Hibruwebi 5:1 - EBƆRƐ BE KAWƆL

¹ Bɔrɛmatapo nimuso kikɛ, mo braana edimɛdi to nɛ baa lara mo nɛ e bee yili bumo be katelamu to a shuŋ Ebɔrɛ nsaa bar Ebɔrɛ ŋkɛana nɛ esarga ŋkpal alubiana so.

Hibruwebi 5:1 ပူးပေါင်းရင်းမြစ်များ

Levitikɔs 8:2

“Keta Ɛɛrɔn nɛ mbe mbinyɛnsobi m ba ma anishito ashi wajɛbu na be kabuna, nseŋ ta kabɔrɛmata be epiŋi na nɛ ŋku nɛfaso na m ba. Kumo be kaman nɛ fo ta kulubi be sarga be gbolu fɔlbi na nɛ ekpakpa anyɔ na nɛ bodobodo nɛ a maŋ kɔ yiisi na be kelantaŋɛ be bɔlɔ m ba.

Levitikɔs 9:7

Kumo be kaman nɛ Mosis naŋ kaŋɛ Ɛɛrɔn le: “Yɔ bɔrɛsure na ase n ya lara fo kumu so be sarga chɔɔso pɔɛŋ nseŋ lara kulubi be esarga ŋ kule fo nɛ basa na kikɛ be alubi be ketampaŋ fanɛ kananɛ Enyɛnpe Ebɔrɛ na yili kumo na.”

Romebi 15:17

Ŋkpal kɔnɔkoŋwule nɛ k wɔ ma nɛ Kristo Yesu be kefɛato so mee puchi nna ŋkpal ŋ ka bee shuŋ Ebɔrɛ so.

1 Kɔrintebi 15:3

Ŋkpal manɛ so, kusɔ nɛ n daŋ nya nɛ ma alɛ gba daŋ ta m bɔɔ menyi enɔ fanɛ kusɔ nɛ k juŋkpar e la fanɛ: Kristo wu nna ŋkpal anyi be alubi so fanɛ kananɛ abɔrɛsibɛ na bee kaŋɛ na fanɛ

Hibruwebi 10:11

Kachɛ kama bɔrɛmatapo kama na yil mbe kushuŋ to nna a lara a lara esarga koŋwule gbiiŋ nɛ a maaŋ tiŋ n lara esa be alubi mo to kikɛ na.

Hibruwebi 10:12

Ama mo Yesu ere, sarga koŋwule pati nɛ e lara ŋkpal alubi so nɛ k bee kukwe a sa saŋkikɛ. Kumo be kaman nɛ e chena Ebɔrɛ be jisoso, ebunyampo be kakpa na.

Hibruwebi 11:4

Yirda so nɛ Ebel daŋ lara sarga lela n sa Ebɔrɛ a chɔ Keen peya. Kumo alɛ so nɛ Ebɔrɛ daŋ kpaŋ mo fanɛ elelapo ashi mo ere Ebɔrɛ be anishito, ŋkpal manɛ so, Ebɔrɛ gbagba daŋ sɔ mbe ŋkɛana na. Yirda malɛ so nɛ Ebel wu nseŋ kraa malga na.

Hibruwebi 2:17

Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 7:27

Mo alɛ maŋ du fanɛ bɔrɛmatapo nimusoana nɛ b daa wɔtɔ a lara esarga kachɛ kama ŋkpal bumo gbagba be alubi so pɔɛŋ nseŋ daa lara esarga ŋkpal basa pɔtɛ malɛ be alubi so na. Mo ere, sarga koŋwule kpeiŋ nɛ e baŋ lara n sa basa kikɛ saŋɛ nɛ e daŋ ta mbe kumu n sa fanɛ sarga na.

Hibruwebi 8:3

Bɔrɛmatapo nimuso kikɛ, baa lara mo nna nɛ e baa ta ŋkɛana a bar Ebɔrɛ nsaa lara esarga Ebɔrɛ be anishito. Amoso, k daŋ daga fanɛ anyi be bɔrɛmatapo nimuso na gba ka daŋ ta kusɔ ko n lara sarga.

Hibruwebi 8:4

Nɛ e daa wɔ kasawule ere so nna e daa maaŋ ki bɔrɛmatapo kikɛ, ŋkpal manɛ so, basa nɛ baa ta ŋkɛana a bar Ebɔrɛ mbra na be ekpa so tea wɔtɔ.

Hibruwebi 9:9

Kede malɛ la kusɔ nɛ k bee ŋini jemanɛ ere so be asheŋ nna fanɛ ŋkɛana nɛ asɔbɔya be keta n lara sarga na daa maaŋ tiŋ n shin nɛ esa nɛ e kɔ asɔ na a bunyaŋ Ebɔrɛ na e ki esa cheembi ashi mbe nfɛra to.