Hibruwebi 8:8 - EBƆRƐ BE KAWƆL

⁸ Ama Ebɔrɛ daŋ wu kulubi mbe basa Israɛlebi so nna nseŋ daŋ kaŋɛ le fanɛ: “Ma Enyɛnpe e naa kaŋɛ le na fanɛ saŋko bee fo nɛ n nase kɔnɔ naseso popɔr ashi ma nɛ ma basa Israɛlebi nɛ Juda be kanaŋ to ebi be nferinto.

Hibruwebi 8:8 ပူးပေါင်းရင်းမြစ်များ

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Jɛremaya 23:5

Nɛ Enyɛnpe Ebɔrɛ na naŋ kaŋɛ le: “Kachako bee ba nɛ n lara ewura nɛ e niŋi nseŋ shi Ewura Deevid be kanaŋ to. Loŋ be ewura na beeŋ ta kanyiasheŋ n ji kuwura, nseŋ wora asheŋ niŋiso ashi ekpa nɛ k daga so ashi kasawule na kikɛ so.

Jɛremaya 23:7

Kede be kaman nɛ Enyɛnpe Ebɔrɛ kaŋɛ le: “Jemanɛ ko bee ba nɛ ma basa maaŋ naa ta Enyɛnpe Ebɔrɛ nɛ e bee sa ŋkpa nseŋ lara Israɛl be basa ashi Ijipt be kasawule so dra dra na be ketre to a bɔ ntaŋ.

Jɛremaya 30:3

ŋkpal manɛ so, jemanɛ ko bee ba nɛ n naaŋ shin nɛ ma basa nɛ b shi Juda nɛ Israɛl be kuwurgboŋ nɛ k wɔ kelargato be esoso be kaba so na so kikɛ e bɛta m ba kasawule nɛ n ta n sa bumo nanaana na so, n naŋ ba sɔ kumo ŋ ki bumo peya. Ma, Enyɛnpe Ebɔrɛ e kaŋɛ na.”

Jɛremaya 31:27

Ma, Enyɛnpe Ebɔrɛ na bee kaŋɛ nna fanɛ kacha ko bee ba nɛ n shin nɛ edimɛdi nɛ asɔbɔya e ba bɔlɔ Israɛl be kasawule nɛ Juda be efuli so kikɛ.

Jɛremaya 31:38

Kede be kaman nɛ Enyɛnpe Ebɔrɛ na kaŋɛ le: “Jemanɛ nɛ baaŋ yili Hananɛl be Ebu jeŋgreŋ na be egbaŋ to n ya fo Kukɔlɔto be Kabunagboŋ na be egbaŋ to n lɔŋɛ Jerusalɛm kikɛ m pɔr fanɛ kadegboŋ n sa ma na bee ba.

Jɛremaya 32:40

Ma nɛ bumo malɛ beeŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Ma alɛ maaŋ yige kebaawora asheŋ lela a sa bumo nseŋ shin nɛ b baa ŋana ma ashi bumo be ŋgbene to, a maaŋ naaŋ shile ma.

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Maak 14:24

Nɛ Yesu kaŋɛ bumo: “Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so.

Luuk 17:22

Ndoŋ nna nɛ e kaŋɛ mbe bebɛsopo na le: “Kachako menyeeŋ yɛlga ma, Nyiŋgbasa Pibinyɛn be nchɛ be kukoŋwule, ama menyi alɛ maaŋ nya kumo n wu.

Luuk 22:20

Men baa wora loŋ a nyiŋi ma.” Ajibi na be kaman nɛ e ta kawiebi na malɛ n wora kananɛ e daŋ keta bodobodo na n wora na nseŋ kaŋɛ bumo: “Kawiebi ere to be asɔnuuso nɛ baa duga a sa menyi ere e la Ebɔrɛ nɛ dimɛdi be kɔnɔkoŋwule be ŋkre popɔr nɛ k wɔtɔ ŋkpal ma ŋklaŋ so na.

Luuk 5:38

Kashenteŋto, nsa popɔr daga asɔ popɔr to be keluri nna!

1 Kɔrintebi 11:25

B ka ji n loge nɛ e ta kawiebi na malɛ n wora kananɛ e daŋ wora na ŋ kaŋɛ: “Kawiebi ere e la Ebɔrɛ nɛ dimɛdi be ŋkre popɔr ŋkpal ma ŋklaŋ so na. Men baa wora loŋ saŋkikɛ nɛ menyee nuu asɔrso be asɔnuuso ashi kumo to na a nyiŋi ma.”

2 Kɔrintebi 3:6

Mo e shin nɛ an ki kɔnɔkoŋwule be ŋkre popɔr be beshumpo, k la kiyoyu to be kesheŋ nna, mannɛ mbra to be kasibɛ be kesheŋ, ŋkpal manɛ so, mbra to be kasibɛ na bee bar luwu nna nɛ Kiyoyu na malɛ bee sa ŋkpa.

Ditɛronɔmi 29:14

Mannɛ menyi nawule nɛ Enyɛnpe Ebɔrɛ na bee nase kɔnɔkoŋwule be ŋkre ere be atande a sa.

Hibruwebi 12:24

Men ba Yesu nɛ e la kɔnɔkoŋwule be ŋkre popɔr be elɔŋɛpo nsaa la esa nɛ b ta mbe ŋklaŋ ŋ ŋmenyaŋ n wurge nɛ ŋklaŋ na bee ji kusɔ nɛ k chɔ Ebel be ŋklaŋ na be asheŋ peya na kutɔ.

Hibruwebi 7:22

Le be ntaŋ ere malɛ e naa ta Yesu a ki esa nɛ e yili anyi be katelamu to a sa kɔnɔ naseso mo nɛ k bɔ kedra na.

Hibruwebi 8:13

To, kananɛ e bee tre kɔnɔ naseso ere kusɔ popɔr ere bee ŋini fanɛ e ta sososo peya na nna ŋ ki kedra na. Kusɔ kama malɛ nɛ k chɛr bee dra to nna a maŋ naa chɛr ko nsaa choŋ kuraa.

Hibruwebi 8:6

Ama kananɛ k du ere, Ebɔrɛ sa Kristo kabɔrɛmata be kushuŋ mo nɛ k chɔ bɔrɛmatapoana dra na kikɛ peya nna. Loŋ koŋwule na nɛ Ebɔrɛ nɛ dimɛdi be nferinto be kɔnɔkoŋwule be ŋkre na bɔla kumo so a yil anyi nɛ mo be nferinto na gba chɔ kedra na ŋkpal kepopɔr na be aworbi ka yil Ebɔrɛ be nnɔ naseso na so.

Hibruwebi 9:15

Amoso, mo e la kɔnɔkoŋwule be ŋkre popɔr na be ematapo, saŋɛ na so bumo nɛ Ebɔrɛ tre na beeŋ nya kɔnɔ naseso na be enɛfa nɛ a wɔtɔ mbaanaayɔ nɛ Ebɔrɛ kaŋɛ fanɛ e beeŋ sa na. Le be kesheŋ beeŋ tiŋ n wora nna ŋkpal Kristo ka wu nɛ mbe luwu na bee tiŋ a sɔ basa ashi bumo be alubi nɛ b daa kɔ a wɔ kɔnɔkoŋwule be ŋkre dra na to a yige so.