Hibruwebi 4:16 - EBƆRƐ BE KAWƆL

¹⁶ Amoso, naniere, men shin nɛ an nya kagbene m ba Ebɔrɛ na be kuwurputiakpa, kakpa nɛ kuwɔr be kakɛ wɔ na. Ndoŋ nɛ Ebɔrɛ beeŋ wu anyi kuwɔr nɛ an nya kuwɔr be kakɛ mo nɛ k beeŋ chɛ anyi to saŋɛ nɛ k daga na.

Hibruwebi 4:16 ပူးပေါင်းရင်းမြစ်များ

1 Kronikɛls 28:11

Ewura Deevid daŋ ŋini Sɔlɔmɔn kananɛ baŋ pɔr bɔrɛlambu na nɛ kumo be ebuana nɛ baa ta asɔwurbi a yili to na nɛ kumo be epunto be ebuana nɛ acheembiana to be kakpa cheembi nɛ baa ta alubi a paŋ na nna.

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Levitikɔs 16:2

“Kaŋɛ fo da Ɛɛrɔn fanɛ jemanɛ nɛ k daga nawule nɛ e beeŋ tiŋ n luri acheembiana to be kakpa cheembi nɛ k wɔ patisa na be kaman na to, ŋkpal manɛ so, ndoŋ nɛ mee bɔla kuwɔlpa nɛ k buu kɔnɔkoŋwule be ŋkre be deka na so a lara ma kumu a ŋini. Nɛ mannɛ aloŋ, e beeŋ wu.

Ɛfesesebi 2:18

Ŋkpal manɛ so, mo so nɛ anyi nɛ bumo kikɛ bee bɔla a nya ekpa a yɔ Ebɔrɛ na kutɔ ashi Kiyoyu koŋwule na to.

Ɛfesesebi 3:12

Mo to nɛ keyirda mo so nɛ anyeeŋ tiŋ m ba Ebɔrɛ be anishito a maa wora shikashika kikɛ.

Hibruwebi 13:6

Amoso, menyeeŋ tiŋ m puchi ŋ kaŋɛ fanɛ: “Enyɛnpe e la ma echɛtopo, m maaŋ baa lɔ kufu. Manɛ nɛ nyiŋgbasa beeŋ tiŋ n wora ma?”

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Hibruwebi 7:19

Ŋkpal manɛ so, Mosis be mbra na daa maŋ tiŋ n ta shɛŋ ŋ ki cheembi. Ama naniere tama popɔr naŋ ba nɛ an bɔla kumo so n firgi n taga Ebɔrɛ to.

Hibruwebi 7:25

Amoso, e beeŋ tiŋ m mɔlga basa nɛ baa bɔla mo so a yɔ Ebɔrɛ kutɔ naniere nɛ saŋkama, ashi bumo be alubi to, ŋkpal manɛ so, saŋkikɛ e wɔtɔ nna a kule Ebɔrɛ a sa anyi.

Hibruwebi 9:5

Asɔ pɔrso anyɔ ko nɛ baa tre chɛrubim nɛ a daa ŋini fanɛ Ebɔrɛ be kemaŋkura wɔ ndoŋ na daa yuu deka na be kumu so nna m parga to m buu kakpa nɛ baa tre kuwɔr be kakpa na. Ama anyi maaŋ tiŋ m malga m malga asheŋ ere to n luri to n loge.

1 Pita 2:10

Saŋko men daa maŋ la Ebɔrɛ be basa, ama naniere men la mbe basa nna. Saŋko Ebɔrɛ daa maŋ wu menyi kuwɔr, ama naniere men nya mbe kuwɔr.