Hibruwebi 6:16 - EBƆRƐ BE KAWƆL

¹⁶ Nɛ basa baa bɔ ntaŋ, esa nɛ e chɔ bumo be ketre nɛ baa kaa ti a bɔ ntaŋ na a ji kashenteŋ a mɔ emɔrɔ kama nɛ k wɔ bumo be nfɛra to.

Hibruwebi 6:16 ပူးပေါင်းရင်းမြစ်များ

Jɛnesis 14:22

Nɛ Eebram kaŋɛ: “M bɔ ntaŋ Enyɛnpe Ebɔrɛ Ewurgboŋ nɛ e to esoso nɛ kasawule na be anishito

Jɛnesis 21:23

amoso nase kɔnɔ Ebɔrɛ be anishito nfe fanɛ echefoso fo maaŋ fule ma nɛ ma mbia nɛ ma kaman to ebi. N wora fo kelela n chɛr, amoso fo alɛ gba e nase kɔnɔ n sa ma nɛ efuli mo nɛ fo la efɔ kumo so ere so ebi fanɛ fo maaŋ lar anyi kaman kikɛ.”

Jɛnesis 21:24

Ndoŋ nna nɛ Eebraham kaŋɛ: “N nase kɔnɔ loŋ.”

Jɛnesis 31:53

Eebraham nɛ Nahɔɔ nɛ bumo tuto be Ebɔrɛ na e gberge ekama nɛ e maŋ bɛ kɔnɔ naseso ere so kusoe.” Ndoŋ nɛ Jeekɔb yili Ebɔrɛ nɛ mo tuto Aizek daa bunyaŋ na be ketre so m bɔ ntaŋ fanɛ e beeŋ bɛ bumo be kɔnɔ naseso na so.

2 Samuɛl 21:2

Gibiɔnebi na daa maŋ la Israɛlebi, b daa la Amɔriebi be katuŋ fimbi ko nna nɛ Israɛlebi na daŋ nase kɔnɔ n sa bumo fanɛ baŋ baa kuŋ bumo. Ama Sɔɔl daŋ wora ania nɛ e mur bumo nna ŋkpal e ka daa sha fanɛ Israɛlebi nɛ Judaebi e sɔ bumo be efuli na kikɛ so.

Ɛksodɔs 22:11

k daga fanɛ esa nɛ e bee keni kusɔbɔya na so na e yɔ Ebɔrɛ be anishito n ya bɔ ntaŋ fanɛ e maŋ wora kusɔbɔya na shɛŋ. Kede be kaman a daga fanɛ kusɔbɔya na wura e shuli fanɛ k la kashenteŋ nna, nɛ mo barkasa na e sa maŋ ka shɛŋ n sa mo.

Galeeshaebi 3:15

Bekurgepoana, men shin nɛ n ta durnya ere to be kesheŋ ŋ kesar kesheŋ ere. Nɛ fanɛ durnya ere to be basa anyɔ baŋ nase kɔnɔ n sa abar, bumo be ekama maaŋ tiŋ n naŋ wora n da kɔnɔ naseso na so ŋko n ta kusɔ ko n naŋ ti kumo so. To, loŋ nɛ kesheŋ na du Ebɔrɛ be kaplɛa so.

Hibruwebi 6:13

Ebɔrɛ ka daŋ nase kɔnɔ n sa Eebraham na e daŋ bɔ mo gbagba be kumu nna fanɛ e beeŋ wora kusɔ nɛ e daŋ nase na, ŋkpal manɛ so, esa kikɛ daa maŋ naa wɔtɔ a chɔ mo nɛ e bɔ n ti amodoŋwura be ketre.