Hibruwebi 4:15 - EBƆRƐ BE KAWƆL

¹⁵ Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.

Hibruwebi 4:15 ပူးပေါင်းရင်းမြစ်များ

Ɛksodɔs 23:9

Men sa maa mɛaŋ befɔ, ŋkpal manɛ so men nyi kananɛ kebaala efɔ du. Menyi alɛ gba daa la befɔ nna ashi Ijipt be kasawule so.

Aizaaya 53:9

E daŋ maŋ wora kulubi kikɛ ŋko ŋ ku efɛ ŋ ku so, ama b daŋ mɔ mo nna m puli mo kakpa nɛ baa puli alubiworapoana nɛ damawuraana.”

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Matiu 12:20

E maaŋ bu kejolobi kɔnto gba to ŋko n duŋ fitila nɛ k maa wu nɛnɛ. Kede e naa ŋini fanɛ e maaŋ pɔ aba kikɛ, hale nɛ kashenteŋ be keji e ya sɔ kejuŋkpar.

Matiu 4:1

Ndoŋ nna nɛ Kiyoyu na shin nɛ Yesu yɔ kiyi to nɛ alubipo na e ya chɔ mo ŋ keni.

Luuk 22:28

Menyi e la bumo nɛ b ji kanyiti ŋ kraŋ tu ma a wɔ ma awurfoŋ to na.

Luuk 4:2

Nɛ alubipo na ya chɔ mo ndoŋ nchɛ adena ŋ keni. Mbe kechɔŋkeni be jemanɛ na malɛ kikɛ nɛ e daa maa ji shɛŋ, amoso, kumo be kaman akoŋ daŋ pɛ mo nna.

Baru lela nɛ Jɔn kute na 8:46

Men be emo e naaŋ tiŋ ŋ ŋini kulubi kama nɛ n daŋ wora? To, nɛ kashenteŋ nɛ m baa ji, manɛ e ba nɛ men maa yirda ma?

Romebi 8:3

Ŋkpal manɛ so, kusɔ nɛ mbra na daa maaŋ tiŋ n wora ŋkpal dimɛdi be kapɔr lubi ere ka maŋ kɔ eleŋ na so, Ebɔrɛ bre wora kumo. E shuŋi mo Pibinyɛn gbagba nna n ji m bri kulubi nɛ k wɔ dimɛdi be eyur to na. Mo Pibinyɛn na ta eyur fanɛ dimɛdi be alubi be eyur ere nna m ba lara kulubi ashi to.

2 Kɔrintebi 5:21

Anyi so nɛ Ebɔrɛ shin nɛ mo ere, esa nɛ e maŋ nyi kulubi na ki kulubi, saŋɛ na so mo so nɛ anyeeŋ ki Ebɔrɛ be anishito be belelapo.

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 5:2

Ŋkpal asheŋ ka bee gben mo alɛ gba ashi ekpa damtaana to so e nyi kananɛ e beeŋ ta kanyiti a keni bumo nɛ b maŋ nyi nɛ basa mo nɛ baa foe na so.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Hibruwebi 9:28

To, loŋ koŋwule na nɛ b daŋ ta Kristo gba n lara sarga kela koŋwule pati nɛ e kpra basa damta be alubi ashi bumo so. Mo alɛ beeŋ naŋ bɛta kela nyɔsopo n lar m ba, ama kede bre, mannɛ alubi be kekpara so nɛ e bee ba, e kɔ kumɔlga nna a ba nɛ e ba sa bumo nɛ baa jo mo na kikɛ.

1 Pita 2:22

E daa maŋ wora kulubi kikɛ, kafulesheŋ malɛ kikɛ daa maŋ lar mbe kɔnɔ to.

1 Jɔn 3:5

Men nyi Kristo ka ba nɛ e ba ta basa be alubi n lɛ n sa bumo. Kulubi kikɛ malɛ maŋ wɔ mo to.