Hibruwebi 9:21 - EBƆRƐ BE KAWƆL

²¹ Ekpa koŋwule na gbagba so nɛ Mosis daŋ naa kilgi a ta ŋklaŋ na a ŋmenyaŋ a wurge wajɛlambu na nɛ kumo be asɔ nɛ b daa kɔ a bunyaŋ Ebɔrɛ na kikɛ so nyam.

Hibruwebi 9:21 ပူးပေါင်းရင်းမြစ်များ

Ɛksodɔs 24:6

Nɛ Mosis ta loŋ be asɔbɔya na be ŋklaŋ be bargato n wɔtɔ ntishaŋ to nseŋ ta bargato nɛ a ka na malɛ ŋ ŋmenyaŋ bɔrɛsure na so.

Ɛksodɔs 29:12

nɛ fo ta keshilbi n nyɔ gbolu fɔlbi na be ŋklaŋ na to n do n do bɔrɛsure na be alambɛ na so nseŋ chulgi ŋklaŋ na be amo nɛ a ka na malɛ kikɛ n wurge bɔrɛsure na be kaseto.

Ɛksodɔs 29:20

nɛ men mɔ kumo nseŋ suse ŋklaŋ na be ako n do n do Ɛɛrɔn nɛ mbe bibinyɛnana na be jisa so be asoe be nseto nɛ bumo be enɔjisaana be ashilbinio so nɛ bumo be ayajiso be anashibinio so nseŋ ta ŋklaŋ nɛ a ka na malɛ kikɛ ŋ ŋmenyaŋ ŋ ŋmenyaŋ bɔrɛsure na be mba ana na kikɛ so.

Ɛksodɔs 29:36

Nchɛnshunu na be karechɛ kama malɛ, men ta gbolu n lara alubi be ketampaŋ nɛ bɔrɛsure na be kefɔrso be sarga. Kumo be kaman nɛ men ta ɔlif be ŋku ŋ gbiti bɔrɛsure na so nɛ k ki cheembi.

Ɛksodɔs 40:9

Kede be kaman nɛ fo ta ŋku nɛfaso na ŋ ŋmenyaŋ Ebɔrɛ be wajɛbu na nɛ kusɔ kama nɛ k wɔ kumo to so n ta amo m bɔɔ ma, Ebɔrɛ enɔ nɛ a ki asɔ cheembi.

Levitikɔs 8:15

Kumo be kaman nɛ Mosis mɔ kumo n suse ŋklaŋ na nseŋ ta mbe keshilbi n nyɔ amo to n do n do bɔrɛsure na be alambɛ ana na be nnɔso so nɛ k ki cheembi. Kumo be kaman nɛ e chulgi ŋklaŋ nɛ a ka na n wurge bɔrɛsure na be kaseto. Kananɛ e wora nɛ bɔrɛsure na ki cheembi nɛ b baa lara kulubi be esarga kumo so nna na.

Levitikɔs 8:19

Kumo be kaman nɛ Mosis mɔ kumo nseŋ suse ŋklaŋ na ŋ ŋmenyaŋ bɔrɛsure na be alambɛ ana na kikɛ so ŋ kulti.

Levitikɔs 9:18

Kumo be lalaloge nɛ e mɔ gbolu nɛ kpakpa na n lara basa na be kɔnɔkoŋwule be sarga na. Nɛ mbe mbinyɛnsobi na suse ŋklaŋ na m ba sa mo nɛ e wora amo ŋ ŋmenyaŋ bɔrɛsure na be mba ana na so.