Hibruwebi 8:11 - EBƆRƐ BE KAWƆL

¹¹ Saŋɛ na baŋ fo, bumo be ekama maaŋ kaŋɛ mo barkasa ŋko ŋ kaŋɛ mbe efuli so be esa kama fanɛ: ‘Pin Enyɛnpe na.’ Ŋkpal manɛ so, baŋ yili bumo be ebibiso n ya fo bumo be ejuŋkparpo, ekama nyam beeŋ baa nyi ma.

Hibruwebi 8:11 ပူးပေါင်းရင်းမြစ်များ

1 Kronikɛls 28:9

Ade kikɛ be kaman nɛ e kaŋɛ Sɔlɔmɔn malɛ le: “M pibinyɛn, ta fo kagbene nɛ fo nfɛra kikɛ a shuŋ fo tuto be Ebɔrɛ na. Mo e nyi anyi be nfɛra nɛ kusɔ nɛ anyee sha kikɛ. Nɛ fo ba mo kutɔ, e beeŋ sɔ fo, ama nɛ fo shile mo bre, mo alɛ beeŋ kplaŋ fo so mbaanaayɔ.

2 Kronikɛls 30:22

Ewura Hɛzekaya daŋ chɔrɔ Livaiebi na nna ŋkpal kenyi nɛ b daa kɔ a juŋkpar basa nɛ baa bunyaŋ Enyɛnpe Ebɔrɛ na so. Nchɛ ashunu nɛ b ta n lara sarga n di Enyɛnpe bumo nananyɛnana be Ebɔrɛ na epaŋ na be kaman,

Ɛzra 7:25

Ɛzra, ta kanyiasheŋ nɛ Ebɔrɛ sa fo na ŋ keni to n lara sheriajipoana nɛ demujipoana nɛ b baa keni to a ji asheŋ ashi Yufreetes be epeŋitɔrkpa be efuli so ndoŋ. A daga fanɛ b baa la basa nɛ b nyi fo Ebɔrɛ na be mbra na. Fo alɛ e naaŋ baa ŋini bekama nɛ b maŋ nyi amo na.

Aizaaya 2:3

m ba kaŋɛ le: “Men shin nɛ an dii n yɔ Enyɛnpe Ebɔrɛ na be kebee so, n ya luri Israɛl be Ebɔrɛ na be bɔrɛlambu na to. E beeŋ ŋini anyi kusɔ nɛ e bee sha fanɛ an wora; saŋɛ na so nɛ an baa wora mbe aparsheŋ saŋkama. Ŋkpal manɛ so, Enyɛnpe Ebɔrɛ na be keŋini bee shi Jerusalɛm nna; nɛ e bee shi Zayɔn a malga a sa mbe basa.”

Aizaaya 54:13

Ma, Enyɛnpe Ebɔrɛ na gbagba e naŋ ŋini fo basa asheŋ, nseŋ sa bumo kedama nɛ kayurwushi damta.

Jɛremaya 24:7

Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 31:34

Bumo be ekama maaŋ naŋ ŋini mo barkasa kananɛ e beeŋ wora m pin Enyɛnpe Ebɔrɛ na, ŋkpal manɛ so, bumo be bewura nɛ bebɔlpo kikɛ beeŋ pin ma nsaa wora ma kasonu. Ma alɛ beeŋ ta bumo be alubi m paŋ bumo nsaa maaŋ naŋ nyiŋi amo kikɛ. Ma, Enyɛnpe Ebɔrɛ e kaŋɛ na.”

Jɛremaya 42:1

Ndoŋ nna nɛ benapo be benimuana na nɛ Kerii pibinyɛn, Johanan nɛ Hoshaya pibinyɛn, Azariya nɛ basagboŋ nɛ bebɔlpo kikɛ chala abar m ba ma, Jɛremaya kutɔ

Jɛremaya 42:8

Ndoŋ nna nɛ n tre Johanan nɛ benapo be benimuana na nɛ basa pɔtɛ nɛ b ti so na kikɛ m ba abar so

Jɛremaya 44:12

Juda be basa nɛ b ka efuli na so ndoŋ nseŋ yili kumo bumo be ŋgbene to fanɛ baaŋ yɔ Ijipt be efuli so na bre, meeŋ shin nɛ bumo kikɛ e mur. Bumo to be benimu nɛ mbia kikɛ beeŋ wu ashi Ijipt ashi kena to ŋko akoŋ beeŋ mɔ bumo. Bumo be asheŋ beeŋ baa chinchiŋ basa nɛ b baa wora bumo eyurto nsaa ta bumo be ketre a sho basa kɔnɔ.

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Ezikɛl 34:30

Aloŋ nɛ ekama beeŋ pin fanɛ ma e naa kuŋ Israɛl be basa nɛ b la ma basa na. Ma, Enyɛnpetale Ebɔrɛ e kaŋɛ na.”

Habakuk 2:14

Ama kananɛ teku baŋ bɔlɔ nchu n sɔ kaplɛkama a dese na, aloŋ nɛ basa be kebaanyi Enyɛnpe Ebɔrɛ na be kemaŋkura be asheŋ beeŋ ba sɔ kasawule ere kikɛ so.

Baru lela nɛ Jɔn kute na 6:45

Anebiana na be nsibɛ na to bee kaŋɛ fanɛ: ‘Ebɔrɛ beeŋ ŋini basa kikɛ asheŋ.’ Ekama nɛ e bee nu kusɔ nɛ Etuto na bee kaŋɛ nseŋ naa koya asheŋ ashi mo kutɔ bee ba ŋ kutɔ nna.

Ashuŋ Shunso 8:10

Nɛ kade na to be basa kikɛ, benimu nɛ mbia daa bugi asoe a nu asɔ nɛ e bee kaŋɛ. Le nɛ b daa kaŋɛ: “Kanyɛn ere e la Ebɔrɛ be eleŋ nɛ baa tre Eleŋgboŋ na.”

1 Jɔn 2:27

Ama menyi ere, Yesu Kristo ta Kiyoyu Cheeŋ na nna n wɔtɔ menyi to nɛ e shir a wɔ menyi to. A maŋ daga fanɛ men naŋ nya esa ko nɛ e ŋini menyi, ŋkpal manɛ so, mbe Kiyoyu na e naa ŋini menyi asɔ kikɛ. Kusɔ kama malɛ nɛ e bee ŋini la kashenteŋ nna, mannɛ efɛ. Amoso, men baa bɛ Kiyoyu na be keŋini so nseŋ shir a wɔ Kristo na to.

1 Jɔn 5:20

Anyi alɛ nseŋ naa nyi Ebɔrɛ Pibinyɛn na ka ba m ba sa anyi nfɛra nɛ an pin kashenteŋ be Ebɔrɛ na, anyi alɛ wɔ mo kashenteŋ be Ebɔrɛ na to nna, hale mo Pibinyɛn Yesu Kristo na to. Mo e la kashenteŋ be Ebɔrɛ na, nɛ ŋkpa nɛ k maŋ kɔ ekar na.