fo fanɛ gbiti be ndarbi kagboŋ na kikɛ to.

Jɛremaya 13:26

Enyɛnpe Ebɔrɛ na gbagba e naŋ delge fo so n shin nɛ fo ji anishinyɔr.

Jɛremaya 26:18

B yɛ: “Jemanɛ nɛ Hɛzekaya daa ji kuwura Juda be efuli so na, anebi Maika nɛ e shi kade nɛ baa tre Moreshɛf na daŋ bɔ kubɔya ŋ kaŋɛ basa na fanɛ Enyɛnpetale Ebɔrɛ na daŋ kaŋɛ le: ‘Baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ kebee nɛ bɔrɛlambu na yil so na e ki kupo.’

Jɛremaya 5:17

Baaŋ ji menyi be adɔjibi m mur nseŋ mɔ menyi be mbia. Bumo alɛ beeŋ mur menyi be asɔbɔya nɛ ndibi sɔrso kikɛ. Bumo be benapo beeŋ bure menyi be ndeana nɛ men pɔr egbalana ŋ kulti a wɔ amo to nsaa fɛ fanɛ shɛŋ maaŋ tiŋ n wora menyi na kikɛ n lɛ.

Jɛremaya 8:13

N daa sha kegama ma basa fanɛ kananɛ edɔpo bee chala mbe adɔjibi abar so nna, ama b du fanɛ kedibi sɔrso nɛ k maŋ kɔ asɔrso kumo so nɛ kumo be afantaŋ gba gbaŋgbaŋ n tɔr to na nna. Amoso nɛ n sa ekpa fanɛ basa pɔtɛ e ba sɔ kasawule na n chena so na.”

Hoziya 13:8

Meeŋ kɔ menyi nseŋ kpɛa menyi to cheche fanɛ shishiri nɛ kumo be bibi foe na. Meeŋ tɛ n yuu menyi so epul to fanɛ buluŋ na, nseŋ kpɛa menyi to m min fanɛ kupuŋ to be kusɔbɔya na.

Hoziya 2:5

Men nio daa maa ji kashenteŋ nna, amoso nɛ e paŋ anishinyɔr a kaŋɛ le na: “Meeŋ shile m bɛ ŋjipoana so, ŋkpal manɛ so, ma kusɔ kama shi bumo kutɔ nna. Ma ajibi nɛ ma nchu nɛ ma ewajɛ nɛ ɔlif be ŋku nɛ ma asɔ nuuso kikɛ bee shi bumo kutɔ nna.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Hoziya 9:1

Israɛlebi, men yige kebaaji eyur fanɛ nnyamase na. Men shile menyi be Ebɔrɛ nsaa maŋ naa ji kashenteŋ a sa mo kuraa. Kaplɛkama malɛ nɛ baa bri ayu, ndoŋ nɛ menyee wora menyi be amu fanɛ esakale na a shuŋ kegbir nɛ baa tre Baal na ŋkpal kusɔ nɛ menyee nya so!

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.