Hibruwebi 4:10 - EBƆRƐ BE KAWƆL

¹⁰ Ŋkpal manɛ so, esa kama nɛ e luri Ebɔrɛ be kewushi to bee wushi ashi mo gbagba be ashuŋ to fanɛ kananɛ Ebɔrɛ daŋ wushi ashi mbe ashuŋ to na.

Hibruwebi 4:10 ပူးပေါင်းရင်းမြစ်များ

Jɛnesis 2:2

Kachɛ shunusopo na ka fo nɛ Ebɔrɛ loge mbe kushuŋ kikɛ, amoso kachɛ shunusopo na e wushi nna ashi ashuŋ nɛ e shuŋ na kikɛ nyam to.

Baru lela nɛ Jɔn kute na 19:30

Yesu ka pipe nsa nyannyanso na nɛ e kaŋɛ: “Asheŋ loge.” E ka kaŋɛ le ere n loge nɛ e kur mbe kumu n yuu nseŋ wu.

Hibruwebi 1:3

Ebi na nɛ Ebɔrɛ be kemaŋkura bɔla mo so n nyaŋɛ n dii efuli fanɛ kefulto na. Mo e la Ebɔrɛ be da be kaduli gbagba chap nsaa ta mbe kamalga nɛ k kɔ eleŋ ga na a kɔ durnya ere to. Mo alɛ ka daŋ kpra basa be alubi ashi bumo to n loge na, e ya chena ebɔrɛso Enyɛnpetale be jisoso nna, ebunyampo be kakpa.

Hibruwebi 10:12

Ama mo Yesu ere, sarga koŋwule pati nɛ e lara ŋkpal alubi so nɛ k bee kukwe a sa saŋkikɛ. Kumo be kaman nɛ e chena Ebɔrɛ be jisoso, ebunyampo be kakpa na.

Hibruwebi 4:9

Amoso, k bee ŋini fanɛ kewushi ko nɛ kachɛ shunusopo peya na kraa jo Ebɔrɛ be basa nna na.

Kelaraŋŋini 14:13

Ndoŋ nna nɛ n nu ebɔl ka shi ebɔrɛso ŋ kaŋɛ ma le: “Sibɛ le n nase: Kagbenefuli la bekama nɛ b wɔ Enyɛnpe to nseŋ wu naniere mbaanaayɔ na peya nna.” Nɛ Kiyoyu Cheeŋ na kaŋɛ: “Kashenteŋto, baaŋ wushi ashi bumo be kegben ere to, ŋkpal manɛ so, bumo be aworbi beeŋ ba bɛ bumo so n yɔ.”

Kelaraŋŋini 6:11

Ndoŋ nna nɛ b ta epiŋi fuful n sa bumo be ekama nseŋ kaŋɛ bumo fanɛ b baa kraa jo gbrɛ pɔɛŋ nɛ bumo braana anya nɛ bumo kurgepoana mo nɛ basa beeŋ mɔ fanɛ kananɛ b daŋ mɔ bumo alɛ gba na nyam e ya ba abar so.