Hibruwebi 5:7 - EBƆRƐ BE KAWƆL

⁷ Yesu ka daa wɔ ŋkpa to durnya ere to na e daa ta kushu nɛ anishichubi nna a wɔ kabɔrɛkule to nseŋ daa kaŋɛ Ebɔrɛ nɛ e daa beeŋ tiŋ m mɔlga mo ashi luwu to na mbe asheŋ tirso. Ebɔrɛ malɛ daŋ nu mbe kekule na ŋkpal mbe kabɔrɛŋana so.

Hibruwebi 5:7 ပူးပေါင်းရင်းမြစ်များ

Nshɛ 22:24

Ŋkpal manɛ so e maŋ pal kaman n sa bumo nɛ b wɔ awurfoŋ to na. E maŋ kplaŋ bumo so saŋɛ so nɛ b shu n tre mo na. E nu bumo be kushu nna.

Nshɛ 69:1

O Ebɔrɛ, mɔlga ma. Ŋkpal manɛ so, nchu bɔlɔ n fo ma kubɔ nsaa shin nɛ a mur ma.

Nshɛ 88:1

O Enyɛnpe Ebɔrɛ nɛ fo la ma emɔlgapo, kapa nɛ kanyɛ, fo nɛ mee shu a tre.

Aizaaya 49:8

Ade be kaman nɛ Enyɛnpe Ebɔrɛ na naŋ kaŋɛ mbe basa le: “Menyi be kumɔlga be jemanɛ kaŋ fo, meeŋ wu menyi kuwɔr nseŋ nu menyi be kabɔrɛkule. Meeŋ kuŋ menyi nseŋ mɔlga menyi. Meeŋ shin nɛ men ta kɔnɔ nɛ n nase nɛ k kɔ tama na n ya sa efuli pɔtɛana so ebi. Ma alɛ beeŋ naŋ shin nɛ men bɛta m ba chena menyi be kasawule nɛ k dese jiga na so.”

Aizaaya 53:11

Awurfoŋ nɛ e beeŋ ji na be kaman, e beeŋ naŋ nya kagbenewushi nseŋ pin fanɛ e maŋ gben jiga. Ma kenya nɛ e bee shuŋ ma kagbene koŋwuleso nɛ ma kagbene bee fuli mo so na e naaŋ sɔ basa galeŋga be kasogberge n deŋi mbe kumu so, nɛ ŋ kpal mo so n ta bumo be alubi m paŋ bumo.

Aizaaya 53:3

Ekama daŋ keni mo jiga nna nseŋ kini mo n lɛ. Kagbenejija nɛ ebesa damta e daŋ bɔlɔ mo to, nɛ mo alɛ ji kanyiti nseŋ sɔ amo kikɛ n deŋi mbe kumu so. Ekama daa maa sha kewu mo kenishiso gba. B daŋ wu mo nna fanɛ esa jiga.

Levitikɔs 2:2

m ba sa Ɛɛrɔn be mbinyɛnsobi nɛ b la bɔrɛmatapoana na. Nɛ bumo be ekoŋwule e jɔ nyifu nɛ ɔlif be ŋku be wea to na enɔ be bɔlɔ nseŋ ta duwu na n ti so n chɔɔ bɔrɛsure na so a ŋini fanɛ amo kikɛ la sarga chɔɔso nɛ amo be efɛa bee par Enyɛnpe Ebɔrɛ na nna.

Matiu 27:46

Kerfi asa be jemanɛ na nɛ Yesu boŋ to awɔrso m bishi Ebɔrɛ le: “Elai, Elai, lama sabaktani?” Kumo be kifito e la fanɛ: “Ma Ebɔrɛ, ma Ebɔrɛ, manɛ e ba nɛ fo yige ma?”

Matiu 27:50

Ndoŋ nna nɛ Yesu naŋ boŋ to awɔrso nseŋ fute mbe lalaloge be efute.

Maak 15:34

Kerfi asa be jemanɛ na nɛ Yesu boŋ to awɔrso m bishi Ebɔrɛ le: “Elɔi, Elɔi, lama sabaktani?” Kumo be kifito e la fanɛ “Ma Ebɔrɛ, ma Ebɔrɛ, manɛ e ba nɛ fo yige ma?”

Maak 15:37

Ndoŋ nna nɛ Yesu boŋ to awɔrso nseŋ fute mbe lalaloge be efute.

Luuk 23:46

Nɛ Yesu boŋ to awɔrso ŋ kaŋɛ: “Etuto, n ta ma kiyoyu m bɔɔ fo enɔ.” E ka baŋ kaŋɛ loŋ n loge nɛ e fute mbe lalaloge be efute.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Baru lela nɛ Jɔn kute na 11:35

Yesu shu.

Baru lela nɛ Jɔn kute na 11:42

N nyi fo ka bee nu ma kekule saŋkikɛ, ama ŋ kaŋɛ loŋ nna ŋkpal basa nɛ b yil nfe ere so nɛ b yirda fanɛ fo e shuŋi ma.”

Baru lela nɛ Jɔn kute na 17:1

Yesu ka malga asheŋ ere n loge nɛ e maŋ kumu so ŋ keni ebɔrɛso nseŋ kule Ebɔrɛ ŋ kaŋɛ: “Etuto, saŋɛ na fo. Maŋkura ma, fo Pibinyɛn na nɛ ma, fo Pibinyɛn na malɛ e maŋkura fo.

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Galeeshaebi 4:4

Ama jemanɛ nɛ k daga na ka ba fo nɛ Ebɔrɛ shuŋi mo Pibinyɛn nɛ e bɔla durnya be eche to n lar a wɔ mbra na to na

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Hibruwebi 10:10

Ŋkpal Yesu Kristo ka daŋ wora kusɔ nɛ Ebɔrɛ daa sha e ka wora na so, an kikɛ fɔr so n nyalɛ so, ŋkpal sarga mo nɛ e ta mo gbagba be kumu n lara na so.

Hibruwebi 10:5

Amoso, Kristo ka daŋ ba durnya to na, le nɛ e daŋ malga Ebɔrɛ be asheŋ ŋ kaŋɛ: “Mannɛ esarga nɛ ŋkɛana nɛ fo daa sha, ama eyur nɛ fo wora n sa ma na.

Hibruwebi 11:7

Yirda so nɛ Nowa daŋ nu Ebɔrɛ be kɔnɔ a yɛ asheŋ nɛ a daa beeŋ ba kachako so nɛ esa maŋ naŋ wu na. Ebɔrɛ ka daŋ kaŋɛ loŋ na e daŋ nu n sa mo nseŋ gbir kuloŋgboŋ nɛ mo nɛ mbe kanaŋ luri m mɔlga bumo be amu. Ŋkpal loŋ na so durnyaebi daa maŋ nya kashenteŋ, kumo be kaman nɛ e nya yirda be tɔnɔ, kumo e la fanɛ e ki elelapo Ebɔrɛ be anishito.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Hibruwebi 13:20

Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

1 Jɔn 4:3

Ama kiyoyu kama nɛ e maa ji Yesu be asheŋ be shɛda, loŋ be kiyoyu maŋ shi Ebɔrɛ kutɔ. Loŋ be kiyoyu na e la edoŋ na be kiyoyu mo nɛ men nu fanɛ e bee ba na. Mo e teŋ ba durnya ere to na.

2 Jɔn 1:7

Befɛpo damta mo nɛ b maa yirda fanɛ Yesu Kristo ba durnya ere to nna fanɛ dimɛdi, lar n luri durnya to. Loŋ be basa na be ekama e la efɛpo nɛ Kristo mo doŋ na.