Hibruwebi 3:14 - EBƆRƐ BE KAWƆL

¹⁴ Ŋkpal manɛ so, nɛ an baa kɔ anyi be sososo be tama na to kpakpa n ya fo ekar, kumo ere anyi nɛ Kristo e kɔ kachige koŋwule.

Hibruwebi 3:14 ပူးပေါင်းရင်းမြစ်များ

Romebi 11:17

B ka fɛta ɔlifs be kedibi fɛaso be keyabi nɛ k bee nya kekeni nseŋ ta menyi nɛ men du fanɛ ɔlifs be kukɔrbua n yuu n chɔga ɔlifs be kedibi na so nɛ menyee nu kedibi na be ebel ere,

Romebi 11:22

To, loŋ e daga men ka keni m pin kananɛ Ebɔrɛ be kelela nɛ mbe nyaŋnyaŋ du. E ŋini basa nɛ b foe kashenteŋ be ekpa na so na kananɛ e du nyaŋnyaŋ nseŋ ŋini menyi alɛ mbe kelela nɛ men kraŋ baa wɔ mbe kelela na to nna na. Nɛ mannɛ aloŋ, e beeŋ ku menyi n lɛ fanɛ kananɛ e daŋ ku ayabi gbagba na n lɛ na.

1 Kɔrintebi 1:30

Mo nawule e shin nɛ menyi nɛ Kristo Yesu ba ki kukoŋwule, mo alɛ e shin nɛ Kristo shin nɛ an pin kanyiasheŋ gbagba. Kristo na malɛ gba so e shin nɛ Ebɔrɛ bee ta anyi fanɛ basa niŋiso nɛ basa cheembi, basa nɛ b fɔr so n nyalɛ so nɛ b nya kumɔlga.

1 Kɔrintebi 10:17

Bodobodo na bee kaa la kukoŋwule nna nɛ anyi basa damta bee tu abar a we kumo, amoso, an la eyur koŋwule to ebi nna.

1 Kɔrintebi 9:23

Mee wora asheŋ ere kikɛ nna ŋkpal baru lela na so so, saŋɛ na so, ma alɛ gba beeŋ nya kumo be enɛfa na be ako.

Ɛfesesebi 3:6

Wulo na nde fanɛ baru lela na so nɛ nnyamase nɛ Juwebi kikɛ beeŋ gama n nya Ebɔrɛ be enɛfa na. B la eyur koŋwule to be mba nna ŋ gama a kɔ Ebɔrɛ be nnɔ naseso nɛ Ebɔrɛ bɔla Kristo Yesu so n nase na.

Ditɛronɔmi 1:35

‘Menyi ere be kekurgeto be basa lubi ere be esa koŋwule gba maaŋ yɔ kasawule lela nɛ n nase kɔnɔ fanɛ meeŋ ta n sa men nananyɛnana na so kikɛ.

1 Timoti 6:2

Anya nɛ bumo nyɛnpeana la beyirdapo e sa maŋ kpal b ka la bumo to ebi so a fɛl bumo. Bumo e daga fanɛ b bugi kagbene n shuŋ gba nɛnɛ, ŋkpal manɛ so, beyirdapo nɛ beshapo e naa ji bumo be kushuŋ be tɔnɔ. Ŋini basa asheŋ ere kikɛ nseŋ leŋ bumo to nɛ b bɛ amo so.

Hibruwebi 11:1

To, manɛ e la yirda? Yirda la kebaanyi geeŋ fanɛ anyeeŋ nya asɔ nɛ anyee tama na nseŋ naa nyi fanɛ asɔ nɛ anyi maaŋ tiŋ n wu kenishiso na kikɛ wɔtɔ nna kashenteŋto.

Hibruwebi 12:10

An tuto kurgesoana daŋ niŋi n niŋi anyi ekpaana kananɛ b daa fɛ fanɛ k walɛ nɛnɛ n sa bumo nchɛnnyɔ ko nna, ama Ebɔrɛ bre bee niŋi anyi ekpa nna ŋkpal anyi gbagba be kechɛto so, saŋɛ na so nɛ an tiŋ n tu mo n nya mbe kebaawɔtɔ cheembi na.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 3:6

Ama Kristo bre bugi kagbene nna fanɛ Ebɔrɛ Pibinyɛn a keni Ebɔrɛ be kowu to ebi so. Nɛ anyi alɛ baa kɔ anyi be kenyɛn na nɛ tama nɛ anyee puchi kumo so na to kpakpa, kumo ere an la Ebɔrɛ na be kowu to ebi nna na.

Hibruwebi 6:11

To, loŋ gbagba na nɛ anyee sha fanɛ menyi be ekama e baa kraa pere kenishi a du n ya fo ekar na, saŋɛ na so, asɔ nɛ menyee tama na beeŋ bɔla ekpa.

Hibruwebi 6:4

Ama basa nɛ b daŋ bar kefulto na to nɛ b ba ji ebɔrɛso be kakɛ na be ebel ŋ keni na nseŋ nya bumo be kachige ashi Kiyoyu Cheeŋ na to pɔɛŋ nseŋ foe ekpa na bre be kenaŋ bɛta m ba Ebɔrɛ kutɔ maaŋ tiŋ n wora kikɛ.

1 Pita 4:13

Ama men shin nɛ men be ŋgbene e baa fuli menyi parr fanɛ men ka bee ji Yesu be tɔrɔ na be ako, saŋɛ na so men be ŋgbene beeŋ fuli menyi saŋɛ nɛ mbe kemaŋkura beeŋ lar efuli na.

1 Pita 5:1

To, naniere a ka menyi to be bejuŋkparpo nɛ b du fanɛ kananɛ ma alɛ gba la men barkasa ejuŋkparpo ere nsaa la esa nɛ n la Kristo be tɔrɔ be shɛdajipo nseŋ naa la esa nɛ meeŋ tu bumo nɛ baaŋ nya kemaŋkura na saŋɛ nɛ k lar efuli na.

1 Jɔn 1:3

Asɔ nɛ an wu nseŋ nu nɛ anyee ta a kaŋɛ menyi alɛ gba na, saŋɛ na so menyeeŋ tu anyi a wɔ kɔnɔkoŋwule be kebaawɔtɔ mo nɛ anyi nɛ Etuto Ebɔrɛ nɛ mo Pibinyɛn Yesu Kristo kɔ na to.