Hibruwebi 9:15 - EBƆRƐ BE KAWƆL

¹⁵ Amoso, mo e la kɔnɔkoŋwule be ŋkre popɔr na be ematapo, saŋɛ na so bumo nɛ Ebɔrɛ tre na beeŋ nya kɔnɔ naseso na be enɛfa nɛ a wɔtɔ mbaanaayɔ nɛ Ebɔrɛ kaŋɛ fanɛ e beeŋ sa na. Le be kesheŋ beeŋ tiŋ n wora nna ŋkpal Kristo ka wu nɛ mbe luwu na bee tiŋ a sɔ basa ashi bumo be alubi nɛ b daa kɔ a wɔ kɔnɔkoŋwule be ŋkre dra na to a yige so.

Hibruwebi 9:15 ပူးပေါင်းရင်းမြစ်များ

Nshɛ 37:18

Enyɛnpe Ebɔrɛ na e naa keni bekama nɛ baa wora mo kasonu so. Kusɔ kama nɛ mo alɛ sa bumo beeŋ baa la bumo peya mbaanaayɔ.

Danɛl 9:26

Loŋ be saŋɛ na kaŋ ya ka fo ekar, baaŋ mɔ Ebɔrɛ be ejuŋkparpo laraso na. Ejuŋkparpo lempo ko be benapo nɛ baa kɔ a sɔ nde na beeŋ ba mur kadegboŋ na nɛ bɔrɛlambu na kikɛ fanɛ kananɛ nchu bee bɔlɔ a mur kusɔ kama na. Kena malɛ nɛ asɔ be kejija beeŋ baa wɔtɔ nna hale n ya fo Ebɔrɛ be kepar be saŋɛ.

Matiu 19:29

Ekama malɛ nɛ e yige mo pe ŋko beda nɛ besipo ŋko besipoche ŋko betuto ŋko benio ŋko bibi ŋko nsawule ŋkpal ma so, amodoŋwura beeŋ nya amo be ntuŋ kalfaso nseŋ nya ŋkpa nɛ k maŋ kɔ ekar na n ti so.

Matiu 22:3

Keji be saŋɛ ka ba fo nɛ e shuŋi mbe anya fanɛ b ya kaŋɛ basa nɛ e daŋ tre na fanɛ b baa ba, ama b kini keba.

Matiu 25:34

Kumo be kaman nɛ ma, Ewura na e kaŋɛ basa lela nɛ b wɔ ma jisoso na le: ‘Menyi nɛ n Tuto nɛfa na, men ba luri kuwura nɛ b lɔŋɛ n yili menyi kasɔto be jemanɛ na kikɛ na to.

Matiu 25:36

N daa maa kɔ asɔbuuso nɛ men buu ma, n daa lɔ nna nɛ men keni ma so, n daa wɔ kabuti to nɛ men ba chɔrɔ ma.’

Maak 10:17

Yesu ka baŋ fara nɛ e pɛ ekpa nɛ kanyɛn ko shile m ba gbir mbe anishito m bishi mo: “Eŋinipo lela, manɛ nɛ meeŋ wora n tiŋ n nya ŋkpa nɛ k maŋ kɔ ekar na?”

Luuk 18:18

Nɛ Juwebi be ebunyampo ko bishi Yesu le: “Eŋinipo lela, manɛ nɛ meeŋ wora n tiŋ n nya ŋkpa nɛ k maŋ kɔ ekar na?”

Luuk 22:20

Men baa wora loŋ a nyiŋi ma.” Ajibi na be kaman nɛ e ta kawiebi na malɛ n wora kananɛ e daŋ keta bodobodo na n wora na nseŋ kaŋɛ bumo: “Kawiebi ere to be asɔnuuso nɛ baa duga a sa menyi ere e la Ebɔrɛ nɛ dimɛdi be kɔnɔkoŋwule be ŋkre popɔr nɛ k wɔtɔ ŋkpal ma ŋklaŋ so na.

Baru lela nɛ Jɔn kute na 10:28

Mee sa bumo ŋkpa nɛ k maŋ kɔ ekar na nɛ b sa maŋ wu kikɛ. Esa kama malɛ maaŋ tiŋ n suge bumo ashi ma enɔ to.

Ashuŋ Shunso 20:32

Naniere, Ebɔrɛ be enɔ to nɛ mbe kuwɔr be kakɛ be kubɔya na be kebaawɔtɔ to nɛ mee ta menyi a wɔtɔ to na. Kubɔya na e naaŋ tiŋ n shin nɛ menyi be kenyi e wora keshi n ti so n naŋ shin nɛ men nya nɛfa nɛ Ebɔrɛ kɔ a jo nɛ e sa mbe basa cheembi na.

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Romebi 5:6

Ŋkpal manɛ so, saŋɛ nɛ an daa maŋ kɔ eleŋ na nɛ Ebɔrɛ be jemanɛ fo nɛ Kristo wu n sa bumo nɛ b maŋ kɔ kabɔrɛŋana na.

Romebi 5:8

Ama kananɛ Ebɔrɛ ŋini anyi mbe kasha nde fanɛ saŋɛ nɛ an daa la alubiworapoana na nɛ Yesu wu n sa anyi.

Romebi 6:23

Ŋkpal manɛ so, asheŋ lubi be kakɔka e la luwu, ama Ebɔrɛ be kagbene koŋwuleso be kakɛ e la ŋkpa nɛ k maŋ kɔ ekar na ashi an Nyɛnpe Yesu Kristo to.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

Romebi 8:30

Amoso, Ebɔrɛ tre bumo nɛ e lara n yili na nna. Bumo nɛ e tre na malɛ kikɛ nɛ e shin nɛ b ji n lar. Bumo nɛ e shin nɛ b ji n lar malɛ kikɛ nɛ e shin nɛ mo nɛ bumo nya mbe kemaŋkura na.

Romebi 9:24

Anyi nɛ e tre na, ama mannɛ ashi Juwebi nawule to, e tre basa ko ashi nnyamase gba to.

2 Kɔrintebi 3:6

Mo e shin nɛ an ki kɔnɔkoŋwule be ŋkre popɔr be beshumpo, k la kiyoyu to be kesheŋ nna, mannɛ mbra to be kasibɛ be kesheŋ, ŋkpal manɛ so, mbra to be kasibɛ na bee bar luwu nna nɛ Kiyoyu na malɛ bee sa ŋkpa.

Galeeshaebi 3:20

Nɛ esa baa la esa koŋwule, ematapo maŋ kɔ tɔnɔ n sa mo. Ebɔrɛ malɛ la esa koŋwule nna.

Ɛfesesebi 1:7

Ŋkpal manɛ so, Kristo be luwu na so e shin nɛ an nya an be amu na. Ebɔrɛ ta anyi be alubi m paŋ anyi. Kashenteŋto malɛ Ebɔrɛ be kuwɔr be kakɛ nɛ e bugi kagbene kikɛ n sa anyi na shi pasaa.

2 Tɛsalɔnikaebi 2:14

Baru lela nɛ an malga n sa menyi na to nɛ Ebɔrɛ bɔla n tre menyi. E tre menyi nna nɛ menyi alɛ e ba nya an Nyɛnpe Yesu Kristo be kemaŋkura na.

1 Timoti 2:5

Ŋkpal manɛ so, Ebɔrɛ koŋwule nɛ enyiŋgbasa nɛ Ebɔrɛ be nferinto be ematapo koŋwule nɛ baa tre Kristo Yesu Nyiŋgbasa na nawule e wɔtɔ.

2 Timoti 2:10

Amoso nɛ mee ji awurfoŋ ere be kanyiti ŋkpal Ebɔrɛ be basa laraso na so nɛ bumo alɛ gba e tiŋ m bɔla Kristo Yesu so n nya kumɔlga nɛ kemaŋkura nɛ k maŋ kɔ ekar na.

Taites 1:2

nɛ kumo be tama wɔ kenya ŋkpa nɛ k maŋ kɔ ekar na to na. Kumo be kɔnɔ nɛ Ebɔrɛ nase pɔɛŋ nɛ kusɔ kikɛ fara na. Mo alɛ maa ku efɛ kikɛ.

Taites 3:7

Ŋkpal mbe kuwɔr be kakɛ na so e kpra anyi be alubi ashi anyi so nɛ ŋkpa nɛ k maŋ kɔ ekar nɛ anyee tama na e ki anyeya.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.

Hibruwebi 10:36

A daga fanɛ men baa kɔ kanyiti a kɔ to n tiŋ n wora Ebɔrɛ be aparsheŋ n nya kusɔ nɛ Ebɔrɛ nase kɔnɔ fanɛ e beeŋ sa na.

Hibruwebi 11:13

Yirda to nɛ basa ere kikɛ daa wɔ nseŋ wu nɛ b maŋ naŋ nya asɔ nɛ Ebɔrɛ nase kɔnɔ fanɛ e beeŋ sa na. B daŋ to kenishi nna n yɔ kufɔ n wu amo n sɔ amo a nyi fanɛ b shi efuli pɔtɛ so nna a la befɔ kasawule ere so.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 6:13

Ebɔrɛ ka daŋ nase kɔnɔ n sa Eebraham na e daŋ bɔ mo gbagba be kumu nna fanɛ e beeŋ wora kusɔ nɛ e daŋ nase na, ŋkpal manɛ so, esa kikɛ daa maŋ naa wɔtɔ a chɔ mo nɛ e bɔ n ti amodoŋwura be ketre.

Hibruwebi 6:15

Ndoŋ nna nɛ Eebraham ji kanyiti loŋ n ya nya kusɔ nɛ Ebɔrɛ yɛ e beeŋ wora na.

Hibruwebi 7:22

Le be ntaŋ ere malɛ e naa ta Yesu a ki esa nɛ e yili anyi be katelamu to a sa kɔnɔ naseso mo nɛ k bɔ kedra na.

Hibruwebi 8:13

To, kananɛ e bee tre kɔnɔ naseso ere kusɔ popɔr ere bee ŋini fanɛ e ta sososo peya na nna ŋ ki kedra na. Kusɔ kama malɛ nɛ k chɛr bee dra to nna a maŋ naa chɛr ko nsaa choŋ kuraa.

Hibruwebi 9:12

E ka daŋ luri lambu na to kela koŋwule pati na, mannɛ mboe nɛ anabi be ŋklaŋ nɛ e daŋ ta n luri ndoŋ. Mo gbagba be ŋklaŋ nɛ e daŋ ta n luri acheembiana to be kakpa cheembi na to n ya nya kesɔnyige be kebaawɔtɔ nɛ k maŋ kɔ ekar na n sa anyi.

Hibruwebi 9:16

Kaplɛkama nɛ esa nase mbe luwu be kaman be aparsheŋ be kɔnɔ, mbe luwu be kaman nɛ kesheŋ nɛ e kaŋɛ na beeŋ tiŋ n wora, mannɛ saŋɛ nɛ e kraa wɔ ŋkpa to na.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

1 Pita 3:18

Ŋkpal manɛ so, Kristo gba wu kela koŋwule nna pati, ŋkpal basa be alubi so, esa nɛ e maŋ kɔ kulubi e wu n sa basa lubi na, saŋɛ na so e beeŋ yɛra menyi Ebɔrɛ kutɔ. B daŋ mɔ mbe eyur, ama Ebɔrɛ shin nɛ e nya ŋkpa ashi mbe Kiyoyu na to.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Jɔn 2:25

Kusɔ nɛ mo alɛ nase kɔnɔ fanɛ e beeŋ sa anyi e la ŋkpa nɛ k maŋ kɔ ekar na.

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.