Hibruwebi 5:2 - EBƆRƐ BE KAWƆL

² Ŋkpal asheŋ ka bee gben mo alɛ gba ashi ekpa damtaana to so e nyi kananɛ e beeŋ ta kanyiti a keni bumo nɛ b maŋ nyi nɛ basa mo nɛ baa foe na so.

Hibruwebi 5:2 ပူးပေါင်းရင်းမြစ်များ

Ɛksodɔs 32:8

B teŋ kini kebɛ mbra nɛ n sa bumo na so nseŋ ŋalga shuwa n lɔŋɛ kenabi a shuŋ nsaa lara esarga a sa kumo a kaŋɛ fanɛ bumo be ebɔrɛ mo nɛ a lara bumo ashi Ijipt be kasawule so na nna na.”

Aizaaya 29:24

Kumo be kaman nɛ basa nɛ b maa pin asheŋ to na e fara a pin asheŋ to, nɛ bumo nɛ baa munto a bile asheŋ malɛ e sɔ ma keŋini kagbenefuliso.”

Aizaaya 30:11

Men yige kebaakaŋɛ anyi kusɔ nɛ Ebɔrɛ kaŋɛ be asheŋ! Anyi maŋ naa sha kenu shɛŋ a laŋɛ Israɛl be Ebɔrɛ cheembi na be kaplɛa so.”

Luuk 22:32

ama ŋ kule Ebɔrɛ n sa fo fanɛ fo yirda e tiŋ a kɔ fo to kpakpa a yil. Nɛ fo alɛ ka baŋ lar loŋ be kebaawɔtɔ na to, fo leŋ fo kurgepoana na to.”

2 Kɔrintebi 11:30

Nɛ k ba fanɛ m puchi, asɔ nɛ a bee ŋini ma kapɔshi so nɛ mee puchi.

2 Kɔrintebi 12:5

Meeŋ puchi ŋkpal le be esa so, ama m maaŋ puchi ŋkpal ma ere gbagba so she ma kapɔshi nawule be asheŋ so.

Galeeshaebi 4:13

Men nyi fanɛ kulɔ ka daŋ pɔɔ ma so so e shin nɛ m bɔ baru lela na n sa menyi sososo na.

Ɛfesesebi 4:18

Alubi tegsi bumo nna n shin nɛ bumo be ŋgbene biri to tuum a maŋ naa pin asheŋ to ŋkpal bumo be ŋgbene kpakpaso nɛ kemaa nyi nɛ k bee ji kuwura bumo so na so. Naniere bumo nɛ ŋkpa nɛ Ebɔrɛ bee sa na barga abar cheche.

1 Timoti 1:13

Ama e wu ma kuwɔr, ŋkpal manɛ so, ŋ ka daa maŋ yirda na so e shin nɛ n wora kawulisheŋ na.

Hibruwebi 12:13

Men lɔŋɛ ekpa niŋiso nɛ menyee bɔla so na, saŋɛ na so, menyi to be bumo nɛ b maŋ kɔ eleŋ na maaŋ foe ekpa, ama baaŋ baa kɔ eleŋ.

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 2:18

To, naniere, ŋkpal mo gbagba ka luri kechɔŋkeni to n lar nseŋ ji amo be awurfoŋ na so, e beeŋ tiŋ n chɛ bumo nɛ baa luri kechɔŋkeni to na to.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.

Hibruwebi 7:28

Basa nɛ asheŋ ere gben bumo nɛ mbra na bre daa lara nɛ baa ki bɔrɛmatapo nimusoana. Ebɔrɛ be ntaŋ nɛ k bɛ mbra na so m ba na bre lara Ebinyɛn nɛ e ki cheembi mbaanaayɔ na nna.

Hibruwebi 9:7

Ama bɔrɛmatapo nimuso na nawule e daa luri ebu nyɔsopo na to kela koŋwule kafɛ kama to. Mo alɛ gba daa maaŋ tiŋ n luri ndoŋ ama e ta ŋklaŋ nna n luri n ya lara mo gbagba be alubi so be sarga nseŋ naŋ yili basa na be katelamu to n lara sarga ŋkpal bumo be alubi nɛ b wora a maŋ de so na so.

Jeems 5:19

Ŋ kurgepoana nɛ menyi to be ekama baŋ foe kashenteŋ be kebɛso be ekpa na so nɛ eko chɛ amodoŋwura to n naŋ ŋini mo ekpa na

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.

Demujipoana 2:17

Ama Israɛlebi na daa maa nu a sa bumo be bejuŋkparpo ere nsaa wɔtɔ a shuŋ agbirana. Bumo tutoana bre daŋ nu n sa Enyɛnpe Ebɔrɛ na nna, ama bumo ere maa nu a sa mo.