Hibruwebi 3:15 - EBƆRƐ BE KAWƆL

¹⁵ Kumo alɛ nɛ men teŋ nu na fanɛ: “Men baŋ nu Ebɔrɛ be ebɔl kabre, men sa maŋ wora menyi be ŋgbene kpakpa fanɛ kananɛ b daŋ koso saŋko a kɔ Ebɔrɛ be eleŋ na.”

Hibruwebi 3:15 ပူးပေါင်းရင်းမြစ်များ

Nshɛ 95:7

Mo e la anyi be Ebɔrɛ, nɛ anyi alɛ la mbe basa. An du fanɛ mbe mbolpɔ nɛ e bee keni so nna. Men baŋ nu mbe ebɔl kabre,

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 10:38

Ama ma basa nɛ b maŋ kɔ alubi ashi ma, Ebɔrɛ be anishito na bre beeŋ baa kɔ yirda a wɔtɔ. Ama nɛ bumo be ekama baŋ laŋɛ kaman bre, amodoŋwura be asheŋ maaŋ par ma.”

Hibruwebi 4:7

Amoso, e naŋ yili kachako n tre kumo kabre. Kumo be kaman pɔɛŋ nɛ e naŋ ba bɔla Ewura Deevid so ŋ kaŋɛ kesheŋ nɛ an teŋ kraŋ fanɛ: “Kabre nɛ men baŋ nu Ebɔrɛ be ebɔl, men sa maŋ wora menyi be amu kpakpa na.”