Hibruwebi 4:12 - EBƆRƐ BE KAWƆL

¹² Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.

Hibruwebi 4:12 ပူးပေါင်းရင်းမြစ်များ

Nshɛ 110:2

Enyɛnpe Ebɔrɛ na beeŋ n shin nɛ fo kuwurji be eleŋ e shi Jerusalɛm n salga to, hale nɛ fo ji kuwura fo doŋana so.

Nshɛ 119:130

Kebaapin fo mmalga to bee bugi nfɛra to nna nsaa sa basa nɛ b maŋ nyi asheŋ kanyiasheŋ.

Nshɛ 139:2

Fo nyi jemanɛ nɛ mee wushi ŋko a shuŋ; n wɔ kufɔ a maŋ taga fo to gba fo nyi, fo nyi kusɔ nɛ k wɔ ma nfɛra to kikɛ.

Nshɛ 149:6

B baa kpaŋ Ebɔrɛ awɔrso jemanɛ nɛ b ta bumo be etokobi jiso m bɔɔ enɔ a yɔ

Nshɛ 45:3

Ewurgboŋ, kemaŋkura wura nɛ ejuŋkparpo, ta fo tokobi n wɔtɔ kumo be efar to ŋ kre kashɛr to.

Aŋasa 5:4

ama fo baŋ di mo n loge, ebesa nɛ n daa nyi nna e naa bɛ kumo so.

Kaŋinichiŋgeliŋ 12:11

Enyiashempo na be mmalga na du fanɛ mbolpɔkpapo be kekpabi nɛ e kɔ a kpa mbe mbolpɔ nna nɛ aŋasa na malɛ du fanɛ ayir nɛ e gbir nɛnɛ nna. Mmalga na shi Ebɔrɛ nɛ e la anyi kikɛ be ekpapo na kutɔ nna.

Aizaaya 11:4

Kashenteŋ be ekpa so nɛ e beeŋ baa ji betirpo demu nsaa kɔ a kuŋ bumo nɛ b maaŋ tiŋ n wora shɛŋ n sa bumo be amu na. Kusɔ nɛ e beeŋ kaŋɛ kenishipereso na beeŋ ki mbra ashi efuli na kikɛ so; nɛ basa lubi malɛ e nya luwu be kasogberge.

Aizaaya 49:2

Mo e shin nɛ ma mmalga du fanɛ tokobi jiso ŋko ketanyembi pɛlpɛlbi. Mo e ta ma ŋ ŋana mo gbagba be enɔ be epun to.

Aizaaya 55:11

aloŋ nɛ ma kɔnɔ to be mmalga gba du. Kusɔ kama nɛ ŋ kaŋɛ, aloŋ gbagba e naa wora.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 23:29

Ma mmalga du fanɛ edɛgboŋ gboŋi nna nseŋ naa du fanɛ kebɛlso gbɛgbɛso nɛ k bee bure ajembu to.

Luuk 8:11

Ade be kaman nɛ Yesu naŋ kaŋɛ: “Kusɔ nɛ keŋasa na bee ŋini nde: Asɔ duuso na e la Ebɔrɛ be kamalga na.

Baru lela nɛ Jɔn kute na 12:48

Esa kama nɛ e bee kini ma a maa sɔ ma mmalga na kɔ esa nɛ e beeŋ ji mo demu. Mmalga nɛ m malga na gbagba e naaŋ ki amodoŋwura be demujipo lalaloge be kachɛ na.

Baru lela nɛ Jɔn kute na 6:51

Ma e la bodobodo nɛ k bee sa ŋkpa n shi ebɔrɛso na. Esa kama nɛ e we le be bodobodo ere beeŋ baa wɔtɔ mbaanaayɔ. Bodobodo mo nɛ meeŋ ta n sa basa na e la ma eyur ere nɛ ŋ kɔ a sa durnya nɛ k nya ŋkpa na.”

Ashuŋ Shunso 2:37

Basa na ka nu asɔ nɛ Pita malga na kikɛ nɛ bumo be ŋgbene kaa nɛ b bishi Pita nɛ mo braana beshuŋipoana na: “An kurgepoana, nuso nɛ anyeeŋ wora?”

Ashuŋ Shunso 4:31

B ka loge bumo be kabɔrɛkule na nɛ bumo be nshɛrkpa na kikɛ fara a gbuŋgbuŋ to nɛ Kiyoyu Cheeŋ na luri m bɔlɔ bumo kikɛ to nɛ b fara a bɔ Ebɔrɛ be kubɔya na kenyɛnso a sa basa.

Ashuŋ Shunso 5:33

Nshɛrwuraana na ka nu loŋ nɛ b nya agbo ga nseŋ yili kumo fanɛ baaŋ shin nɛ b mɔ beshuŋipo na.

Ashuŋ Shunso 7:38

Mosis koŋwule na nɛ Israɛlebi nɛ b daŋ shɛr kiyi to na e daa la ndoŋ. Mo nɛ an nanaana nɛ malaika nɛ e daŋ malga mo kutɔ ashi Sainai be kebee na so e daa la. Mo nɛ Ebɔrɛ daŋ ta mbe kubɔya nɛ k maŋ kɔ ekar na n sa nɛ e ba sa anyi.

Romebi 1:16

M maa wora baru lela na be anishinyɔr kikɛ, ŋkpal manɛ so, kumo so nɛ Ebɔrɛ bee bɔla a ŋini mbe eleŋ a mɔlga basa kama nɛ baa yirda na. Juwebi e nya kumo be loŋ be ekpa pɔɛŋ nseŋ ta nnyamase, bumo nɛ b maŋ la Juwebi na m bɛ so.

1 Kɔrintebi 1:24

Ama bumo, Juwebi nɛ Griikebi nɛ Ebɔrɛ tre na bre kikɛ, kubɔya na la Kristo mo nɛ e la Ebɔrɛ be eleŋ nɛ mbe kanyiasheŋ na nna.

2 Kɔrintebi 2:17

Anyi alɛ maŋ du fanɛ basa damta nɛ b kɔ Ebɔrɛ be kawɔl to na a fin kenya tɔnɔ ko n ji na nna. Anyi ere, Ebɔrɛ e shuŋi anyi, amoso, nfɛra niŋiso nɛ an kɔ a malga asheŋ Kristo be ketre to ashi Ebɔrɛ be anishito.

2 Kɔrintebi 4:2

Naniere, an yige wulo to be asheŋ nɛ anishinyɔr be ekpaana. Anyi maa ta kafule a wora asheŋ, anyi alɛ maa chɛrga Ebɔrɛ be kamalga na. Ama kashenteŋ nɛ an lara n dii efuli. Loŋ malɛ, ekama be nfɛra fɛso beeŋ ŋini mo fanɛ an walɛ nna ashi Ebɔrɛ be anishito.

Ɛfesesebi 5:13

Kusɔ kama malɛ nɛ kefulto na ba kumo to bee dii efuli nna nɛ basa bee wu kumo. Nɛ kusɔ kikɛ nɛ k bee dii efuli nɛ basa bee wu kumo ki kefulto be kusɔ.

Ɛfesesebi 5:26

E wora loŋ nna nɛ e ta asɔri na m bɔɔ Ebɔrɛ enɔ nseŋ bɔla Ebɔrɛ be kamalga so n fɔr kumo fanɛ kachubɛr na.

Ɛfesesebi 6:17

Men baa shin nɛ kumɔlga na e baa la menyeya a kuŋ menyi fanɛ kebɛlso be kekpaŋwuro nseŋ naa ta kiyoyu na be tokobi nɛ k la Ebɔrɛ be kamalga na gba a kɔ.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

Hibruwebi 13:7

Men baa nyiŋi menyi be benimuana nɛ b daŋ malga abɔrɛsheŋ n sa menyi na n fɛ kananɛ bumo be lalaloge be kebaawɔtɔ daŋ ba kaa du nsaa kute bumo be yirda na to.

Hibruwebi 6:5

B tea nyi kananɛ Ebɔrɛ be kamalga na walɛ n sa bumo nsaa nyi Ebɔrɛ be jemanɛ nɛ k bee ba na be eleŋ be asheŋ.

Jeems 1:18

Mo gbagba e yili kumo fanɛ e bɔla mbe kashenteŋ be kamalga na to n shin nɛ an ki mbe kepɔrso kikɛ be basa juŋkparso.

1 Pita 1:23

Ŋkpal manɛ so, b naŋ lɔŋɛ ŋ kurge menyi kela nyɔsopo nna, loŋ be kakurge na malɛ maŋ shi kusɔ nɛ k beeŋ tiŋ n jija to, ama Ebɔrɛ be kamalga mo nɛ k wɔtɔ saŋkikɛ a maŋ kɔ ekar na to nɛ b bɔla ŋ kurge menyi.

Kelaraŋŋini 1:16

E daa kɔ achɛkpabi ashunu nna mbe enɔjiso to nɛ tokobi jinnɔnyɔ jiso ko shi mbe kɔnɔ to n lar. Mbe anishiakpa malɛ daa kpa edɛ nna fanɛ epeŋi ka bee nyaŋɛ ga na.

Kelaraŋŋini 19:15

Ndoŋ nna nɛ tokobi jiso ko mo nɛ e beeŋ ta ŋ ŋe efuliana so ebi n nase lar mbe kɔnɔ to. E beeŋ ta kagbene kpakpaso n ji kuwura bumo so. Mo gbagba e naaŋ nyaŋ asɔ nɛ a wɔ Enyɛnpetale Ebɔrɛ be agbo be kusɔ nyaŋasɔrso na to.

Kelaraŋŋini 19:21

Kumo be kaman nɛ b ta tokobi mo nɛ k daŋ shi gbaŋɛ na be ediipo na be kɔnɔ to n lar m mɔ bumo nɛ b daŋ ka na kikɛ nɛ mbuibi ba ji bumo be eyurana m moɛ ŋ kini.

Kelaraŋŋini 2:16

Amoso, men lar loŋ be alubi na to, nɛ mannɛ aloŋ, m maaŋ chɛr nseŋ ba menyi kutɔ m ba ta ma kɔnɔ to be tokobi m ba kɔ bumo.

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.

Demujipoana 3:16

Ama pɔɛŋ nɛ Ehud yɔ na, e daŋ bɛl tokobi ji nnɔ nyɔ nna, nɛ kumo be nteŋ sa fanɛ keyadra koŋwule nɛ bargato, ŋ kre m mata mbe jisa be kebembi nseŋ buu piŋi n deŋi so.