Hibruwebi 6:2 - EBƆRƐ BE KAWƆL

² A maŋ daga fanɛ an naa ŋini keyirda Ebɔrɛ be asheŋ ŋko n naa ŋini menyi kabɔrɛbɛrana be keŋini nɛ enɔana be kebaata a deŋi basa so ŋko basa be ketiŋi luwu to be asheŋ nɛ demuji be kasogberge nɛ k maŋ kɔ ekar na be asheŋ kuraa.

Hibruwebi 6:2 ပူးပေါင်းရင်းမြစ်များ

Kaŋinichiŋgeliŋ 12:14

Ebɔrɛ beeŋ yili kusɔ kama nɛ an wora so n ji anyi demu, hale asheŋ lubi ŋko asheŋ lela nɛ an wora ashiri to gba.

Aizaaya 26:19

Anyi be basa nɛ b wu na beeŋ naŋ ba ŋkpa to! Bumo be eyurana beeŋ naŋ bɛta m ba ŋkpa to. Bekama nɛ baa di bumo be nchaŋana to na beeŋ naŋ koso m boŋ nshɛ kagbenefuliso Kananɛ kachipurso be bunyaŋ bee shin nɛ nsawule bee wushi na, loŋ nɛ Enyɛnpe Ebɔrɛ na beeŋ naŋ tiŋi basa nɛ b wu dra dra na.

Danɛl 12:2

Basa damta nɛ b wu na beeŋ naŋ tiŋi luwu to, nɛ bumo be beko e nya ŋkpa nɛ k maŋ kɔ ekar na, nɛ beko malɛ e ji awurfoŋ nɛ anishinyɔr hale mbaanaayɔ.

Matiu 28:19

Amoso, men yɔ efuli kikɛ so n ya shin nɛ basa e ki ma bebɛsopo nɛ men bɛr bumo kabɔrɛbɛr ashi Etuto na nɛ Ebinyɛn na nɛ Kiyoyu Cheeŋ na be ketre to, nseŋ ŋini bumo nɛ b bɛ asɔ nɛ ŋ ŋini menyi na kikɛ so.

Matiu 3:14

Ama Jɔn daa sha kelara mo loŋ be nfɛra to nna nseŋ kaŋɛ mo: “Fo ere e daŋ daga kebɛr ma kabɔrɛbɛr, nɛ fo alɛ naa ba ma kutɔ nɛ m bɛr fo a?”

Maak 16:16

Ekama nɛ e yirda, nɛ b bɛr mo kabɔrɛbɛr, e beeŋ nya kumɔlga, ama ekama nɛ e maŋ yirda, e beeŋ nya kasogberge.

Maak 7:4

Bumo alɛ baŋ shi kebɛ to m ba, b maa ji shɛŋ ama b fɔr bumo be amu daŋkare so nna pɔɛŋ. Bumo alɛ daŋ naa bɛ edaŋkare damtaana so nna fanɛ kananɛ baa fɔr nwiebi to nɛ mpuliya to nɛ danyaŋ be ntishaŋ to na.

Maak 7:8

Nɛ Yesu kaŋɛ: “Men yige Ebɔrɛ be mbra n nase nsaa bɛ nyiŋgbasa be edaŋkaresheŋ so.”

Luuk 11:38

Farisinyɛn na ka wu fanɛ Yesu maŋ fɔr mbe enɔana kananɛ k daga na pɔɛŋ nsaa ji nɛ k chinchiŋ mo ga.

Luuk 12:50

A daga fanɛ b wɔtɔ ma tɔrɔ to fanɛ kananɛ baa muni esa nchu to a bɛr mo kabɔrɛbɛr na. Kumo alɛ maŋ loge, ma kagbene maaŋ dese ma kikɛ.

Luuk 14:14

Loŋ nɛ feeŋ nya nɛfa, ŋkpal manɛ so, bumo e maaŋ tiŋ n nya n wora fo n tal to. Kachɛ nɛ kagbene koŋwule wuraana beeŋ tiŋi luwu to na, feeŋ nya fo kakɔka.”

Luuk 3:16

Nɛ Jɔn kaŋɛ bumo kikɛ le: “Nchu nɛ ma ere kɔ a bɛr menyi kabɔrɛbɛr, ama emo nɛ e wɔ ma kaman a ba na beeŋ shin nɛ Kiyoyu Cheeŋ na nɛ edɛ e gbelge menyi so. E chɔ ma ga hale m maŋ fo mbe aya to be shishɛr gba so.

Baru lela nɛ Jɔn kute na 1:33

Nɛ fanɛ esa nɛ e shuŋi ma fanɛ m ba ta nchu m bɛr basa kabɔrɛbɛr na daa maŋ ŋini ma mo, ma alɛ gba daa maaŋ pin mo. Le nɛ e daŋ kaŋɛ ma: ‘Esa nɛ feeŋ wu Kiyoyu Cheeŋ na ka beeŋ ba gbelge mo so n shir a wɔ mo to na e la esa nɛ e beeŋ shin nɛ Kiyoyu Cheeŋ na e gbelge basa so.’

Baru lela nɛ Jɔn kute na 5:29

nseŋ lar bumo be nchaŋana na to nɛ bumo nɛ b wora alelasheŋ na e tiŋi a wɔ ŋkpa to nɛ bumo nɛ b wora alubisheŋ na malɛ e tiŋi n luri kasogberge to.

Ashuŋ Shunso 10:47

Nɛ Pita kaŋɛ: “Basa ere gba nya Kiyoyu Cheeŋ na fanɛ anyi. Amoso, esa mo e naaŋ tiŋ ŋ kuŋ bumo ekpa fanɛ b sa maŋ ta nchu m bɛr bumo kabɔrɛbɛr na?”

Ashuŋ Shunso 13:3

Nɛ b kishi nseŋ kule Ebɔrɛ n ta bumo be enɔana n deŋi basa anyɔ na so nseŋ shin nɛ b yɔ.

Ashuŋ Shunso 16:15

B daŋ bɛr mo nɛ mbe laŋ to ebi kikɛ kabɔrɛbɛr nna. Le nɛ e daŋ ba kaŋɛ anyi: “Nɛ men baa nyi fanɛ n la Enyɛnpe na be eyirdapo kashenteŋto nna, men ba kaa wɔ ma pe.” Le nɛ e daŋ ta n shin nɛ an yɔ.

Ashuŋ Shunso 16:33

Jemanɛ na malɛ kikɛ so nɛ kabutikenipo na fɔr bumo be achuuana na nɛ b bɛr mo nɛ mbe laŋ to ebi kabɔrɛbɛr epul na to.

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 2:41

Basa na be bedamta daŋ yirda Pita be kamalga na nɛ b bɛr bumo kabɔrɛbɛr. Kumo be kachɛ na basa fanɛ ŋgboŋ asa e ba ti beyirdapoana na so.

Ashuŋ Shunso 23:6

Pɔɔl ka wu fanɛ basa na be beko la Esadusiana nna nɛ beko malɛ la Efarisiana nɛ e malga awɔrso n sa nshɛrwuraana na ŋ kaŋɛ: “Ŋ kurgepoana, Farisinyɛn e kurge ma nɛ ma alɛ naa la Farisi. Baa ji ma demu nfe ere nna, ŋkpal ŋ ka kɔ tama kpakpaso fanɛ bumo nɛ b wu na ka beeŋ tiŋi luwu to so.”

Ashuŋ Shunso 24:15

Tama koŋwule nɛ basa ere kɔ Ebɔrɛ so na nɛ ma alɛ gba kɔ, kumo e la fanɛ basa lela nɛ belubi kikɛ nyam beeŋ ba tiŋi luwu to.

Ashuŋ Shunso 24:21

Kusɔ koŋwule nɛ n daŋ ba n yili bumo to ndoŋ ŋ kaŋɛ e la: ‘Menyee ji ma demu kabre nna ŋkpal ŋ ka yirda fanɛ bumo nɛ b wu na kikɛ ka beeŋ tiŋi luwu to so.’ ”

Ashuŋ Shunso 24:25

Ama Pɔɔl ka ba kaa malga alela be kebaawora nɛ kamootiŋ nɛ Ebɔrɛ be demujiachɛ be asheŋ nɛ kufu pɛ Filiks nɛ e kaŋɛ: “Feeŋ tiŋ a yɔ naniere. N naŋ nya kachena meeŋ naŋ tre fo.”

Ashuŋ Shunso 26:8

Manɛ e ba nɛ menyi Juwebi maaŋ tiŋ n yirda fanɛ Ebɔrɛ bee tiŋi basa luwu to?

Ashuŋ Shunso 4:2

B daŋ nya agbo nna ŋkpal beshuŋipo anyɔ na ka daa ŋini basa na fanɛ Ebɔrɛ shin nɛ Yesu tiŋi luwu to so. Yesu be ketiŋi na malɛ e naa ŋini fanɛ basa nɛ b wu na kikɛ beeŋ ba tiŋi luwu to.

Ashuŋ Shunso 6:6

Bumo nɛ beyirdapoana na daŋ lara m bɔɔ beshuŋipo na enɔ nɛ b ta bumo be enɔana n deŋi n deŋi bumo nɛ b lara na so ŋ kule Ebɔrɛ n sa bumo.

Romebi 2:16

To, loŋ malɛ nɛ baru lela nɛ mee bɔ na bee ŋini fanɛ asheŋ beeŋ ba kaa du kachɛ nɛ Ebɔrɛ beeŋ bɔla Yesu Kristo so n yili edimɛdi be wulo be nfɛraana so n ji bumo demu.

1 Kɔrintebi 10:2

Saŋɛ nɛ kuwɔlpa na daŋ juŋkpar bumo nɛ b daŋ bɔla teku na to n lar na, b daŋ bɛr bumo kabɔrɛbɛr nna n wɔtɔ anebi Mosis be kebɛso to.

1 Kɔrintebi 12:13

Ŋkpal manɛ so, Kiyoyu koŋwule na e shin nɛ anyi kikɛ, Juwebi ŋko Griikebi, anya ŋko bumo nɛ b wɔ bumo be amu kikɛ nyam bɔla kabɔrɛbɛr so ŋ ki eyur koŋwule to ebi nyam nɛ anyi kikɛ ba nya Kiyoyu koŋwule na.

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Filipaiebi 3:21

E kaŋ ba, e beeŋ chɛrga an be eyur pɔsoana ere n shin nɛ an ki fanɛ mo gbagba be eyur na. Eleŋ koŋwule nɛ e beeŋ ta n ji kusɔ kikɛ so kuwura na nɛ e beeŋ ta n chɛrga anyi.

Kɔlɔsiebi 2:12

B ka daŋ bɛr menyi kabɔrɛbɛr na, k du fanɛ b ka puli menyi nɛ Yesu Kristo nna. Menyi nɛ mo malɛ e naŋ tiŋi nɛ menyi nɛ mo naŋ tiŋ n nya Ebɔrɛ be ŋkpa ŋkpal men ka yirda Ebɔrɛ nɛ e tiŋi Yesu Kristo luwu to na be eleŋ to so.

2 Timoti 2:18

B foe kashenteŋ be ekpa na so ŋkpal b ka wɔtɔ a ŋini fanɛ basa be ketiŋi luwu to be jemanɛ na choŋ na so so. Baa wul basa ko to ashi bumo be yirda na to nna na.

Hibruwebi 11:35

Ŋkpal yirda so, beche ko be bubuni daŋ tiŋi ashi luwu to nna n sa bumo. Le be basa ere be beko daŋ kini kesɔ kamooji be kebaawɔtɔ nna nseŋ shuli n shin nɛ b tɔrɔ bumo, saŋɛ na so baaŋ ba tiŋi luwu to n luri ŋkpa nɛ k bɔ na to.

Hibruwebi 9:10

Asɔ na be asheŋ la asɔ jiso nɛ asɔ nuusoana nɛ daŋkare be eyurana so be kefɔr nna. Amo alɛ nseŋ naa la eyur so be atande nɛ a baa wɔtɔ n ya fo jemanɛ nɛ Ebɔrɛ beeŋ shin nɛ asɔ kikɛ e naŋ bɔla ekpa na.

2 Pita 3:7

Kamalga koŋwule na so nɛ naniere be esosoana nɛ kasawule ere wɔtɔ a jo edɛ be keta m mur kumo na. A bee jo demujiachɛ nna, kachɛ nɛ bɔrɛkinipoana beeŋ mur na.