Hibruwebi 9:10 - EBƆRƐ BE KAWƆL

¹⁰ Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.

Hibruwebi 9:10 ပူးပေါင်းရင်းမြစ်များ

Ɛksodɔs 29:4

Kede be kaman nɛ men shin nɛ Ɛɛrɔn nɛ mbe bibinyɛn na e ba Enyɛnpe Ebɔrɛ be wajɛbu na be kabuna to m ba bɛr daŋkare be ekpa so.

Ɛksodɔs 40:12

Shin nɛ Ɛɛrɔn nɛ mbe bibinyɛn e ba Enyɛnpe be wajɛbu na be kabuna m ba fɔr bumo amu so daŋkare be ekpa so.

Ezikɛl 4:14

Nɛ ma alɛ kaŋɛ Enyɛnpetale Ebɔrɛ le: “Loŋ maaŋ wora, ŋkpal manɛ so, m maŋ naŋ ji ma ekishi n jija ma kumu kikɛ. Yili ma kebia to kikɛ, m maŋ naŋ ji kusɔ wuso ŋko kusɔ nɛ kusɔbɔya pɛ n ji ŋ ka kikɛ. Ajibi nɛ a maŋ walɛ so maŋ naŋ luri ma kɔnɔ kikɛ.”

Levitikɔs 13:58

Nɛ fanɛ e ka fɔr kumo na, kapuu na maŋ naa wɔ kusɔbuuso na ŋko kechɛbi na ŋko kusɔbɔya be kawɔl na so, e beeŋ naŋ laŋɛ n fɔr kumo nɛ k nyalɛ so daŋkare be ekpa so.”

Levitikɔs 16:24

A daga e yili kakpa cheembi na nna m bɛr nchu pɔɛŋ nseŋ ta mbe asɔbuuso gbagba m buu. Kumo be kaman nɛ e lar m ba lara sarga chɔɔso nɛ k beeŋ kpra mo nɛ basa na kikɛ be alubi na.

Levitikɔs 16:4

E beeŋ bɛr nchu pɔɛŋ nseŋ ta mbe kabɔrɛmata be epiŋi tenteŋ m buu n deŋi kumo be danshiki so nseŋ ta wajɛchɛbi be kreso paŋgelambi na ŋ kre so nseŋ naŋ ta neemu m mɛa kumu.

Levitikɔs 22:6

Bɔrɛmatapo kama malɛ nɛ e wora eyurpi beeŋ baa wɔ eyurpi na to, hale n ya fo kaaseso. Mo alɛ maaŋ tiŋ n ji esarga cheembi na, ama e baŋ bɛr nchu nna pɔɛŋ.

Nɔmbɛs 6:3

maŋ daga fanɛ b nuu nsa kpakpaso be yiri kikɛ fanɛ amo nɛ b ta asɔrso nɛ baa tre greep n wora na. Bumo alɛ e sa maŋ kaŋ ji asɔrso nɛ baa tre greep na be awushiso ŋko amo be awɔlso gba.

Maak 7:4

Bumo alɛ baŋ shi kebɛ to m ba, b maa ji shɛŋ ama b fɔr bumo be amu daŋkare so nna pɔɛŋ. Bumo alɛ daŋ naa bɛ edaŋkare damtaana so nna fanɛ kananɛ baa fɔr nwiebi to nɛ mpuliya to nɛ danyaŋ be ntishaŋ to na.

Galeeshaebi 4:9

Ama naniere bre men ba pin Ebɔrɛ. Kusɔ nɛ mee sha nɛ ŋ kaŋɛ e la fanɛ Ebɔrɛ e ba pin menyi de. Nɛ nuso nɛ a ji nɛ men naa bɛta a ta men be amu a sa le be durnya ere to be sososo be asɔ ŋiniso pɔso nɛ amo be asheŋ kɔ kuwɔr ere? Menyee sha fanɛ men naŋ bɛta ŋ ki amo be anya nna a?

Ɛfesesebi 1:10

Ebɔrɛ be kusɔ nɛ e nase nɛ e wora amo jemanɛ na gbagba kaŋ fo na e la fanɛ e beeŋ bar kepɔrso kikɛ abar so, amo nɛ a wɔ esoso nɛ kasawule so kikɛ nyam nɛ Kristo e baa la amo kikɛ be kumu.

Ɛfesesebi 2:15

E ta mbe kumu ŋ kpra Juwebi be mbra na nɛ kumo be ntaŋana nɛ loŋ e shin nɛ basa yiri ntuŋ anyɔ na e ba abar so m ba ki basa koŋwule, saŋɛ na so e beeŋ bar kagbenewushi bumo to.

Ditɛronɔmi 21:6

Kumo be kaman nɛ kade nɛ k mata kakpa nɛ b wu ebuni na be benimuana na e fɔr bumo be enɔana n wurge kena nɛ b bu kumo be kubɔ na so

Ditɛronɔmi 23:11

Ta a ba kaaseso nɛ e bɛr nchu, nseŋ bɛta m ba keeyi na to saŋɛ nɛ kaboŋ bee pɛ anishi na.

Kɔlɔsiebi 2:16

Amoso, men sa maŋ shin nɛ ekama e wu menyi kulubi ŋkpal kusɔ jiso ŋko kusɔnuuso so ŋko ŋkpal men ka maa bunyaŋ nchɛgboŋ ŋko kufɔl popɔr ŋko kewushiachɛ so.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 13:9

Men sa maŋ shin nɛ keŋini be nnaŋ to nɛ a wɔtɔ ere e fule menyi kikɛ nɛ men foe ekpa. Ebɔrɛ be kuwɔr be kakɛ e daga kebaaleŋ menyi be ŋgbeneana to, mannɛ edaŋkaresheŋ be ekpaana be ajibi nɛ a maŋ kɔ tɔnɔ n sa basa nɛ b ji amo na.

Hibruwebi 2:5

Ebɔrɛ malɛ maŋ ta durnya nɛ k beeŋ ba kachako so nɛ anyeeŋ malga kumo be asheŋ ere m bɔɔ emalaika enɔ.

Hibruwebi 6:2

A maŋ daga fanɛ an naa ŋini keyirda Ebɔrɛ be asheŋ ŋko n naa ŋini menyi kabɔrɛbɛrana be keŋini nɛ enɔana be kebaata a deŋi basa so ŋko basa be ketiŋi luwu to be asheŋ nɛ demuji be kasogberge nɛ k maŋ kɔ ekar na be asheŋ kuraa.

Hibruwebi 6:5

B tea nyi kananɛ Ebɔrɛ be kamalga na walɛ n sa bumo nsaa nyi Ebɔrɛ be jemanɛ nɛ k bee ba na be eleŋ be asheŋ.

Hibruwebi 7:12

Ŋkpal manɛ so, nɛ b baŋ chɛrga bɔrɛmatapoana na be keji ekpa, kumo ere, a daga b ka chɛrga mbra na gba.

Hibruwebi 7:16

Mo ere, mannɛ dimɛdi be ekpaana so nɛ e bɔla ŋ ki bɔrɛmatapo, ŋkpa nɛ esa maaŋ tiŋ n jija so nɛ e bɔla ŋ ki.

Hibruwebi 9:1

To, sososo be kɔnɔkoŋwule be ŋkre na gba daa kɔ kumo be atande nna nɛ basa daa bɔla so a bunyaŋ Ebɔrɛ nseŋ daŋ naa kɔ kasawule so be kakpa cheembi.