Hibruwebi 8:9 - EBƆRƐ BE KAWƆL

⁹ Ma Enyɛnpe na naŋ kaŋɛ: Loŋ be kɔnɔ naseso na maaŋ baa du fanɛ kumo nɛ n nase n sa bumo nananyɛnana kachɛ nɛ m pɛ bumo be enɔana n lara bumo ashi Ijipt be kasawule so na. Ŋkpal b ka daa maŋ ji bumo be amu kashenteŋ m bɛ ma kɔnɔ naseso so n ya fo ekar na so, m pal ma kaman nna n sa bumo.

Hibruwebi 8:9 ပူးပေါင်းရင်းမြစ်များ

Jɛnesis 19:16

Lɔt ka wɔtɔ a jija saŋɛ nɛ emalaika na pɛ mo nɛ mbe eche nɛ bumo be bibiche anyɔ na be enɔana to ŋ gberge bumo n lar kade na to, ŋkpal Enyɛnpe na ka daŋ wu bumo kuwɔr so.

Job be kawɔl 8:20

An nyi fanɛ Ebɔrɛ maa kini esa nɛ basa maa wu kulubi mo so a lɛ, mo alɛ maa chɛ alubiworapo to.

Nshɛ 105:43

Enyɛnpe Ebɔrɛ na ka kɔ n suge mbe basa laraso ashi Ijipt be efuli so na, b daŋ boŋ nshɛ n ji eyur kagbenefuliso nna.

Nshɛ 77:20

Fo daŋ bɔla Mosis nɛ Ɛɛrɔn so nna n juŋkpar fo basa fanɛ mbolpɔkpapo na.”

Nshɛ 78:57

B daa du fanɛ bumo nanaana nɛ b daa maa ji kashenteŋ nseŋ paŋ yirda na nna. Bumo alɛ daa du fanɛ ketanyembi kɔnto nɛ esa maaŋ tiŋ n fute n yige kumo so nna.

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Ɛksodɔs 34:10

Ndoŋ nna nɛ Enyɛnpe Ebɔrɛ kaŋɛ Mosis: “Naniere ma nɛ Israɛlebi wora kɔnɔkoŋwule be ŋkre, ma alɛ beeŋ wora asheŋgboŋ nɛ a maŋ naŋ wora basa kama to ashi durnya to kikɛ bumo be anishito. Efuliana nɛ a kulti menyi na be basa beeŋ wu asheŋ tumase nɛ a bee keta kufu nɛ ma, Enyɛnpe Ebɔrɛ na beeŋ wora n sa menyi.

Sɔlɔmɔn 8:5

Wanɛ nɛ mo jipo e pɛ abar be enɔ to n shi keshishɛrsawule so a ba ere? Ndibi nɛ baa tre apɔl na be kifi to nɛ n chɔlta fo; ndoŋ nɛ fo nio di fo kedampo ŋ kurge fo na.

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 41:13

Ma e la Enyɛnpe menyi be Ebɔrɛ na. Ma e wɔtɔ menyi eleŋ nsaa kaŋɛ, ‘Men sa maa lɔ kufu; meeŋ chɛ menyi to.’ ”

Aizaaya 51:18

Esa kikɛ maŋ wɔtɔ nɛ e pɛ menyi enɔ to n juŋkpar menyi ŋko n chɛ menyi to.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Nfabel 4:16

Bumo be asheŋ daa maŋ naŋ tir Enyɛnpe Ebɔrɛ na, amoso mo gbagba e daŋ shin nɛ b pesaŋ to n sɔ kaplɛkama. E daa maŋ naa sa anyi be anebiana nɛ bɔrɛmatapoana na bunyaŋ ŋko a wu bumo kuwɔr gba.

Ezikɛl 16:59

Nɛ Enyɛnpe Ebɔrɛ naŋ kaŋɛ: “Meeŋ gberge fo, Jerusalɛm, kusoe ŋkpal fo ka kplaŋ ntaŋ nɛ fo bɔ na so nseŋ jija ma nɛ fo kɔnɔkoŋwule be ŋkre na so.

Ezikɛl 16:8

Ŋ ka naŋ ba wu fo nɛ m pin fanɛ naniere fo ki eche nna n loge na, nɛ n ta ŋ gbagba be kusɔbuuso m buu fo kayurkpaŋ so. Kumo be kaman nɛ n nase kɔnɔ n sa fo nseŋ bɔ ntaŋ fanɛ feeŋ baa la meya nɛ ma, Enyɛnpetale Ebɔrɛ na e baa keni fo so.

Eemɔs 5:22

Hale nɛ men lara esarga chɔɔso nɛ ayu be esarga gba m ba sa ma, maaŋ sɔ amo. Men be asɔbɔya danso duliduli lela gba be asheŋ maaŋ bɔlɔ ma kenishi.

Malakai 2:13

Kusɔ nɛ men naŋ wora e la fanɛ, menyee shu a gbiti Enyɛnpe Ebɔrɛ be bɔrɛsure na nna. Menyee boŋ to nna a shu ŋkpal e ka maŋ naa sɔ menyi be ŋkɛ nɛ menyee ta a bar mo na so.

Maak 8:23

nseŋ keta mo n lar kadebi na to n ya tuu echɔl n wora amo n wɔtɔ kanyɛn na be anishito nseŋ ta mbe enɔ n deŋi mo so nseŋ bishi mo: “Fee wu a?”

Ashuŋ Shunso 13:11

Enyɛnpe malɛ beeŋ gberge fo kusoe naniere nɛ fo tan a maaŋ naŋ tiŋ n wu efuli hale n ya fo saŋko.” Epul na to nɛ k wora Elimas na fanɛ kumɔɔ lembir ko ka ba buu mbe anishi kikɛ so nɛ e fara a nite a kulti a laa a fin esa nɛ e beeŋ pɛ mbe enɔ to.

Ashuŋ Shunso 7:36

Mo e daŋ juŋkpar bumo n wora emamachisheŋ nɛ kashenteŋ be etɔɔnɛsheŋ damta ashi Ijipt nɛ Teku Peper na to nɛ jemanɛ nɛ b daa wɔ kiyi to nfɛ adena na kikɛ.

Ashuŋ Shunso 9:8

Sɔɔl ka niŋi to m bugi mbe anishi e daa maŋ tiŋ n wu shɛŋ. Ndoŋ nna nɛ b pɛ mbe enɔ to ŋ keta mo n luri Damaskɔs to.

Galeeshaebi 4:24

Anyeeŋ tiŋ ŋ koya kesheŋ ko ashi le be adrasheŋ ere to. Beche anyɔ na du fanɛ kɔnɔkoŋwule be ŋkre anyɔ nna. Amo be kuko shi Sainai be kebee na so nna nɛ kumo be kaplɛa so be mbia la anya. To, Heega peya nna na.

Ditɛronɔmi 29:1

Kananɛ Enyɛnpe Ebɔrɛ na nɛ Israɛlebi na be kɔnɔkoŋwule be ŋkre, nɛ e kaŋɛ Mosis kenishipere so ashi Mowab be kasawule so na, bee nite nde. Le be ŋkre ere gba ti amo nɛ bumo nɛ Enyɛnpe Ebɔrɛ na daŋ kre ashi kebeegboŋ nɛ baa tre Sainai na ase na so nna.

Ditɛronɔmi 29:12

Men wɔ nfe kabre nna nɛ men nase kɔnɔ fanɛ menyeeŋ wora m bɔlɔ kɔnɔkoŋwule be ŋkre nɛ menyi nɛ Enyɛnpe, men be Ebɔrɛ na bee kre na so,

Ditɛronɔmi 29:25

Kusɔ nɛ beko beeŋ kaŋɛ e la: “Basa ere ka lar bumo Nyɛnpe, nɛ e la bumo nananyɛnana be Ebɔrɛ na be kɔnɔkoŋwule be ŋkre nɛ mo nɛ bumo kre jemanɛ nɛ e lara bumo Ijipt be efuli so kaman