Hibruwebi 2:12 - EBƆRƐ BE KAWƆL

¹² Loŋ malɛ so e shin nɛ e kaŋɛ fanɛ: “Ebɔrɛ, meeŋ malga fo asheŋ n sa n niopibiana, nseŋ di fo epaŋ ashi nshɛr to ebi na kikɛ be anishito.”

Hibruwebi 2:12 ပူးပေါင်းရင်းမြစ်များ

Nshɛ 111:1

Meeŋ kpaŋ Enyɛnpe Ebɔrɛ na ashi ma kagbene to. Ma alɛ beeŋ di mo epaŋ ashi mbe basa be nshɛr to.

Nshɛ 22:22

Meeŋ kaŋɛ ma basa kusɔ nɛ fo wora; nseŋ yili fo basa nɛ b shɛr to n fur fo.

Nshɛ 22:25

Saŋɛ nɛ ma nɛ fo basa shɛr na, nɛ meeŋ fur fo ŋkpal kusɔ nɛ fo wora so; nseŋ tia nnɔ nɛ n nase n sa fo na ashi bumo be anishito.

Nshɛ 40:10

M maŋ ta fo kumɔlga be asheŋ na n wɔtɔ n nawule be kagbene to nna na. Ŋ ji fo kumɔlga nɛ fo kashenteŋji nɛ fo kasha nɛ k maa chɛrga na be asheŋ be shɛda nna ashi fo basa be nshɛrgboŋ to.

Baru lela nɛ Jɔn kute na 18:20

Nɛ Yesu kaŋɛ mo: “N daa bugi to a malga nna a sa ekama. Nshɛrbuana na to ŋko bɔrɛlambu na to, kakpa nɛ Juwebi kikɛ bee kaa shɛr na nɛ n daa malga saŋkikɛ, n daa maa malga shɛŋ wulo to kikɛ.

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.