Hibruwebi 2:17 - EBƆRƐ BE KAWƆL

¹⁷ Ŋkpal le malɛ so, a daga fanɛ mo gbagba e ki fanɛ mo niopibiana ashi ekpa kama so, saŋɛ na so, e beeŋ baa la bumo be kuwɔrwupo be bɔrɛmatapo nɛ basa beeŋ tiŋ n yirda ashi Ebɔrɛ be anishito. Nɛ mo alɛ wora loŋ, basa beeŋ nya bumo be alubi be ketampaŋ bumo.

Hibruwebi 2:17 ပူးပေါင်းရင်းမြစ်များ

2 Kronikɛls 29:24

Kumo be kaman nɛ bɔrɛmatapoana na mɔ mboe na nseŋ chulgi amo be ŋklaŋ n wurge bɔrɛsure na so fanɛ alubi be ketampaŋ be sarga, ŋkpal manɛ so, ewura na kaŋɛ nna fanɛ b ta amo n lara Israɛl be efuli so ebi kikɛ be sarga chɔɔso nɛ alubi be ketampaŋ be sarga.

Aizaaya 11:5

Kashenteŋji nɛ keji asheŋ nɛ amo be ekpa so nɛ e beeŋ ta n ji kuwura mbe basa so.

Ezikɛl 45:15

Ade be kaman, a daga fanɛ men keni men be mbolpɔ alfa anyɔ kikɛ to n lara ekoŋwule n sa ma. Menyeeŋ ta ŋkɛana ere n lara ayu be esarga nɛ esarga chɔɔso nɛ kɔnɔkoŋwule be esarga n sa ma saŋɛ na so ma, Enyɛnpe Ebɔrɛ na be kagbene beeŋ fuli amo so nɛ n ta ma basa be alubi m paŋ bumo.

Ezikɛl 45:17

Mo e daga fanɛ e yili Israɛl be efuli na kikɛ be katelamu n lara asɔbɔya nɛ baaŋ ta n lara esarga chɔɔso nɛ baaŋ ta n lara ayu be esarga nɛ yabra belbelso be esarga na kikɛ jemanɛ nɛ baa ji Kufɔl Popɔr be Kachɛgboŋ nɛ Kewushiachɛ na nɛ nchɛgboŋ nɛ a ka na kikɛ na. Mo koŋwule na e daga fanɛ e lara asɔbɔya nɛ b ta n lara alubi nɛ ayu nɛ sarga chɔɔso nɛ kɔnɔkoŋwule be esarga nɛ e kpra Israɛl be basa be alubi.”

Ezikɛl 45:20

Kumo be kaman nɛ men naŋ wora loŋ gbagba kufɔl na be kachɛ shunusopo na, saŋɛ na so nɛ esa ko nɛ e maŋ kute ŋko e maŋ nyi nseŋ wora kulubi beeŋ nya mbe alubi be ketampaŋ. Kananɛ menyeeŋ wora nɛ ma bɔrɛlambu e baa du cheembi nna na.

Danɛl 9:24

Nfɛ adushushunu be ntuŋ shunu e naŋ fo pɔɛŋ nɛ Ebɔrɛ e mɔlga fo basa nɛ kadegboŋ cheembi na ashi kulubi to. Baaŋ nya alubi be ketampaŋ nsaa ji asheŋ nɛ amo be ekpa so mbaanaayɔ; saŋɛ na so bɔrɛdare na nɛ kewuŋkaŋɛ na beeŋ bɔlɔ so kashenteŋto nɛ b naŋ laŋɛ n ta bɔrɛlambu cheembi na m bɔɔ Ebɔrɛ enɔ.

Levitikɔs 14:18

Bɔrɛmatapo na kaŋ loge, e beeŋ ta ŋku nɛ a ka mbe enɔ to na ŋ gbiti esa nɛ baa sha e nyalɛ so na be kumu to nseŋ ta asɔbɔya anyɔ nɛ b ka na be ako n lara kulubi be sarga nɛ ayu be sargajibi nɛ k bee par Enyɛnpe Ebɔrɛ na. Kananɛ e beeŋ wora nɛ esa na e nyalɛ so nna na.

Levitikɔs 16:16

Kananɛ e beeŋ wora nɛ acheembiana to be kakpa cheembi na e nyalɛ so ŋkpal Israɛl be basa na be eyurpisheŋ nɛ alubi nɛ b wora na so nna na. Aloŋ e daga fanɛ e wora wajɛbu na gba, ŋkpal manɛ so, k wɔ keeyi nɛ bumo be eyurpisheŋ wɔ kumo to na be nferinto nna.

Levitikɔs 6:30

Ama kulubi be sarga be kusɔbɔya kama nɛ b ta kumo be ŋklaŋ nɛ b ta n luri wajɛbu na to n ya kule ketampaŋ ashi kakpa cheembi na bre maŋ daga keji. A daga b chɔɔ kumo nna m mur.”

Levitikɔs 8:15

Kumo be kaman nɛ Mosis mɔ kumo n suse ŋklaŋ na nseŋ ta mbe keshilbi n nyɔ amo to n do n do bɔrɛsure na be alambɛ ana na be nnɔso so nɛ k ki cheembi. Kumo be kaman nɛ e chulgi ŋklaŋ nɛ a ka na n wurge bɔrɛsure na be kaseto. Kananɛ e wora nɛ bɔrɛsure na ki cheembi nɛ b baa lara kulubi be esarga kumo so nna na.

Nɔmbɛs 15:25

Nɛ bɔrɛmatapo na e kule alubi be ketampaŋ n sa kade na to ebi kikɛ nɛ n ta m paŋ bumo ŋkpal b ka maŋ kute n wora kulubi na nseŋ lara alubi be sarga n sa ma Enyɛnpe Ebɔrɛ na so.

Romebi 15:17

Ŋkpal kɔnɔkoŋwule nɛ k wɔ ma nɛ Kristo Yesu be kefɛato so mee puchi nna ŋkpal ŋ ka bee shuŋ Ebɔrɛ so.

Romebi 5:10

An daa la Ebɔrɛ mo doŋana nna, ama e bɔla mo Pibinyɛn Kristo be luwu na so n shin nɛ anyi nɛ mo naŋ nyalɛ. To, nɛ naniere anyi nɛ mo ka nyalɛ ere bre nɛ e maaŋ bɔla Kristo be ŋkpa na so m mɔlga anyi kachako a?

Ɛfesesebi 2:16

Loŋ na basa anyɔ na beeŋ ki basa koŋwule nɛ bumo nɛ Ebɔrɛ malɛ e nyalɛ ŋkpal kedibi largato na so, saŋɛ na so malɛ e beeŋ shin nɛ kebarga to na e loge.

Kɔlɔsiebi 1:21

Saŋɛ na menyi nɛ Ebɔrɛ daŋ barga abar nna nɛ men daa la mo doŋana, ŋkpal men be nfɛra nɛ asheŋ lubi so.

Hibruwebi 10:21

Amoso, kananɛ an kɔ bɔrɛmatapogboŋ nɛ e bee keni Ebɔrɛ be kowu so ere,

Hibruwebi 2:11

Basa nɛ b lara nɛ b ki Ebɔrɛ be basa na nɛ bumo be elarapo Yesu kikɛ shi kanaŋ koŋwule to nna. Amoso nɛ ketre bumo mo niopibiana maa wora mo anishinyɔr na.

Hibruwebi 2:14

Kumo alɛ ŋkpal basa na ka kɔ dimɛdi be eyur nɛ ŋklaŋ na so mo gbagba sɔ bumo be kapɔr koŋwule na nna, saŋɛ na so e beeŋ bɔla luwu to m mur esa nɛ e kɔ luwu be eleŋ na. Mo e la Setani na.

Hibruwebi 2:16

Ŋkpal manɛ so, k baŋ fuli nna geeŋ fanɛ mannɛ emalaika nɛ e bee chɛ to, Eebraham mo nanabiana nɛ e bee chɛ to.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 3:2

E daa maŋ lar esa nɛ e shuŋi mo na kaman fanɛ kananɛ anebi Mosis daŋ bugi kagbene n shuŋ Ebɔrɛ be kowu to ebi kikɛ na.

Hibruwebi 3:5

Kashenteŋ nna fanɛ anebi Mosis ka daa maŋ lar Ebɔrɛ kaman fanɛ kayɛrbi ashi Ebɔrɛ be kowu to ebi kikɛ to nseŋ daa ji asheŋ nɛ a beeŋ wora kachako so be shɛda na.

Hibruwebi 4:14

An ka kɔ bɔrɛmatapo nimuso nɛ baa tre mo Yesu, Ebɔrɛ Pibinyɛn, nɛ e yɔ Ebɔrɛ gbagba be anishito na so, men shin nɛ an baa kɔ anyi be yirda nɛ anyee ji kumo be shɛda na be asheŋ to kpakpa.

Hibruwebi 4:15

Ŋkpal manɛ so, mannɛ fanɛ anyi be bɔrɛmatapo nimuso na la esa nɛ e maa wu anyi be asheŋ gbenso kuwɔr nna, ama e la esa nɛ e luri kechɔŋkeni kama to nna n lar fanɛ kananɛ anyi alɛ gba bee luri amo to na. Ama mo ere maŋ wora kulubi kikɛ.

Hibruwebi 5:1

Bɔrɛmatapo nimuso kikɛ, mo braana edimɛdi to nɛ baa lara mo nɛ e bee yili bumo be katelamu to a shuŋ Ebɔrɛ nsaa bar Ebɔrɛ ŋkɛana nɛ esarga ŋkpal alubiana so.

Hibruwebi 5:10

Nɛ Ebɔrɛ malɛ ta mo ŋ ki bɔrɛmatapo nimuso ashi Mɛlkizedɛk be ekpa so.

Hibruwebi 5:2

Ŋkpal asheŋ ka bee gben mo alɛ gba ashi ekpa damtaana to so e nyi kananɛ e beeŋ ta kanyiti a keni bumo nɛ b maŋ nyi nɛ basa mo nɛ baa foe na so.

Hibruwebi 5:5

To, loŋ nɛ Kristo gba daa maŋ ta bɔrɛmatapo nimuso be keki na be bunyaŋ n sa mbe kumu. Ebɔrɛ nɛ e daŋ kaŋɛ mo fanɛ: “M Pibinyɛn e la fo, amoso, kabre ŋ ki fo Tuto”

Hibruwebi 6:20

Ndoŋ nɛ Kristo kpal anyi so n juŋkpar anyi n ya kaa wɔ na. Mo koŋwule na e ki bɔrɛmatapo nimuso ashi Mɛlkizedɛk be ekpa so.

Hibruwebi 7:26

Amoso, mo e la bɔrɛmatapo nimuso nɛ e beeŋ tiŋ ŋ keni anyi be asheŋ to nɛnɛ n sa anyi. Mo e du cheembi nɛ shɛŋ maŋ gbiti mo, kulubi kama malɛ maŋ wɔ mo to. Ebɔrɛ lara mo nna nɛ e maŋ wɔ alubiworapoana to nseŋ maŋ mo so n yɔ esoso a chɔ awɔlpa so.

Hibruwebi 7:28

Basa nɛ asheŋ ere gben bumo nɛ mbra na bre daa lara nɛ baa ki bɔrɛmatapo nimusoana. Ebɔrɛ be ntaŋ nɛ k bɛ mbra na so m ba na bre lara Ebinyɛn nɛ e ki cheembi mbaanaayɔ na nna.

Hibruwebi 8:1

Kusɔ nɛ anyee malga ere kikɛ nde fanɛ an kɔ bɔrɛmatapo nimuso mo nɛ e chena Ebɔrɛ be jisoso ashi mbe kemaŋkuragboŋ be kuwurputi ase ebɔrɛso.

Hibruwebi 8:3

Bɔrɛmatapo nimuso kikɛ, baa lara mo nna nɛ e baa ta ŋkɛana a bar Ebɔrɛ nsaa lara esarga Ebɔrɛ be anishito. Amoso, k daŋ daga fanɛ anyi be bɔrɛmatapo nimuso na gba ka daŋ ta kusɔ ko n lara sarga.

Hibruwebi 9:11

Ama naniere bre Kristo ki alelasheŋ nɛ a ba na be bɔrɛmatapo nimuso nna. E bɔla lambu nɛ k shibi a chɔ wajɛlambu dra na to nna m ba. Kede bre, mannɛ nyiŋgbasa e pɔr kumo, kumo e la fanɛ mannɛ durnya ere to be kusɔ e la kumo.