Hibruwebi 3:12 - EBƆRƐ BE KAWƆL

¹² Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.

Hibruwebi 3:12 ပူးပေါင်းရင်းမြစ်များ

Jɛnesis 8:21

Enyɛnpe na ka nu sarga na be efɛa belbelso na nɛ e kaŋɛ mbe kumu le: “N nyi fanɛ dimɛdi be kebia to kikɛ mbe nfɛra fɛso lubi, ama m maaŋ naŋ kpal dimɛdi so n sho kasawule ere kɔnɔ kikɛ. Ma alɛ maaŋ naŋ mur asɔ futeso fanɛ kananɛ n wora ere kikɛ.

Job be kawɔl 21:14

Ama le nɛ basa lubi na bee kaŋɛ Enyɛnpetale Ebɔrɛ na: ‘Yige anyi! Anyi maa sha kepin fo aparsheŋ.

Job be kawɔl 22:17

Alubiworapo na daŋ kini Enyɛnpetale Ebɔrɛ na nna, a fɛ fanɛ e maŋ tiŋ n wora bumo shɛŋ.

Nshɛ 18:21

Ŋkpal manɛ so, Enyɛnpe Ebɔrɛ na be ekpa so nɛ m bɛ. Ma alɛ maŋ naŋ wora kulubi nseŋ pal kaman n sa mo.

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Aizaaya 59:13

An lar fo kaman nseŋ kini fo a maa shuŋ fo. Anyi alɛ kɔrfɛ beko ga nseŋ shile fo. Anyi be nfɛra fɛso gba la kafulesheŋ nna nɛ anyi be mmalga malɛ maŋ la kashenteŋ.

Jɛremaya 11:8

Ama b maŋ wora ma kasonu. Kusɔ nɛ b wora e la fanɛ, bumo be ekama kraa wɔ bumo be kagbene kpakpaso to nna a wora asheŋ lubi. N daŋ kaŋɛ bumo kenishipereso nna fanɛ b baa bɛ kɔnɔkoŋwule be ŋkre na so, ama b kini kebɛ kumo so. Amoso nɛ n shin nɛ kasogberge nɛ e wɔ kumo to na ba bumo so na.”

Jɛremaya 16:12

Ama menyi ere wora asheŋ lubi nɛ a chɔ men nananyɛnana peya. Menyi kikɛ be ŋgbene du kpakpa nna nseŋ lubi. Menyi alɛ maa nu a sa ma.

Jɛremaya 17:5

Kumo be kaman nɛ Enyɛnpe Ebɔrɛ na kaŋɛ le: “Meeŋ shoduu bekama nɛ b pal kaman n sa ma nseŋ ta bumo be yirda n deŋi edimɛdi nɛ bumo be eleŋ so.

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 18:12

Ama baaŋ kaŋɛ le: ‘Ayai, manɛ so nɛ anyee yige kumo? Anyi kikɛ kraa beeŋ baa wɔ ŋgbene kpakpaso to nsaa wora asheŋ lubi kananɛ anyee sha.’ ”

Jɛremaya 2:13

Ŋkpal manɛ so, ma basa wora kulubi ekpa ntuŋnyɔ so. B kini ma nseŋ shile ma nɛ mee sa ŋkpa na be nchu nna, nseŋ ya kur amaŋ nɛ nchu maa yili amo to a chɛr a fin nchu.

Jɛremaya 3:17

Jemanɛ na kaŋ fo, Jerusalɛm be kadegboŋ na beeŋ baa la Enyɛnpe Ebɔrɛ na be Kuwurputiakpa, nɛ efuli pɔtɛana na so be basa kikɛ e baa kaa gama ndoŋ a shuŋ ma. B maaŋ naa wora asheŋ lubi nɛ e wɔ bumo be ŋgbene kpakpaso to na.”

Jɛremaya 7:24

Ama b daa maŋ nu n sa ma. Kusɔ nɛ bumo be ŋgbene kpakpaso kaŋɛ bumo nɛ b daa wora, nɛ kumo be loŋ shin nɛ bumo be kebaawɔtɔ jija n ti so.

Ezikɛl 14:5

Loŋ e naŋ shin nɛ Israɛl be basa nɛ b kini ma nseŋ ta bumo be ŋgbene n wɔtɔ kagbirshuŋ to na e kini agbirana na nseŋ bɛta m ba ma kutɔ.

Hoziya 1:2

Enyɛnpe Ebɔrɛ ka daŋ fara nɛ e bɔla Hoziya so m malga n sa Israɛlebi na, le nɛ e daŋ kaŋɛ: “Ya ta sakaleche nɛ mo nɛ mbe mbia maaŋ baa ji kashenteŋ a sa fo. Kumo be loŋ e naaŋ ŋini kananɛ ma basa Israɛlebi kute n lar ma kaman.”

Matiu 16:16

Nɛ Saimɔn Pita kaŋɛ: “Fo e la Kristo, Ebɔrɛ nɛ e wɔ ŋkpa to Pibinyɛn na.”

Matiu 24:4

Nɛ Yesu kaŋɛ bumo le: “Men baa da so nɛ esa kikɛ e sa maŋ fule menyi.

Maak 13:23

To, n wule ŋ kaŋɛ menyi asheŋ na kikɛ n yili nna na, men baa da so.

Maak 13:33

Men nu nɛnɛ nsaa de so, ŋkpal manɛ so, menyi maŋ nyi jemanɛ nɛ saŋɛ na beeŋ fo.

Maak 13:9

Men baa de menyi be amu so, ŋkpal manɛ so, basa beeŋ pɛ menyi n yɔ demujikpa n ya kuya menyi so ashi nshɛrbuana to. Baaŋ shin nɛ men yili bewurbi nɛ bewurgboŋ be anishito ŋkpal ma so nɛ men ji ma asheŋ be shɛda n sa bumo.

Luuk 21:8

Nɛ e kaŋɛ bumo le: “Men baa da so nɛ esa kikɛ e sa maŋ fule menyi, ŋkpal manɛ so, basa damta beeŋ ba kaa kɔ ma ketre a na a kaŋɛ le: ‘Ma e la mo!’ ŋko ‘Jemanɛ na fo!’ Men sa maŋ bɛ bumo so.

Romebi 11:21

Ŋkpal manɛ so, Ebɔrɛ ka baa maŋ yige m paŋ Juwebi nɛ b du fanɛ ayabi gbagba na, e maaŋ yige m paŋ menyi alɛ gba.

1 Kɔrintebi 10:12

Amoso, ekama nɛ e bee fɛ fanɛ e yil kpakpa na e baa da so nsaa maŋ kaŋ tɔr.

Kɔlɔsiebi 2:8

Men baa da so nɛ ekama e sa maŋ kaŋ ta efɛ nɛ kanyiasheŋ fuloŋ n fule menyi m bɛ mbe kumu so, kumo e la fanɛ nyiŋgbasa be edaŋkaresheŋ nɛ a maŋ kɔ shɛŋ nsaa la sososo be asɔ ŋiniso na nɛ a maŋ shi Yesu Kristo na kutɔ na,

1 Tɛsalɔnikaebi 1:9

Le be basa ere malɛ kikɛ bee kaa malga kananɛ men daŋ sɔ anyi saŋɛ nɛ an daŋ bɔɔ menyi so na be asheŋ nɛ kananɛ men yige agbir nsaa bɛ kashenteŋ nɛ ŋkpa be Ebɔrɛ na so a wɔtɔ a jo mo Pibi Yesu

Hibruwebi 10:31

Kashenteŋto, shɛŋ shɛŋ maŋ naŋ lubi a chɔ esa be ketɔr Ebɔrɛ nɛ e wɔ ŋkpa to na be enɔ to kikɛ.

Hibruwebi 10:38

Ama ma basa nɛ b maŋ kɔ alubi ashi ma, Ebɔrɛ be anishito na bre beeŋ baa kɔ yirda a wɔtɔ. Ama nɛ bumo be ekama baŋ laŋɛ kaman bre, amodoŋwura be asheŋ maaŋ par ma.”

Hibruwebi 12:15

Men baa de so nɛ ekama e sa maŋ kaŋ lar Ebɔrɛ be kuwɔr be kakɛ na to nseŋ naa de so nɛ kekishi be nfɛra kama e sa maŋ luri menyi to n wul basa damta to n jija bumo be kebaawɔtɔ.

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Hibruwebi 12:25

Men baa de so nsaa maŋ kaŋ kini kenu esa nɛ e bee malga na be mmalga na. Basa nɛ b daŋ kini kenu durnya ere to be ebɔl nɛ k daŋ fiɛ bumo so na daa maŋ tiŋ ŋ gelge bumo be kasogberge. Nɛ ebɔl ka shi ebɔrɛso ba fiɛ anyi ere so nɛ an kini kenu, nuso nɛ anyeeŋ wora ŋ gelge kumo be kasogberge!

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 3:10

Amoso nɛ n daŋ nya agbo n wɔtɔ bumo saŋɛ na ebi nseŋ kaŋɛ le na fanɛ: ‘Saŋɛ na kikɛ bumo be ŋgbene bee foe ekpa nna nɛ b maa pin ma ekpaana be asheŋ.’

Hibruwebi 3:19

To, an wu fanɛ b ka daa maŋ tiŋ n luri Ebɔrɛ be kewushi na to na yirda nɛ b daa maŋ kɔ so.

Hibruwebi 9:14

kumo ere, kusɔ nɛ Yesu be ŋklaŋ na bre beeŋ tiŋ n wora shi pasaa. Ŋkpal manɛ so, e bɔla Kiyoyu nɛ e wɔ ŋkpa to saŋkama na so nna n ta mo gbagba be kumu nɛ k maŋ kɔ kulubi kikɛ na n lara sarga n sa Ebɔrɛ. Mbe ŋklaŋ na e naa fɔr anyi be ŋgbeneana to be nfɛra fɛsoana ashi amo be aworbi jiga to na, saŋɛ na so anyeeŋ tiŋ n shuŋ Ebɔrɛ nɛ e wɔ ŋkpa to na.