Hibruwebi 9:2 - EBƆRƐ BE KAWƆL

² B daŋ yuu wajɛlambu nna, nɛ kumo be ebu juŋkparso nɛ baa tre kakpa cheembi na daa kɔ patisa. Ndoŋ nɛ fitila na nɛ teebɔl na nɛ bodobodo nɛ b kɔ a sa Ebɔrɛ na kikɛ daa wɔ na.

Hibruwebi 9:2 ပူးပေါင်းရင်းမြစ်များ

Ɛksodɔs 25:23

“Kumo be kaman nɛ fo shin nɛ b ta akasia be etaabodibi n lɔŋɛ teebɔl nɛ kumo be nteŋ to e baa la ayadra asa nɛ mparto e baa la keyadra koŋwule nɛ bargato, nɛ kumo be jeŋgreŋ malɛ e baa la ayadra anyɔ.

Ɛksodɔs 25:30

Kumo be kaman nɛ men ta teebɔl na n yili kɔnɔkoŋwule be ŋkre be deka na be anishito nsaa ta bodobodo nɛ b kɔ a lara sarga a sa ma na a deŋi kumo so saŋkikɛ.”

Ɛksodɔs 25:31

“Shin nɛ b ta shuwa gbagba m bɛl kefitilatɔl, nɛ kumo be ayabi nɛ a kɔ asɔ ko fanɛ atoto be alambu na nɛ amo kikɛ e baa la kukoŋwule.

Ɛksodɔs 26:1

“Le e daga fanɛ men lɔŋɛ Ebɔrɛ be wajɛbu na, men ta ago be ejese lela mɔlmɔlbi nɛ ejese nɛ a la buru nɛ kepeper kpaw n lue epatisa kudu nseŋ shin nɛ esa nɛ e nyi kajɔ e ta kebasibi nɛ jese n jɔ chɛrubim be kaduli n deŋi n deŋi epatisa na so.

Ɛksodɔs 26:33

Kumo be kaman nɛ men ta patisa na ŋ kuŋ to nɛ k barga acheembiana to be kakpa cheembi na ashi kakpa cheembi na to nseŋ ta kɔnɔkoŋwule be ŋkre be deka na n yili patisa na be kaman

Ɛksodɔs 26:35

Kumo be kaman nɛ men ta sarga be bodobodo be teebɔl na n yili kakpa cheembi na to ashi Ebɔrɛ be wajɛbu na be kelargato be esoso be kaba so, nseŋ ta kefitilatɔl na malɛ n yili a laŋɛ kumo be kelargato be kaseto be kaba so.

Ɛksodɔs 29:1

Men kaa shin nɛ men ta Ɛɛrɔn nɛ mbe bibinyɛn na m bɔɔ ma enɔ fanɛ bɔrɛmatapoana, men ta gbolu fɔlbi koŋwule nɛ ekpakpa anyɔ nɛ a maŋ kɔ ndulgi kikɛ.

Ɛksodɔs 29:35

Ta nchɛnshunu dede n wora Ɛɛrɔn nɛ mbe bibinyɛn be keta m bɔɔ Ebɔrɛ enɔ be kasheŋwora na fanɛ kananɛ ŋ kaŋɛ fo na gbagba chap.

Ɛksodɔs 40:2

“Yuu Enyɛnpe Ebɔrɛ be wajɛbu na kufɔl juŋkparso be kachɛ sososo

Ɛksodɔs 40:4

Kumo be kaman nɛ fo ta teebɔl na n yili wajɛbu na to nseŋ ta asɔ nɛ a daga a baa wɔ kumo so na n deŋi kumo so. Kede be kaman nɛ fo ta kefitilatɔl na n yili kumo to m bela efitila na m bɛ m bɛ kumo so.

Matiu 12:4

E daŋ yɔ Ebɔrɛ be lambu to nna n ya ta ebodobodo nɛ b daŋ ta n lara sarga n sa Ebɔrɛ na nna nɛ mo nɛ basa na we, ŋkeshin nɛ an be mbra na bee kaŋɛ fanɛ bɔrɛmatapo na nawule e naaŋ tiŋ n we loŋ be bodobodo na.

Matiu 5:15

Basa malɛ maa chɔɔ fitila so nsaa ta katishaŋ a buu kumo so, fitila be eyilikpa nɛ baa ta kumo a yili nɛ k bee sa basa kikɛ kefulto ebu na to.

Hibruwebi 9:25

Mo nawule e maŋ du fanɛ bɔrɛmatapo nimusoana nɛ b daa ta ŋklaŋ nɛ a maŋ la bumo gbagba peyaana a luri acheembiana to be kakpa cheembi kafɛ kafɛ a lar na. Mo ere daa maŋ luri n ta mbe kumu n lara sarga ale damta.