Hibruwebi 13:7 - EBƆRƐ BE KAWƆL

⁷ Men baa nyiŋi menyi be benimuana nɛ b daŋ malga abɔrɛsheŋ n sa menyi na n fɛ kananɛ bumo be lalaloge be kebaawɔtɔ daŋ ba kaa du nsaa kute bumo be yirda na to.

Hibruwebi 13:7 ပူးပေါင်းရင်းမြစ်များ

Sɔlɔmɔn 1:8

Beche to be kebita, nɛ fo maŋ nyi ndoŋ gba fo bɛ mbolpɔ na be aya so. Keta fo mboebi n yɔ kejito a mata mbolpɔkpapoana na be ewajɛbu na ase.

Matiu 24:45

Nɛ Yesu bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 12:42

Nɛ Enyɛnpe na bishi bumo: “Esa mo e la kenya nyiashempo nɛ e maŋ kɔ kebirkɔnshi, emo nɛ mo nyɛnpe na beeŋ shin nɛ e baa keni mbe anya kikɛ so nsaa sa bumo bumo be ajibi saŋɛ nɛ a daga na?

Luuk 5:1

Kachako Yesu ka yil Gɛnɛsarɛt be kepagboŋ na ase nɛ basa mel abar m buu mo so nɛ b nu Ebɔrɛ be kubɔya na

Luuk 8:11

Ade be kaman nɛ Yesu naŋ kaŋɛ: “Kusɔ nɛ keŋasa na bee ŋini nde: Asɔ duuso na e la Ebɔrɛ be kamalga na.

Ashuŋ Shunso 13:46

Ama Pɔɔl nɛ Baanabas daŋ kplaŋ bumo so nna nsaa malga kenyɛnso a kaŋɛ: “Menyi nɛ b daŋ yili kumo fanɛ b fara m malga Ebɔrɛ be kamalga na n sa, ama men ka kini kumo nsaa ta menyi be amu fanɛ men maŋ daga Ebɔrɛ be ŋkpa nɛ k maŋ kɔ ekar na bre so, anyeeŋ yige menyi nseŋ yɔ nnyamase kutɔ.

Ashuŋ Shunso 14:23

Asɔri kama to, b daa lara benimu nna a sa kumo to be basa nseŋ daa ta kabɔrɛkule nɛ ekishi a ta basa na kikɛ a bɔɔ Enyɛnpe nɛ bumo be yirda daa wɔ so na enɔ.

Ashuŋ Shunso 4:31

B ka loge bumo be kabɔrɛkule na nɛ bumo be nshɛrkpa na kikɛ fara a gbuŋgbuŋ to nɛ Kiyoyu Cheeŋ na luri m bɔlɔ bumo kikɛ to nɛ b fara a bɔ Ebɔrɛ be kubɔya na kenyɛnso a sa basa.

Romebi 10:17

Amoso, yirda bee shi kubɔya na be kenu to nna nɛ kubɔya na be kenu malɛ bee shi kemalga Kristo na be asheŋ to.

1 Kɔrintebi 10:13

Kechɔŋkeni kama nɛ k ba menyi so la kusɔ nɛ k bee kaa ba esa kama so nna. Ama Ebɔrɛ la esa nɛ e maaŋ yige anyi n to nna, e maaŋ shin nɛ men luri kechɔŋkeni mo nɛ k chɔ menyi be eleŋ so to. Nɛ men baŋ luri kechɔŋkeni to, mo alɛ beeŋ bugi ekpa n sa menyi nɛ men tiŋ n nya n yili to kpakpa.

1 Kɔrintebi 11:1

Amoso, men baa kute ma to fanɛ kananɛ mee kute Kristo to na.

1 Kɔrintebi 4:16

Amoso, mee kule menyi nna fanɛ men baa kute ma to.

Filipaiebi 3:17

Ŋ kurgepoana, men chala a kute ma kebaawɔtɔ to nsaa pɛshɛ bekama nɛ baa bɛ kebɛso na so fanɛ kananɛ an nase na.

1 Tɛsalɔnikaebi 1:6

Men kute anyi nɛ Enyɛnpe na to, ŋkpal manɛ so, men sɔ kubɔya na awurfoŋ damta to nɛ kagbenefuli nɛ k shi Kiyoyu Cheeŋ na kutɔ.

1 Tɛsalɔnikaebi 2:13

Saŋkama anyee chɔrɔ Ebɔrɛ ga ŋkpal kananɛ men sɔ Ebɔrɛ be kubɔya nɛ an daŋ bar menyi na so. Men sɔ kubɔya na fanɛ Ebɔrɛ peya. Kashenteŋ malɛ nna fanɛ Ebɔrɛ be kubɔya nna, kumo alɛ e wɔ menyi beyirdapo to a shuŋ na.

2 Tɛsalɔnikaebi 3:7

Menyi gbagba e baa nyi a ka daga men ka bee kute anyi to. An ka daa wɔ menyi kutɔ, an daa maŋ kɔ ntɔl.

2 Tɛsalɔnikaebi 3:9

Mannɛ fanɛ an daa maa kɔ kumo be ekpa nna, ama an daa maŋ wora loŋ nna nɛ men wu anyi be kebaawɔtɔ na ŋ kute anyi to.

1 Timoti 3:5

Ŋkpal manɛ so, esa nɛ e maŋ nyi kananɛ e beeŋ keni mo gbagba be kowu to ebi so, nuso nɛ e beeŋ wora ŋ keni Ebɔrɛ be asɔri to ebi so?

Hibruwebi 13:17

Men baa nu a sa menyi be bejuŋkparpoana nsaa sɔ bumo be atande. Bumo e naa keni menyi be ayoyu so fanɛ basa nɛ Ebɔrɛ beeŋ ba bishi bumo menyi be asheŋ. Men baa nu a sa bumo nɛ b tiŋ n shuŋ bumo be ashuŋ kagbenefuliso, mannɛ kagbenejijaso, ŋkpal manɛ so, keshuŋ ashuŋ kagbenejijaso maaŋ chɛ menyi to kuraa.

Hibruwebi 13:24

Men chɔrɔ menyi be bejuŋkparpoana nɛ Ebɔrɛ be basa kikɛ. Bekurgepo mo nɛ b shi Itali na bee chɔrɔ menyi.

Hibruwebi 6:12

Anyi maa sha fanɛ men ki betɔlpo, ama anyee sha fanɛ men baa kute bumo nɛ b ta yirda nɛ kanyiti n nya kusɔ nɛ Ebɔrɛ nase kɔnɔ ŋ kaŋɛ fanɛ e beeŋ sa na to.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.

Kelaraŋŋini 1:9

Kachako b shin nɛ ma Jɔn, men kurgepo nɛ an kikɛ bee ji awurfoŋ nsaa la kuwura na to be basa a kɔ kanyiti a yil to ŋkpal Yesu so na ya kaa wɔ kepla nɛ baa tre Patmɔs na so ŋkpal ŋ ka daŋ malga Ebɔrɛ be kamalga na nseŋ daŋ ji Yesu be shɛda so.

Kelaraŋŋini 20:4

Nɛ n naŋ wu kuwurputiana nɛ bumo nɛ b daa tase amo so na kikɛ. B daŋ sa bumo ekpa nna fanɛ b ji basa demu. Ma alɛ daŋ naŋ wu basa nɛ b daŋ mɔ ŋkpal b ka daŋ ji Yesu be shɛda so nɛ ŋkpal b ka daŋ malga Ebɔrɛ be kamalga na so na be ayoyu. Bumo alɛ daa maŋ maŋ kusɔbɔya na ŋko mbe kaduli na so, bumo alɛ daa maŋ naa kɔ mbe ndulgi na bumo be nsɔto so ŋko bumo be enɔana so. B daŋ naŋ nya ŋkpa nna n tu Kristo n ji kuwura nfɛ kagboŋ.

Kelaraŋŋini 6:9

Nɛ Kpakpafɔlbi na bu tɔɔnɛ be kebersobi nusopo na nɛ n wu basa nɛ b mɔ ŋkpal b ka daŋ malga Ebɔrɛ be kamalga na so nɛ ŋkpal shɛda mo nɛ b ji na so na be ayoyu ashi bɔrɛsure na be kaseto.