Hibruwebi 6:9 - EBƆRƐ BE KAWƆL

⁹ Ŋ kurgepo shasoana, kashenteŋ nna nɛ anyee kaŋɛ le be asheŋ ere, ama menyi ere, an kɔ yirda fanɛ asheŋ lela wɔ menyi to.

Hibruwebi 6:9 ပူးပေါင်းရင်းမြစ်များ

Aizaaya 57:15

Ma e la Enyɛnpe Ebɔrɛ nɛ e wɔ ebɔrɛso nsaa wɔtɔ mbaanaayɔ na. N wɔ kakpa cheembi nɛ k wɔ esoso nna, ama ma alɛ nɛ basa nɛ b bar bumo be amu kaseto nseŋ ta bumo be amu n deŋi ma so na gba e wɔtɔ nɛ m baa chɛ bumo to.

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

1 Kɔrintebi 10:14

Amoso ma beshapo, men baa gelge kagbirshuŋ.

2 Kɔrintebi 12:19

Shere men baa wɔtɔ nna a fɛ fanɛ anyee malga nna a sa menyi a kuŋ anyi be amu. Ayai, mannɛ aloŋ nna. Kananɛ Kristo bee sha fanɛ an malga nɛ anyee malga ashi Ebɔrɛ be anishito. Kusɔ kama malɛ nɛ anyee wora, men be keyɔ anishito so nɛ anyee wora kumo.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

2 Kɔrintebi 7:10

Ŋkpal manɛ so, kagbenejija mo nɛ k bee par Ebɔrɛ bee bar kagbenechɛrga nna a yɛr esa kumɔlga to, k maa bar ‘n daa nyi’. Ama durnya ere to be kagbenejija bre bee bar luwu nna.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Hibruwebi 10:34

Men daŋ tu basa nɛ b ti ebuana n ji awurfoŋ nɛ saŋɛ nɛ b daŋ ba suge menyi be asɔ na gba, men daŋ ta kagbenefuli n nyiti loŋ be kesheŋ na gba ŋkpal men ka daa nyi fanɛ men kɔ kusɔ nɛ k chɔ asɔ na ga nsaa maŋ kɔ ekar na so.

Hibruwebi 10:39

Ama anyi maŋ la basa nɛ baa bɛta kaman a mur na nna, an la basa nɛ baa yirda nna a nya kumɔlga.

Hibruwebi 2:3

To, nɛ an baŋ kplaŋ le be kumɔlga gboŋgboŋi ere so, nuso nɛ anyeeŋ wora ŋ gelge kasogberge? Enyɛnpe gbagba e daŋ fara m bɔ kumɔlga na be kubɔya n sa basa, nɛ bumo nɛ b daŋ nu kumo mo kutɔ na malɛ ŋini anyi fanɛ k la kashenteŋ nna.

Hibruwebi 5:9

Ebɔrɛ malɛ ka baŋ shin nɛ e ki cheembi n loge so, mo so nɛ ekama nɛ e bee nu a sa mo beeŋ bɔla n nya kumɔlga nɛ k maŋ kɔ ekar na.

Hibruwebi 6:10

Ebɔrɛ maŋ la esa nɛ e maa wora asheŋ nɛ amo be ekpa so nna nɛ e teŋ menyi be kushuŋ na so nseŋ naŋ teŋ kechɛto nɛ men kpal kasha mo nɛ men kɔ a sha mo na so n chɛ mbe basa to nseŋ kraa chɛ bumo to na so.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.

2 Pita 3:1

N teri shasoana, ma kawɔl nyɔsopo nde nɛ mee sibɛ a sa menyi. N sibɛ amo kikɛ nna nɛ n nyiŋi menyi nseŋ naŋ leŋ menyi to n wɔtɔ nfɛra niŋiso to.

1 Jɔn 2:7

N teri shasoana, mannɛ kamalga naseso popɔr nɛ mee sibɛ a sa menyi, kedra nna. Kumo alɛ nɛ men nya sososo kikɛ na. Kamalga naseso dra na e la kubɔya mo nɛ men teŋ nu na.

Juud 1:3

Ma beshapo, k daa wɔ ma kagbene to nna ga fanɛ n sibɛ ŋ kaŋɛ menyi kumɔlga mo nɛ an kikɛ kɔ na be asheŋ, ama n naŋ wu fanɛ a daga fanɛ n sibɛ menyi ŋ kule menyi ga fanɛ men baa wora ania a kɔ a sa abɔrɛsheŋ mo nɛ an yirda nɛ Ebɔrɛ ta kela koŋwule pati m bɔɔ mbe basa laraso enɔ na.