Hibruwebi 8:4 - EBƆRƐ BE KAWƆL

⁴ Nɛ e daa wɔ kasawule ere so nna e daa maaŋ ki bɔrɛmatapo kikɛ, ŋkpal manɛ so, basa nɛ baa ta ŋkɛana a bar Ebɔrɛ mbra na be ekpa so tea wɔtɔ.

Hibruwebi 8:4 ပူးပေါင်းရင်းမြစ်များ

Nɔmbɛs 16:40

nɛ k baa la kanyiŋi n sa Israɛlebi na fanɛ esa kama nɛ e maŋ shi Ɛɛrɔn be kanaŋ to, maŋ daga e ka chɔɔ duwu n lara sarga bɔrɛsure na so n sa Enyɛnpe Ebɔrɛ na. Esa kama nɛ e wora loŋ beeŋ wu fanɛ kananɛ Koora nɛ mbe basa wu na.

Nɔmbɛs 18:5

Fo nɛ fo mbinyɛnsobi nawule e daga kebaashuŋ Enyɛnpe be wajɛbu na to nɛ bɔrɛsure na so, loŋ nɛ ma agbo maaŋ naŋ ba Israɛlebi na so.

Hibruwebi 10:11

Kachɛ kama bɔrɛmatapo kama na yil mbe kushuŋ to nna a lara a lara esarga koŋwule gbiiŋ nɛ a maaŋ tiŋ n lara esa be alubi mo to kikɛ na.

Hibruwebi 11:4

Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

Hibruwebi 5:1

Bɔrɛmatapo nimuso kikɛ, mo braana edimɛdi to nɛ baa lara mo nɛ e bee yili bumo be katelamu to a shuŋ Ebɔrɛ nsaa bar Ebɔrɛ ŋkɛana nɛ esarga ŋkpal alubiana so.

Hibruwebi 7:27

Mo alɛ maŋ du fanɛ bɔrɛmatapo nimusoana nɛ b daa wɔtɔ a lara esarga kachɛ kama ŋkpal bumo gbagba be alubi so pɔɛŋ nseŋ daa lara esarga ŋkpal basa pɔtɛ malɛ be alubi so na. Mo ere, sarga koŋwule kpeiŋ nɛ e baŋ lara n sa basa kikɛ saŋɛ nɛ e daŋ ta mbe kumu n sa fanɛ sarga na.

Hibruwebi 8:3

Bɔrɛmatapo nimuso kikɛ, baa lara mo nna nɛ e baa ta ŋkɛana a bar Ebɔrɛ nsaa lara esarga Ebɔrɛ be anishito. Amoso, k daŋ daga fanɛ anyi be bɔrɛmatapo nimuso na gba ka daŋ ta kusɔ ko n lara sarga.

Hibruwebi 9:9

Kede malɛ la kusɔ nɛ k bee ŋini jemanɛ ere so be asheŋ nna fanɛ ŋkɛana nɛ asɔbɔya be keta n lara sarga na daa maaŋ tiŋ n shin nɛ esa nɛ e kɔ asɔ na a bunyaŋ Ebɔrɛ na e ki esa cheembi ashi mbe nfɛra to.