Hibruwebi 6:1 - EBƆRƐ BE KAWƆL

¹ Amoso, men shin nɛ an baa yige sososo be asheŋ nɛ a bee kute Kristo na to nseŋ yɔ anishito n ya luri kenimufɛra be kebaawɔtɔ to. A maŋ naŋ daga an ka naŋ fara sososo be keŋiniana na a ŋini fanɛ an ka naa tɔl kelar aworbi nɛ a maŋ kɔ tɔnɔ Ebɔrɛ be anishito na to kikɛ.

Hibruwebi 6:1 ပူးပေါင်းရင်းမြစ်များ

Aŋasa 4:18

Ama ekpa nɛ belelaworapo bɔ so na bre du nna fanɛ karechɛ so be epeŋi na. K bee fulto nna a ti so hale nɛ kare e ya chɛ nɛ kaboŋ e fulto parr.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Matiu 21:29

Nɛ kebia na kaŋɛ mo: ‘M maaŋ yɔ.’ Kumo be kaman nɛ e naŋ chɛrga mbe nfɛra nseŋ yɔ.

Matiu 21:32

Ŋkpal manɛ so, Jɔn daŋ ba menyi kutɔ nna nɛ e ba ŋini menyi alelasheŋ be ekpa, ama men maŋ yirda mo. Lamposɔpoana nɛ kesakaleawuraana bre yirda mo. Menyi alɛ ka naŋ wu kumo be loŋ gba, men kraa maŋ lar menyi be alubi to n yirda mo.”

Matiu 3:2

E yɛ: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 4:17

Yili jemanɛ na so a yɔ nɛ Yesu fara a bɔ mbe kubɔya a kaŋɛ le: “Men lar menyi be alubi to, ŋkpal manɛ so, ebɔrɛso be kuwura na taga to.”

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Matiu 7:25

E ka pɔr n loge nɛ afugboŋ ber ebu na so eleŋso ga nɛ bɔrɛ ba ga n to chuful kaplɛkama, ama k maŋ tɔr, ŋkpal e ka pɔr kumo kefalta so na so.

Maak 1:1

Yesu Kristo, Ebɔrɛ Pibi be baru lela nde.

Maak 6:12

Nɛ b lar n ya bɔ kubɔya na fanɛ ekama e lar mbe asheŋ lubi to.

Luuk 6:48

E du fanɛ esa ko ka ya pɔr mbe kowu nna. E ka bee shin nɛ e fara kapɔr na nɛ e kur kasawule n tɔl ebu na be kifi n yili kefalta so. Bɔrɛ ka baŋ to chuful kaplɛkama n ya ber ebu na, k maŋ gbuŋgbuŋ to ŋkpal e ka pɔr ebu na nɛnɛ so.

Baru lela nɛ Jɔn kute na 12:44

Ndoŋ nna nɛ Yesu malga awɔrso ŋ kaŋɛ le: “Esa baŋ yirda ma, mannɛ ma nawule nɛ e yirda, ama emo nɛ e shuŋi ma na gba nɛ e yirda.

Baru lela nɛ Jɔn kute na 14:1

Yesu yɛ: “Men sa maŋ shin nɛ men be ŋgbene e baa jija menyi. Men yirda n Tuto Ebɔrɛ, men baa yirda ma alɛ gba.

Baru lela nɛ Jɔn kute na 5:24

Ma e kaŋɛ menyi kashenteŋto na fanɛ esa kama nɛ e nu ma mmalga ere nseŋ yirda esa nɛ e shuŋi ma na kɔ ŋkpa nɛ k maŋ kɔ ekar na, mo alɛ maaŋ ji n tɔr, ama e teŋ lar luwu to m ba luri ŋkpa to.

Ashuŋ Shunso 11:18

B ka nu kamalga na nɛ b yige bumo be kebaraso na nseŋ di Ebɔrɛ epaŋ ŋ kaŋɛ: “Kumo ere, Ebɔrɛ sa nnyamase gba ekpa nɛ b tiŋ n lar bumo be alubi to n nya ŋkpa na.”

Ashuŋ Shunso 17:30

Ebɔrɛ kplaŋ saŋɛ nɛ basa daa maŋ nyi na so, ama naniere e bee kaŋɛ ekama kaplɛkama fanɛ e lar mbe alubi to.

Ashuŋ Shunso 2:38

Nɛ Pita kaŋɛ bumo: “Men be ekama e lar mbe alubi to, kumo be kaman nɛ e shin nɛ b bɛr mo kabɔrɛbɛr Yesu Kristo be ketre to nɛ Ebɔrɛ e ta mbe alubi m paŋ mo nseŋ sa mo Kiyoyu Cheeŋ na.

Ashuŋ Shunso 20:21

Juwebi nɛ nnyamase kikɛ nɛ n daŋ fiɛ so kpakpa fanɛ b lar bumo be alubi to a bɛ Ebɔrɛ so nseŋ yirda an Nyɛnpe Yesu.

Ashuŋ Shunso 26:20

Damaskɔs nɛ n fara m bɔ kubɔya na nseŋ yɔ Jerusalɛm nɛ Juwebi be efuli so kikɛ nɛ nnyamase to n ya kaa bɔ kubɔya na fanɛ b lar bumo be alubi to m ba Ebɔrɛ kutɔ m ba kaa wora asheŋ nɛ a beeŋ ŋini fanɛ b lar bumo be alubi to kashenteŋto.

Ashuŋ Shunso 3:19

Amoso, men lar menyi be alubi to nseŋ bɛta m ba Ebɔrɛ kutɔ nɛ e kpra menyi be alubi kikɛ n lɛ.

1 Kɔrintebi 13:10

Ama kusɔ nɛ k bɔlɔ so kaŋ ba, kusɔ nɛ k maŋ bɔlɔ so beeŋ choŋ.

1 Kɔrintebi 2:6

Ama anyee kaa malga kanyiashenso be mmalga nna ashi bumo nɛ b kɔ kenimufɛra to bre, ama mannɛ kanyiasheŋ mo nɛ k shi durnya ere to nna. Kumo alɛ maŋ naa shi bumo nɛ b kɔ eleŋ durnya ere to nɛ a bee mur na kutɔ.

2 Kɔrintebi 7:1

N teri shasoana, ŋkpal an ka kɔ le be nnɔ nasesoana ere kikɛ so, men shin nɛ an fɔr kusɔ kama nɛ k bee sa dimɛdi be eyur nɛ mbe kiyoyu eyurpi n lɛ ŋkeŋ shin nɛ an baa pere kenishi a sha kebaaki cheembi nɛnɛ a wɔ Ebɔrɛ be kaŋana be kebaawɔtɔ to.

2 Kɔrintebi 7:10

Ŋkpal manɛ so, kagbenejija mo nɛ k bee par Ebɔrɛ bee bar kagbenechɛrga nna a yɛr esa kumɔlga to, k maa bar ‘n daa nyi’. Ama durnya ere to be kagbenejija bre bee bar luwu nna.

Ɛfesesebi 2:1

To, menyi alɛ gba du fanɛ basa nɛ b wu nna ŋkpal men ka daŋ foe ekpa a wɔtɔ a wora alubi na so.

Ɛfesesebi 2:5

e tiŋi anyi nɛ Kristo nna m bar anyi ŋkpa to saŋɛ nɛ an daa wɔ kasomaanu be luwu to na. Ebɔrɛ malɛ be kuwɔr be kakɛ so nɛ men nya kumɔlga.

Ɛfesesebi 4:12

E wora loŋ nna nɛ e chɛ Ebɔrɛ be basa kikɛ to nɛ b nya eleŋ kabɔrɛshuŋana na to, saŋɛ na so loŋ beeŋ chɛ Kristo be eyur to ebi na to nɛ b nya eleŋ n yɔ anishito ashi kebɛso na to.

Kɔlɔsiebi 1:28

Yesu Kristo be asheŋ nɛ anyee malga a sa basa kikɛ a fiɛ ekama so nsaa ŋini bumo kanyiashenso nɛ an shin nɛ ekama e pin Yesu Kristo nɛnɛ.

Kɔlɔsiebi 3:14

Ade kikɛ be buushi men ta kasha n wɔtɔ men be ŋgbene to, kasha e naa sa anyi kikɛ kɔnɔkoŋwule.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

1 Timoti 6:19

Le be asheŋ ere e naaŋ shin nɛ b nya asɔ nɛ baaŋ fute n yige so kachako so. Nɛ baa wora loŋ, baaŋ nya ŋkpa gbagba na.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

Hibruwebi 11:6

Nɛ esa malɛ baa maa kɔ yirda, e maaŋ tiŋ n wora Ebɔrɛ be aparsheŋ kikɛ, ŋkpal manɛ so, esa kama nɛ e ba Ebɔrɛ kutɔ, a daga fanɛ e fara n yirda fanɛ Ebɔrɛ wɔ ŋkpa to nsaa nɛfa bekama nɛ baa fin mo kenishipereso.

Hibruwebi 12:13

Men lɔŋɛ ekpa niŋiso nɛ menyee bɔla so na, saŋɛ na so, menyi to be bumo nɛ b maŋ kɔ eleŋ na maaŋ foe ekpa, ama baaŋ baa kɔ eleŋ.

Hibruwebi 7:11

Nɛ fanɛ esa daŋ baŋ tiŋ m bɔla Livai be kanaŋ to be bɔrɛmatapoana na be ekpa so nna n nya kebaawɔtɔ cheembi loŋ malɛ be ekpa so nɛ Ebɔrɛ daŋ ta mbra na n sa basa, a ji nuso nna nɛ a daŋ naŋ daga fanɛ bɔrɛmatapo pɔtɛ ka naŋ ba kaa du fanɛ Mɛlkizedɛk be ekpa so, mannɛ bɔrɛmatapo nimuso Ɛɛrɔn be ekpa so?

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.

Jeems 1:4

Men baa shin nɛ men be kechɔŋkeni be eleŋ e baa yɔ anishito a wora keshi saŋkama a ti so nɛ men be eda e ba kaa walɛ nɛnɛ a maa paŋ kelela kikɛ.

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Pita 5:10

Ama nɛ men baŋ ji tɔrɔ ere gbrɛbi m ba lar, kuwɔr be kakɛ kikɛ be Ebɔrɛ nɛ e bee tre menyi fanɛ men ba tu Kristo nɛ men gama n nya mbe kemaŋkura mo nɛ k maŋ kɔ ekar na gbagba beeŋ naŋ shin nɛ kusɔ kama e nyalɛ n sa menyi nseŋ wɔtɔ menyi eleŋ to n shin nɛ men baa yil to nɛnɛ a maa gbuŋgbuŋ to kikɛ.

1 Jɔn 4:12

Esa kama maŋ naŋ wu Ebɔrɛ kenishiso, ama nɛ an baa sha abar bre, kumo ere Ebɔrɛ wɔ anyi to nɛ mbe kasha malɛ bɔlɔ anyi to felɛlɛ kashenteŋto.