Hibruwebi 7:25 - EBƆRƐ BE KAWƆL

²⁵ Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

Hibruwebi 7:25 ပူးပေါင်းရင်းမြစ်များ

Job be kawɔl 22:17

Alubiworapo na daŋ kini Enyɛnpetale Ebɔrɛ na nna, a fɛ fanɛ e maŋ tiŋ n wora bumo shɛŋ.

Job be kawɔl 23:3

Nɛ fanɛ n daa nyi kakpa nɛ Ebɔrɛ wɔ nɛ kananɛ meeŋ wora n yɔ ndoŋ nna, n daa beeŋ yɔ mo kutɔ

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Aizaaya 45:24

Bumo alɛ beeŋ kaŋɛ fanɛ n nawule kutɔ nɛ esa beeŋ tiŋ n nya kekɔmpɔɔso nɛ eleŋ. Ama bekama nɛ b kishi ma na bre beeŋ ŋaba.

Aizaaya 53:12

Amoso meeŋ sa mo kemaŋkuragboŋ nɛ eleŋgboŋ. E shuli so n ta mbe kumu n lara sarga, nseŋ yili alubiworapoana damta be aya to ŋ kule alubi be ketampaŋ n sa bumo.”

Aizaaya 59:16

E ka wu fanɛ esa kikɛ maŋ wɔtɔ nɛ e wora kusɔ ko a laŋɛ kumo be kaplɛa so nɛ k jija mbe kagbene ga n ti so. Amoso e beeŋ bɔla mo gbagba be eleŋ so ŋ kɔ n suge basa nɛ baa kɔrfɛ na n yige nseŋ shin nɛ b kɔ m pɔɔ so.

Aizaaya 63:1

Wanɛ e shi Edɔm be efuli so be kadegboŋ nɛ baa tre Bozra na ŋ kre to nɛnɛ m buu epiŋi peper a tia aya eleŋ so a ba ere? Enyɛnpe Ebɔrɛ nɛ e kɔ eleŋ ga nɛ e tiŋ m mɔlga basa na e naa ba nɛ e ba bɔ mbe kekɔmpɔɔso be kubɔya.

Jɛremaya 3:22

Menyi nɛ men shile Enyɛnpe Ebɔrɛ na e bɛta m ba nɛ e shin nɛ men naŋ nya kashenteŋji be kebaawɔtɔ. Le nɛ menyee kaŋɛ: “Mm, anyee ba Enyɛnpe Ebɔrɛ na kutɔ nna ŋkpal e ka la anyi be Ebɔrɛ so.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Danɛl 3:17

Hale nɛ b ta anyi n lɛ edɛ to gba, anyi be Ebɔrɛ nɛ anyee shuŋ na beeŋ tiŋ m mɔlga anyi ashi amo to nɛ fo enɔ to.

Danɛl 3:29

Amoso n nase mbra nna na fanɛ efuli kama so ebi nɛ ŋgbar kama to ebi kaŋ pɛl m malga asheŋ kama ŋ gbiti Shaadrak nɛ Mɛshaak nɛ Abedneego be Ebɔrɛ na, b kuya bumo to fanɛ mblaŋkul nseŋ shin nɛ bumo be nwu e ki alambure, ŋkpal manɛ so kegbir kikɛ maŋ wɔtɔ a kɔ eleŋ nsaa beeŋ tiŋ n sa le be kumɔlga.”

Danɛl 6:20

E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?”

Danɛl 9:16

Dra na kikɛ nɛ fo kɔ n sa anyi, amoso sa maŋ nya agbo n wɔtɔ Jerusalɛm n chɛr ŋkpal manɛ so k la fo kadegboŋ nna ashi fo kebeegboŋ cheembi na so. Efuliana nɛ anyi nɛ bumo chena m mata abar na kikɛ bee keni Jerusalɛm nɛ fo basa jiga nna ŋkpal anyi nɛ an nananyɛnana be alubi so.

Baru lela nɛ Jɔn kute na 14:13

Kusɔ kama malɛ nɛ men ta ma ketre na ŋ kule, meeŋ wora kumo, saŋɛ na so ma, Ebinyɛn na beeŋ bar Etuto na kemaŋkura.

Baru lela nɛ Jɔn kute na 14:16

Meeŋ kule Etuto na nɛ e naaŋ sa menyi Echɛtopo ko,

Baru lela nɛ Jɔn kute na 14:6

Nɛ Yesu kaŋɛ mo: “Ma e la ekpa na nɛ kashenteŋ nɛ ŋkpa na, esa kama maaŋ tiŋ n yɔ Etuto na kutɔ ama e bɔla ma so nna.”

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Romebi 5:2

Yesu kpal anyi be yirda so n shin nɛ an nya le be kuwɔr be kakɛ nɛ an wɔ ere to. Amoso, anyi be ŋgbene fuli anyi ŋkpal an ka kɔ tama fanɛ anyi alɛ gba beeŋ nya Ebɔrɛ be kemaŋkura nɛ e kɔ a jo anyi na so.

Romebi 8:34

Esa ko malɛ naa wɔtɔ nna nɛ e tiŋ n ji m bri bumo a? Kristo Yesu e la emo nɛ e wu, mo alɛ nseŋ naa la emo nɛ Ebɔrɛ tiŋi ashi luwu to nɛ e ya kaa tase Ebɔrɛ be jisoso, ebunyampo be kakpa a kule Ebɔrɛ a sa anyi na.

1 Kɔrintebi 1:21

Ebɔrɛ daŋ bɔla mbe kanyiasheŋ so nna n yili kumo fanɛ edimɛdi e sa maŋ ta bumo gbagba be kanyiasheŋ so m ba pin mo. Ama mo ere gbagba be keparso nɛ e yili kumo fanɛ e beeŋ bɔla kubɔya mo nɛ anyeeŋ bɔ n sa basa nɛ baa tre kawulisheŋ be mmalga ere so m mɔlga bekama nɛ b yirda na.

Ɛfesesebi 2:18

Ŋkpal manɛ so, mo so nɛ anyi nɛ bumo kikɛ bee bɔla a nya ekpa a yɔ Ebɔrɛ na kutɔ ashi Kiyoyu koŋwule na to.

Ɛfesesebi 3:12

Mo to nɛ keyirda mo so nɛ anyeeŋ tiŋ m ba Ebɔrɛ be anishito a maa wora shikashika kikɛ.

Ɛfesesebi 3:20

Kemaŋkura e baa wɔ Ebɔrɛ nɛ mbe eleŋ wɔ anyi to a tiŋ a wora asheŋ ga a chɔ kananɛ anyeeŋ tiŋ m pin ŋ kule mo ŋko n tiŋ n fɛ amo be nfɛra gba na so.

Filipaiebi 3:21

E kaŋ ba, e beeŋ chɛrga an be eyur pɔsoana ere n shin nɛ an ki fanɛ mo gbagba be eyur na. Eleŋ koŋwule nɛ e beeŋ ta n ji kusɔ kikɛ so kuwura na nɛ e beeŋ ta n chɛrga anyi.

1 Timoti 2:5

Ŋkpal manɛ so, Ebɔrɛ koŋwule nɛ enyiŋgbasa nɛ Ebɔrɛ be nferinto be ematapo koŋwule nɛ baa tre Kristo Yesu Nyiŋgbasa na nawule e wɔtɔ.

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

Hibruwebi 13:15

Amoso, men shin nɛ an baa di Ebɔrɛ epaŋ saŋkikɛ fanɛ anyi be sarga mo nɛ anyee bɔla Yesu so a ta anyi be nnɔ a ji mbe ketre be eleŋ be shɛda na.

Hibruwebi 2:18

To, naniere, ŋkpal mo gbagba ka luri kechɔŋkeni to n lar nseŋ ji amo be awurfoŋ na so, e beeŋ tiŋ n chɛ bumo nɛ baa luri kechɔŋkeni to na to.

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.

Hibruwebi 5:7

Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Hibruwebi 7:16

Mo ere, mannɛ dimɛdi be ekpaana so nɛ e bɔla ŋ ki bɔrɛmatapo, ŋkpa nɛ esa maaŋ tiŋ n jija so nɛ e bɔla ŋ ki.

Hibruwebi 7:19

Ŋkpal manɛ so, Mosis be mbra na daa maŋ tiŋ n ta shɛŋ ŋ ki cheembi. Ama naniere tama popɔr naŋ ba nɛ an bɔla kumo so n firgi n taga Ebɔrɛ to.

Hibruwebi 7:24

Ama Yesu bre wɔtɔ nna mbaanaayɔ, amoso, esa kikɛ maŋ naa sɔ mo so ashi kabɔrɛmata be kushuŋ na to.

Hibruwebi 7:8

Nɛ fo keni to feeŋ wu fanɛ bɔrɛmatapoana na bre be kaplɛa so, basa nɛ baa wu e naa sɔ kudukudusopo na, ama Mɛlkizedɛk bre, esa nɛ abɔrɛsibɛ bee kaŋɛ fanɛ e wɔ ŋkpa to na e daŋ sɔ kudukudusopo na.

Hibruwebi 9:24

Ŋkpal manɛ so, mannɛ lambu cheembi nɛ dimɛdi gbagba daŋ wora nɛ k daŋ duli lambu cheembi gbagba na to nɛ Kristo daŋ luri. Ebɔrɛso gbagba nɛ e daŋ luri n ya kaa yil naniere anyi be katelamu to a shuŋ Ebɔrɛ be anishito.

Juud 1:24

Men shin nɛ an baa di Ebɔrɛ mo nɛ e beeŋ tiŋ ŋ keni menyi so nɛ men sa maŋ tɔr na epaŋ. Mo e naaŋ tiŋ n chɛ menyi to nɛ men yige alubi be kebaawora nseŋ tiŋ n yili mbe anishito cheembi n wu mbe kemaŋkura kagbenefuliso