Hibruwebi 3:9 - EBƆRƐ BE KAWƆL

⁹ Ebɔrɛ yɛ: Ndoŋ nɛ men nananyɛnana daŋ chɔ ma ŋ keni nseŋ daŋ wora ma ŋ keni na. Ama bumo alɛ daŋ wu kusɔ nɛ ma Ebɔrɛ daŋ wora nfɛ adena na kikɛ to.

Hibruwebi 3:9 ပူးပေါင်းရင်းမြစ်များ

Nshɛ 95:9

Asheŋ nɛ b daŋ wu Ebɔrɛ ka wora na kikɛ be kaman, b daŋ chɔ mo nseŋ wora mo ŋ keni ndoŋana nna.

Ɛksodɔs 19:4

‘Men wu kusɔ nɛ n daŋ wora Ijiptebi na nɛ kananɛ n daŋ ta menyi fanɛ kusore ka ta mo pibi a firgi na, m bar menyi ma kutɔ nfe.

Ɛksodɔs 20:22

Ndoŋ nna nɛ Enyɛnpe Ebɔrɛ kaŋɛ Mosis fanɛ e kaŋɛ Israɛlebi na le: “Menyi gbagba wu nseŋ nu kananɛ ma, Enyɛnpe Ebɔrɛ na malga n sa menyi ashi ebɔrɛso nna na.

Eemɔs 2:10

Ma e lara menyi ashi Ijipt be kasawule so dra dra na ŋ keta menyi n nite kiyi to nfɛ adena nseŋ sɔ Amɔriebi be kasawule n sa menyi.

Nɔmbɛs 14:33

Ŋkpal men ka maŋ kɔ yirda so, menyi be mbia beeŋ baa wɔ keshishɛrsawule ere so a kilgi to a ji awurfoŋ nfɛ adena hale nɛ menyi be esa lalalogesopo e wu.

Luuk 7:22

Amoso, le nɛ e daŋ kaŋɛ Jɔn be mbɔ na: “Men bɛta n ya kaŋɛ Jɔn asɔ nɛ men wu nɛ amo nɛ men nu ere be asheŋ fanɛ: Mee shin nɛ betanpo bee wu nɛ ebobi bee nite nɛ bebotipo bee nyalɛ so nɛ ekpawu bee nu nɛ bubuni bee tiŋi luwu to nɛ bebɔlpo malɛ bee nya a nu baru lela na be asheŋ.

Ashuŋ Shunso 13:8

Nɛ Elimas, ŋkilgiwura ere, Baa Jizes na be Griik tre be kifito e daa la loŋ na, ba kaa kuŋ bumo ekpa a fin kekuŋ gomena na ekpa nɛ e sa maŋ yirda Yesu.

Ashuŋ Shunso 7:36

Mo e daŋ juŋkpar bumo n wora emamachisheŋ nɛ kashenteŋ be etɔɔnɛsheŋ damta ashi Ijipt nɛ Teku Peper na to nɛ jemanɛ nɛ b daa wɔ kiyi to nfɛ adena na kikɛ.

Ditɛronɔmi 11:7

Kashenteŋto, menyi gbagba e wu asheŋgboŋ nɛ Enyɛnpe Ebɔrɛ na wora ere kikɛ kenishiso.

Ditɛronɔmi 29:2

Mosis tre Israɛl be basa na kikɛ nna n shɛr nseŋ kaŋɛ bumo le: Menyi gbagba daŋ wu kusɔ nɛ Enyɛnpe Ebɔrɛ na wora Ijipt be ewura nɛ mbe benimuana nɛ bekama nɛ b wɔ mbe efuli so na.

Ditɛronɔmi 4:3

Men gbagba wu kusɔ nɛ Enyɛnpe Ebɔrɛ na wora ashi kebeegboŋ nɛ baa tre Piyɔɔ na ase. E daŋ mur ekama nɛ e daŋ shuŋ kegbir nɛ baa tre Baal na nna ashi ndoŋ.

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 8:2

Men baa nyiŋi kananɛ Enyɛnpe menyi be Ebɔrɛ na juŋkpar menyi ashi keshishɛrsawule so be enite tenteŋ to nfɛ adena nɛ a choŋ ere kikɛ. E daa sha kepin nna fanɛ kashenteŋto nɛ menyee sha kewora mo kasonu nseŋ ta menyi be amu n to mo so a?

Ditɛronɔmi 8:4

Kumo be kaman, menyi be asɔbuuso maŋ wu ŋko men nite nɛ menyi be aya tin tin nfɛ adena nɛ a choŋ ere kikɛ.

Joshuwa 23:3

Menyi kikɛ wu kusɔ nɛ Enyɛnpe menyi be Ebɔrɛ na wora efuliana na ŋkpal menyi so. Enyɛnpe Ebɔrɛ na e kɔ n sa menyi.

Joshuwa 24:7

b shu ŋ ŋini ma fanɛ n chɛ bumo to. Nɛ n ta tentembiri n wɔtɔ bumo nɛ Ijiptebi na be kefɛato nseŋ shin nɛ teku na ba mur Ijiptebi na kikɛ. Menyi gbagba ere wu kusɔ nɛ n wora Ijiptebi na. Kumo be kaman nɛ men daŋ chena keshishɛrsawule so n chɛr ga.

Joshuwa 5:6

Bumo be bekama nɛ b daŋ fo kena be kekɔ saŋɛ so nɛ Israɛlebi na daŋ lar Ijipt be kasawule so a na keshishɛrsawule na so nfɛ adena na bre kikɛ daŋ wu nna ŋkpal b ka maŋ wora Enyɛnpe Ebɔrɛ na kasonu so. Loŋ koŋwule na nɛ bumo nananyɛnana daŋ ta kusoe kpakpaso m paŋ kasawule lela nɛ Enyɛnpe Ebɔrɛ nase kɔnɔ fanɛ e beeŋ sa bumo na.