Hibruwebi 5:5 - EBƆRƐ BE KAWƆL

⁵ To, loŋ nɛ Kristo gba daa maŋ ta bɔrɛmatapo nimuso be keki na be bunyaŋ n sa mbe kumu. Ebɔrɛ nɛ e daŋ kaŋɛ mo fanɛ: “M Pibinyɛn e la fo, amoso, kabre ŋ ki fo Tuto”

Hibruwebi 5:5 ပူးပေါင်းရင်းမြစ်များ

Nshɛ 2:7

Nɛ ewura na kaŋɛ le: “Meeŋ bɔ kɔnɔ nɛ Enyɛnpe Ebɔrɛ na nase n sa ma na be kubɔya.” E yɛ: “Fo e la m pibinyɛn na; kabre, ŋ ki fo tuto.

Maika 5:2

Ama Enyɛnpe Ebɔrɛ na yɛ: “Bɛtlɛhɛm Efrata, fo la Juda be efuli so be ndewurbiana na be kuko nna, ama fo to nɛ meeŋ lara esa nɛ e beeŋ ba ji Israɛl be efuli so be kuwura. Dra dra na kikɛ nɛ mbe kanaŋ jɔŋɛ.”

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Baru lela nɛ Jɔn kute na 7:18

Esa kama nɛ e kɔ mo gbagba be eleŋ a malga asheŋ, bee fin mo gbagba be kemaŋkura nna na. Ama esa kama nɛ e bee fin kemaŋkura a sa esa nɛ e shuŋi mo la kashenteŋwura nna nɛ efɛsheŋ kikɛ maŋ wɔ mo so.

Baru lela nɛ Jɔn kute na 8:54

Nɛ Yesu kaŋɛ bumo le: “Nɛ m baa maŋkura ma kumu, kumo ere ma kemaŋkura na maŋ kɔ kifi, ama n Tuto nɛ menyee tre menyi be Ebɔrɛ na e la esa nɛ e bee maŋkura ma.

Ashuŋ Shunso 13:33

Nshɛ be Kawɔl be kashɛ nyɔsopo malɛ to nɛ baa kaŋɛ loŋ: ‘Fo e la m Pibinyɛn. Kabre ŋ ki fo Tuto.’

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

Hibruwebi 1:5

Ŋkpal manɛ so, malaika mo malɛ nɛ Ebɔrɛ daŋ kaŋɛ le: “M Pibinyɛn e la fo. Kabre ŋ ki fo Tuto”? Ŋko kede be kaman, malaika mo malɛ nɛ Ebɔrɛ daŋ kaŋɛ fanɛ: “Meeŋ baa la mo Tuto nɛ mo alɛ gba e baa la m Pibinyɛn”?

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 5:10

Nɛ Ebɔrɛ malɛ ta mo ŋ ki bɔrɛmatapo nimuso ashi Mɛlkizedɛk be ekpa so.