Hoziya 11:1 - EBƆRƐ BE KAWƆL

¹ Enyɛnpe Ebɔrɛ yɛ: “Jemanɛ so nɛ Israɛl wɔ Ijipt be efuli so fanɛ kebia na nɛ n tre mo n lar ndoŋ fanɛ m pibinyɛn shaso.

Hoziya 11:1 ပူးပေါင်းရင်းမြစ်များ

Nshɛ 129:1

Ma kebia to kikɛ, bedoŋ baa kɔ ma nna! Amoso ekama nɛ e wɔ Israɛl e kaŋɛ le:

Ɛksodɔs 19:4

‘Men wu kusɔ nɛ n daŋ wora Ijiptebi na nɛ kananɛ n daŋ ta menyi fanɛ kusore ka ta mo pibi a firgi na, m bar menyi ma kutɔ nfe.

Ɛksodɔs 4:22

Kumo be kaman nɛ fo kaŋɛ ewura Fɛɛro fanɛ ma, Enyɛnpe Ebɔrɛ na e kaŋɛ le na: ‘Israɛlebi du fanɛ ma wurkoŋnyɛn nna.

Ɛksodɔs 4:23

Amoso nɛ n yɛ fo shin nɛ ma basa e yɔ n ya bunyaŋ ma na. Nɛ fo baŋ kini, kumo ere, meeŋ mɔ fo wurkoŋnyɛn.’ ”

Aizaaya 43:4

Meeŋ kplaŋ efuli pɔtɛana na so nseŋ mɔlga menyi, ŋkpal menyi be asheŋ ka bee par ma ga so. Ma alɛ bee sha menyi nna nsaa maŋkura menyi.

Jɛremaya 12:7

Kede be kaman nɛ Enyɛnpe Ebɔrɛ na kaŋɛ le: “Ŋ kini Israɛl be basa n lɛ nna. Ma alɛ kini efuli nɛ n lara n sa ma kumu n lɛ. Basa nɛ mee sha nɛ n ta m bɔɔ bumo doŋana enɔ.

Jɛremaya 2:2

n ya bɔ kubɔya ere n sa Jerusalɛm to be basa kikɛ. E yɛ: “N nyiŋi kananɛ men daa ji kashenteŋ a sa ma jemanɛ nɛ men daa du fanɛ mbifɔlbi na be asheŋ. Ma alɛ naŋ nyiŋi kananɛ men daa sha ma jemanɛ nɛ ma nɛ menyi daŋ ba abar so fanɛ basa nɛ b kraŋ luri kakil to sososo na gba be asheŋ. Menyi alɛ daŋ bɛ ma so n nite keshishɛrsawule fuloŋ so.

Ezikɛl 16:22

Fo ka pere kenishi a wora ekishisheŋ ere nsaa ji fo kubojua ere kikɛ na, fo teŋ fo kebia to so; jemanɛ nɛ fo daŋ delge so a dese ŋklaŋ to a to aya to na.

Ezikɛl 16:6

Ndoŋ nna nɛ m bɔla ndoŋ a choŋ nseŋ wu fo nɛ fo dese fo gbagba be ŋklaŋ to a to aya to nɛ ŋ kaŋɛ fanɛ m maaŋ shin nɛ fo wu.

Hoziya 10:15

Loŋ gbagba chap e naaŋ wora menyi, Bɛtɛl be basa, ŋkpal alubi damta nɛ men wora na so. Saŋɛ nɛ kena na beeŋ fara na nɛ Israɛl be ewura malɛ beeŋ wu.”

Hoziya 12:13

Enyɛnpe Ebɔrɛ e shuŋi anebi Mosis fanɛ e ya mɔlga Israɛl be basa kenyaya to ashi Ijipt be kasawule so nseŋ keni bumo so nɛnɛ.

Hoziya 12:9

Ama ma nɛ n la men Nyɛnpe nɛ men be Ebɔrɛ nseŋ lara menyi ashi Ijipt be kasawule so na, beeŋ naŋ shin nɛ men chena ewajɛbu to fanɛ kananɛ men daŋ chena amo to pɔɛŋ nɛ m ba tu menyi keshishɛrsawule na so na.

Hoziya 13:4

Enyɛnpe Ebɔrɛ yɛ: “Ma e la Enyɛnpe, men be Ebɔrɛ nɛ n lara menyi ashi Ijipt be kasawule so na. N nawule e la menyi be Ebɔrɛ nɛ men be emɔlgapo.

Hoziya 2:15

Meeŋ naŋ bɛta menyi be asɔrso nɛ baa tre greep na be adɔbi na n sa menyi nseŋ shin nɛ ketaŋɛ nɛ baa tre ‘Akɔɔ’ nɛ kumo be kifito la tɔrɔ na e ki Tama be kaboŋ. Ndoŋ nɛ menyee nu n sa ma fanɛ kananɛ men daŋ nu n sa ma saŋɛ nɛ men la mbifɔlbi nɛ n lara menyi ashi Ijipt be kasawule so na.

Malakai 1:2

E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Matiu 2:15

Ndoŋ nɛ e daŋ ya kaa wɔ loŋ hale nɛ Ewura Hɛrɔd ya wu. Le be asheŋ ere daŋ wora nna nɛ kusɔ nɛ Enyɛnpe daŋ bɔla anebi Hoziya to ŋ kaŋɛ le na e bɔla ekpa. E yɛ: “N tre m pibinyɛn ashi Ijipt to n lar.”

Ditɛronɔmi 33:3

Enyɛnpe Ebɔrɛ na bee sha mbe basa nna, nsaa kuŋ bekama nɛ b la mo peya. Amoso anyeeŋ gbir m bunyaŋ mo nseŋ wora kusɔ nɛ e kaŋɛ kenishipere so na kasonu.

Ditɛronɔmi 7:7

Enyɛnpe Ebɔrɛ na daŋ maŋ sha menyi nseŋ lara menyi nna ŋkpal men ka shi a chɔ basa kikɛ so. Menyi e daa la efuli nɛ k maŋ shibi n fo efuli kama so ashi durnya ere kikɛ to.