Hibruwebi 7:7 - EBƆRƐ BE KAWƆL

⁷ Ekama malɛ baa nyi geeŋ fanɛ esa nɛ e bee nɛfa mo barkasa e chɔ emo nɛ e bee nya nɛfa na ŋko?

Hibruwebi 7:7 ပူးပေါင်းရင်းမြစ်များ

Jɛnesis 49:28

To, bede kikɛ e la Israɛl be nnaŋ kuduanyɔ na be bejuŋkparpo nna. Asɔ nɛ bumo tuto malɛ daŋ nɛfa bumo nseŋ kaŋɛ ŋ kaŋɛ bumo kukoko to a yɔ ekama be da be kaplɛa so nna na.

2 Samuɛl 6:20

B ka loge nɛ Deevid bee ba laŋ to nɛ e ba chɔrɔ mbe kanaŋ, nɛ Sɔɔl pibiche Mikaal shɛr Deevid to ŋ kaŋɛ mo le: “Kabre Israɛl malɛ be ewura nase ketande bre! Mbe beyaasepo be mbita be anishito nɛ e delgeso fanɛ ewulpo!”

1 Bewura 8:55

ŋ kule Ebɔrɛ be nɛfa awɔrso n sa basa nɛ b shɛr na ŋ kaŋɛ:

2 Kronikɛls 30:27

Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

2 Kɔrintebi 13:14

Enyɛnpe Yesu Kristo be kuwɔr be kakɛ na nɛ Ebɔrɛ be kasha na nɛ Kiyoyu Cheeŋ na be kɔnɔkoŋwule be kebaawɔtɔ na e baa wɔ menyi kikɛ so.

Ditɛronɔmi 32:1

“Esoso nɛ kasawule so be asɔ, men nu ma mmalga ere; men nu kusɔ nɛ mee kaŋɛ ere nɛnɛ!

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Hibruwebi 7:6

Mɛlkizedɛk daa maŋ shi Livai be kanaŋ to, ama mo alɛ daŋ sɔ asɔ be kudukudusopo ashi Eebraham kutɔ nseŋ nɛfa mo Eebraham koŋwule nɛ Ebɔrɛ ta mbe nnɔ naseso n sa na.

Hibruwebi 7:8

Nɛ fo keni to feeŋ wu fanɛ bɔrɛmatapoana na bre be kaplɛa so, basa nɛ baa wu e naa sɔ kudukudusopo na, ama Mɛlkizedɛk bre, esa nɛ abɔrɛsibɛ bee kaŋɛ fanɛ e wɔ ŋkpa to na e daŋ sɔ kudukudusopo na.