Hibruwebi 4:7 - EBƆRƐ BE KAWƆL

⁷ Amoso, e naŋ yili kachako n tre kumo kabre. Kumo be kaman pɔɛŋ nɛ e naŋ ba bɔla Ewura Deevid so ŋ kaŋɛ kesheŋ nɛ an teŋ kraŋ fanɛ: “Kabre nɛ men baŋ nu Ebɔrɛ be ebɔl, men sa maŋ wora menyi be amu kpakpa na.”

Hibruwebi 4:7 ပူးပေါင်းရင်းမြစ်များ

1 Bewura 6:1

Israɛlebi ka lar Ijipt be efuli so na be nfɛ alfa ana nɛ aduburwa be kaman, nɛ Sɔlɔmɔn ka ji Israɛl be kuwura be kafɛ nasopo nɛ Hibruwebi be kafɛ to be kufɔl nyɔsopo nɛ baa tre Ziv na to nɛ ewura Sɔlɔmɔn be beshumpo fara bɔrɛlambu na be kapɔr.

Nshɛ 95:7

Mo e la anyi be Ebɔrɛ, nɛ anyi alɛ la mbe basa. An du fanɛ mbe mbolpɔ nɛ e bee keni so nna. Men baŋ nu mbe ebɔl kabre,

Matiu 22:43

Ndoŋ nna nɛ e bishi bumo le: “To, nɛ a ji nuso nna nɛ Kiyoyu Cheeŋ na daŋ bugi Deevid be kagbene n shin nɛ e tre mo mo Nyɛnpe ŋ kaŋɛ le:

Maak 12:36

Kiyoyu Cheeŋ na daŋ bugi Deevid be kagbene nna n shin nɛ Deevid gbagba kaŋɛ: ‘Enyɛnpe na kaŋɛ n Nyɛnpe: Chena ma jisoso nfe, hale nɛ n ya ta fo doŋana m bɔɔ fo enɔ.’

Luuk 20:42

Ŋkpal manɛ so, Deevid gbagba kaŋɛ ashi Nshɛ be Kawɔl na to fanɛ; Enyɛnpe na kaŋɛ n Nyɛnpe le: ‘Chena ma jisoso nfe

Ashuŋ Shunso 2:29

Ŋ kurgepoana, men shin nɛ m bugi to ŋ kaŋɛ menyi an nana Deevid be asheŋ. E daŋ wu nna nɛ b puli mo, hale mbre an kraa wu mbe nchaŋ kade ere to.

Ashuŋ Shunso 2:31

Deevid malɛ ka daa nyi kusɔ nɛ Ebɔrɛ daa sha kewora na so nɛ e daŋ malga Kristo na be ketiŋi luwu to be asheŋ saŋɛ nɛ e daŋ kaŋɛ: ‘Ebɔrɛ daa maŋ shin nɛ e ka luwu to, e daa maŋ shin nɛ e wu m bɛ.’

Ashuŋ Shunso 28:25

Pɔɔl ka malga kesheŋ koŋwule ere n loge nɛ b fara a ji abar emɔrɔ a yɔ. Le nɛ e daŋ kaŋɛ: “Kashenteŋ nɛ Kiyoyu Cheeŋ na daŋ shin nɛ anebi Aizaaya daŋ wu ŋ kaŋɛ men nanaana fanɛ e ya kaŋɛ basa na le:

Hibruwebi 3:15

Kumo alɛ nɛ men teŋ nu na fanɛ: “Men baŋ nu Ebɔrɛ be ebɔl kabre, men sa maŋ wora menyi be ŋgbene kpakpa fanɛ kananɛ b daŋ koso saŋko a kɔ Ebɔrɛ be eleŋ na.”