Hibruwebi 5:12 - EBƆRƐ BE KAWƆL

¹² A daŋ daga fanɛ men baa la beŋinipo naniere, ama hale mbre she esa e naaŋ laŋɛ ŋ ŋini menyi kashenteŋ be abɔrɛsheŋ be sososo na, men maa pin to. A daŋ daga fanɛ men baa tiŋ a ji ajibi gbɛgbɛso naniere, ama kenyipo nɛ menyi alɛ kraa nuu na.

Hibruwebi 5:12 ပူးပေါင်းရင်းမြစ်များ

2 Samuɛl 16:23

Ŋkpal Deevid nɛ Absalɔm kikɛ ka daa fɛ fanɛ kusɔ kama nɛ Ahitofɛl daŋ baŋ kaŋɛ shi Ebɔrɛ kutɔ na so, kasotoji kama nɛ e daŋ baŋ sa bumo baa nu nna a sa mo.

Ɛzra 7:10

Ɛzra bre daŋ ta Ebɔrɛ be mbra na be kekoya nɛ amo be kenu nseŋ wora, nɛ mbra na be atande be keta ŋ ŋini Israɛl be efuli so kenishipereso nna.

Nshɛ 34:11

Ma mbia, men kaŋ kusoe n nu; nɛ n ŋini menyi kananɛ menyeeŋ baa bunyaŋ Enyɛnpe na.

Aizaaya 28:13

Amoso nɛ Enyɛnpe Ebɔrɛ na bee sha keŋini menyi nsibɛbi nɛ mmalgabi nɛ menyi maaŋ pin to na. Kumo be kaman keya kama nɛ menyeeŋ tia, menyeeŋ fiti n tɔr n doro nɛ b naŋ pɛ menyi fanɛ anya.

Aizaaya 55:1

Enyɛnpe Ebɔrɛ yɛ: “Ekama nɛ achukoŋ kɔ mo e ba nuu nchu! Ekama nɛ e maŋ kɔ amansherbi gba e ba tɔ ajibi n ji! Men ba tɔ yabra nɛ kenyipochu n nuu nsaa maŋ ka shɛŋ!

Matiu 17:17

Nɛ Yesu bishi bebɛsopo na: “O menyi mbreebi, nuso be basa lubi e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nɛ nuso be kanyiti nɛ menyee sha fanɛ n naŋ ta ŋ keta menyi? Men bar kebia na ma kutɔ nfe.”

Maak 9:19

Nɛ Yesu bishi bebɛsopo na: “O menyi mbreebi, nuso be basa e la menyi nɛ men maŋ kɔ yirda ere bre? Nuso be kechɛr nɛ menyee sha fanɛ n chɛr menyi kutɔ? Nuso be kanyiti nɛ menyee sha fanɛ n naŋ ta ŋ keta menyi?

Ashuŋ Shunso 7:38

Mosis koŋwule na nɛ Israɛlebi nɛ b daŋ shɛr kiyi to na e daa la ndoŋ. Mo nɛ an nanaana nɛ malaika nɛ e daŋ malga mo kutɔ ashi Sainai be kebee na so e daa la. Mo nɛ Ebɔrɛ daŋ ta mbe kubɔya nɛ k maŋ kɔ ekar na n sa nɛ e ba sa anyi.

Romebi 3:2

Cha, Juwebi baa chɔ basa pɔtɛ ekpa kama so nna, ŋkpal manɛ so, kusɔ nɛ k juŋkpar e la fanɛ bumo nɛ Ebɔrɛ ta mbe mmalga m bɔɔ enɔ.

1 Kɔrintebi 14:19

Ama nɛ m baa wɔ asɔri to mee kaa sha kemalga mmalga anu mo nɛ basa beeŋ tiŋ n nu to nna nɛ n ta amo ŋ ŋini basa na asɔ, a chɔ ŋ ka gbar mmalga ŋgboŋ kudu mo nɛ a wɔ ŋgbar mo nɛ b maa nu to.

1 Kɔrintebi 14:20

Ŋ kurgepoana, men sa maa fɛ nfɛra fanɛ mbia. Alubi bre be kewora be kaplɛa so men baa la mbia, ama men be nfɛra bre to, men baa la basa kpar.

Galeeshaebi 4:3

To, anyi alɛ gba ka daa du fanɛ mbibi abɔrɛsheŋ to na, loŋ e daa la. An daa la durnya ere to be sososo be asɔ ŋiniso be anya nna.

Filipaiebi 3:1

Ŋ kurgepoana, ma lalaloge be kamalga nde fanɛ Enyɛnpe e sa menyi kagbenefuli nɛnɛ. Kashenteŋto, ma kenaŋ n sibɛ asheŋ koŋwule ere gbagba n sa menyi maŋ tir ma, kumo be loŋ malɛ e naaŋ chɛ menyi to gba.

Kɔlɔsiebi 3:16

Men bɛ kubɔya nɛ Yesu Kristo sa anyi na so saŋkama, men baa kɔ kanyiasheŋ a ŋini abar a leŋ abar to a boŋ Ebɔrɛ be kawɔl to be nshɛ nɛ Ebɔrɛ be basa be kapandi be nshɛ nɛ Kiyoyu Cheeŋ na bee ŋini na a di Ebɔrɛ epaŋ men be ŋgbene to.

Hibruwebi 10:32

Men baa nyiŋi kananɛ asheŋ daa du n sa menyi dra na, saŋɛ nɛ Ebɔrɛ be kefulto na daŋ ba menyi to be kaman na. Kumo be jemanɛ na men daŋ ji etɔrɔ damta, ama amo be saŋɛ na menyi daa maŋ tɔr.

Hibruwebi 5:11

Le be demu ere to an kɔ asɔ damta nɛ an malga, ama kekaŋɛ menyi asheŋ na nɛ men pin amo to du kpakpa nna ŋkpal men ka maŋ naa pin asheŋ na to manaŋ manaŋ na so.

Hibruwebi 5:13

Esa kama malɛ nɛ e kraa nuu kenyipo kraa la kebibi nna na, e maŋ naŋ pin Ebɔrɛ be anishito be alelasheŋ be keŋini to.

Hibruwebi 6:1

Amoso, men shin nɛ an baa yige sososo be asheŋ nɛ a bee kute Kristo na to nseŋ yɔ anishito n ya luri kenimufɛra be kebaawɔtɔ to. A maŋ naŋ daga an ka naŋ fara sososo be keŋiniana na a ŋini fanɛ an ka naa tɔl kelar aworbi nɛ a maŋ kɔ tɔnɔ Ebɔrɛ be anishito na to kikɛ.

1 Pita 2:2

Men baa sha kashenteŋ be abɔrɛsheŋ na ga fanɛ kananɛ mbi popɔrbi bee sha kenyipo na, saŋɛ na so menyeeŋ bɔla amo so n yɔ anishito ashi men be kumɔlga ere to.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.