Hibruwebi 7:26 - EBƆRƐ BE KAWƆL

²⁶ Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Hibruwebi 7:26 ပူးပေါင်းရင်းမြစ်များ

Nshɛ 68:18

Fo keta basa nɛ b ti ebu nna n dii n yɔ kebeegboŋ na be esoso. Ndoŋ nɛ basa ya kɛ fo asɔ. Fo doŋana nɛ b daa maa sha fanɛ fo baa wɔ ndoŋ gba sa fo ŋkɛ.

Ɛksodɔs 28:36

Men ta shuwa lela n lɔŋɛ kusɔ paŋgelambi nseŋ chaŋ le be nsibɛ n deŋ kumo so: ‘Cheembi n sa Enyɛnpe Ebɔrɛ na’

Aizaaya 53:9

E daŋ maŋ wora kulubi kikɛ ŋko ŋ ku efɛ ŋ ku so, ama b daŋ mɔ mo nna m puli mo kakpa nɛ baa puli alubiworapoana nɛ damawuraana.”

Ezikɛl 44:27

nseŋ yɔ bɔrɛlambu na be epunto be kelɔnɛ na to n ya lara sarga nɛ k beeŋ shin nɛ e nyalɛ so, saŋɛ na so e beeŋ naŋ tiŋ a shuŋ bɔrɛlambu na to. Ma, Enyɛnpetale Ebɔrɛ na, e kaŋɛ na.

Nɔmbɛs 29:26

Kachɛ nusopo na, men ta egbolu fɔlbi akpanu nɛ ekpakpa anyɔ nɛ nfɛ koko be ekpakpafɔlbi kuduana nɛ amo kikɛ maŋ kɔ ndulgi n lara sarga.

Matiu 27:18

E daŋ bishi loŋ nna, ŋkpal manɛ so, e daa nyi basa na ka daŋ ta Yesu m bɔɔ mo enɔ ŋkpal kayurbesa so.

Maak 16:19

Enyɛnpe Yesu ka malga bumo kutɔ n loge nɛ e yɔ ebɔrɛso n ya chena Ebɔrɛ be jisoso, ebunyampo be kakpa.

Luuk 1:35

Nɛ malaika na shuli so ŋ kaŋɛ: “Kiyoyu Cheeŋ na e naaŋ gbelge fo so nɛ Ebɔrɛ be eleŋ e ba buu fo so. Amoso, baaŋ tre kebia cheembi nɛ feeŋ kurge na Ebɔrɛ Pibinyɛn.

Luuk 23:22

Nɛ e naŋ bishi bumo kela sasopo: “Manɛ nna, manɛ be kulubi nɛ e wora? M maŋ wu kulubi kikɛ mo so nɛ k daga mbe luwu. Amoso, meeŋ shin nɛ b kuya mo so nseŋ yige mo nɛ e yɔ.”

Luuk 23:41

Anyi ere be alubi be tɔnɔ nɛ anyee ji na, ama kanyɛn ere bre maŋ wora shɛŋ.”

Luuk 23:47

Benapo be enimu ko ka daŋ wu asɔ nɛ a wora na kikɛ nɛ e di Ebɔrɛ epaŋ nseŋ kaŋɛ le: “Kashenteŋto, kanyɛn ere daa maŋ wora shɛŋ.”

Luuk 24:26

Men maŋ nyi fanɛ asheŋ nɛ a wora ere kikɛ daga kewora Kristo na nna pɔɛŋ nɛ e luri mbe kemaŋkura na to a?”

Luuk 24:46

nseŋ kaŋɛ bumo le: “Abɔrɛsibɛ na bee kaŋɛ fanɛ a daga fanɛ Kristo na ka ji awurfoŋ n wu,

Baru lela nɛ Jɔn kute na 14:30

M maaŋ naŋ malga menyi kutɔ n chɛr, ŋkpal manɛ so, durnya ere to be ejuŋkparpo na bee ba.

Baru lela nɛ Jɔn kute na 8:29

Esa nɛ e shuŋi ma na malɛ maŋ yige ma n to, e wɔ ŋ kutɔ, ŋkpal manɛ so, saŋkikɛ kusɔ nɛ k bee par mo nɛ mee wora.”

Ashuŋ Shunso 3:14

Esa cheembi nɛ Esa Lela e daa la mo ama men kini mo nseŋ kule Pailat fanɛ e sɔ emɔpo n yige n sa menyi.

Ashuŋ Shunso 4:27

Kumo alɛ kashenteŋ nna, ŋkpal manɛ so, Hɛrɔd nɛ Pɔnshes Pailat nɛ nnyamase nɛ Israɛlebi daŋ shɛr kadegboŋ ere to ŋ kre Yesu nɛ e la fo Ebɔrɛ be Kenya cheembi nseŋ naa la emo nɛ fo lara fanɛ e baa la Kristo na be nia.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Hibruwebi 2:10

Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 7:11

Nɛ fanɛ esa daŋ baŋ tiŋ m bɔla Livai be kanaŋ to be bɔrɛmatapoana na be ekpa so nna n nya kebaawɔtɔ cheembi loŋ malɛ be ekpa so nɛ Ebɔrɛ daŋ ta mbra na n sa basa, a ji nuso nna nɛ a daŋ naŋ daga fanɛ bɔrɛmatapo pɔtɛ ka naŋ ba kaa du fanɛ Mɛlkizedɛk be ekpa so, mannɛ bɔrɛmatapo nimuso Ɛɛrɔn be ekpa so?

Hibruwebi 8:1

Kusɔ nɛ anyee malga ere kikɛ nde fanɛ an kɔ bɔrɛmatapo nimuso mo nɛ e chena Ebɔrɛ be jisoso ashi mbe kemaŋkuragboŋ be kuwurputi ase ebɔrɛso.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

1 Pita 1:19

Kristo nɛ e du fanɛ kpakpafɔlbi a maŋ dulgi kikɛ na ŋko nɛ saŋgre kikɛ maŋ wɔ mo to na be ŋklaŋ nɛ b ta n sɔ menyi n yige.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.

1 Pita 3:22

Mo, Yesu Kristo koŋwule na e yɔ ebɔrɛso n ya kaa tase Ebɔrɛ be jisoso, kakpa nɛ ebunyampo bee chena, a ji emalaika kikɛ nɛ bejuŋkparpoana kikɛ nɛ eleŋana kikɛ so kuwura na.

1 Jɔn 2:2

Mo e wu m mata be luwu nɛ k shin nɛ an nya alubi be ketampaŋ. Mannɛ anyi nawule be alubi so nɛ e wu, durnyaebi kikɛ be alubi so nɛ e wu.

1 Jɔn 3:5

Men nyi Kristo ka ba nɛ e ba ta basa be alubi n lɛ n sa bumo. Kulubi kikɛ malɛ maŋ wɔ mo to.

Kelaraŋŋini 3:7

Nɛ e kaŋɛ: “Sibɛ kawɔl ere n sa Filadɛlfia be kade to be asɔri be malaika na ŋ kaŋɛ mo le: ‘Mmalga ere shi ma, emo nɛ e du cheembi nsaa la kashenteŋwura nsaa kɔ Ewura Deevid be sɔfi to na kutɔ nna. Kusɔ nɛ m bugi, esa kikɛ maaŋ tiŋ n ti kumo, kusɔ kama malɛ nɛ n ti, esa kikɛ maaŋ tiŋ m bugi kumo.