Hibruwebi 13:4 - EBƆRƐ BE KAWƆL

⁴ A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Hibruwebi 13:4 ပူးပေါင်းရင်းမြစ်များ

Jɛnesis 2:21

Amoso Enyɛnpe Ebɔrɛ daŋ shin nna nɛ edigboŋ ko pɛ enyɛn na nɛ e di n chul nɛ Ebɔrɛ lara mbe kekentibi ko nseŋ shin nɛ ndoŋ chɛ n ti.

Jɛnesis 2:24

Amoso nɛ enyɛn baŋ ta eche, a daga fanɛ e yige mo tuto nɛ mo nio nseŋ ya far n chɛ mbe eche nɛ b ki eyur koŋwule.

2 Bewura 22:14

Hilkiya nɛ Ahikam nɛ Akbɔ nɛ Shafan nɛ Asaya e daŋ yɔ anebiche nɛ baa tre Hulda nɛ e wɔ Jerusalɛm be kelargato be esoso be kaba so na kutɔ. Hulda mo kul Shallum nɛ e la Tikva pibinyɛn nsaa la Hahas mo nanabi na e daa keni epiŋi so ashi bɔrɛlambu na to. B daŋ kaŋɛ anebi na kusɔ nɛ k wora kikɛ nna,

Job be kawɔl 31:12

nɛ k beeŋ mur ma nseŋ shin nɛ ma adɔjibi e ji edɛ.

Aizaaya 8:3

Kedaŋ maŋ chɛr ko nɛ ma eche di kedampo. E ka kurge an pibinyɛn nɛ Enyɛnpe Ebɔrɛ na kaŋɛ le: “Nase mbe ketre ‘NYA MANAŊ N FUU ASƆ, NYA MANAŊ Ŋ KƆ N SUGE ASƆ.’ Ŋkpal manɛ so,

Levitikɔs 15:18

Nɛ enyɛn nɛ eche di abar nɛ enyɛn na ba eyur nɛ nchu lar mo to, enyɛn nɛ eche na kikɛ daga kebɛr nchu, ama bumo alɛ kraa beeŋ baa wɔ eyurpi to n ya fo kaaseso.

Levitikɔs 18:20

Sa maŋ kaŋ di fo barkasa be eche, k beeŋ shin nɛ fo wora eyurpi.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

1 Kɔrintebi 5:13

Ebɔrɛ e naaŋ ji basa nɛ b maŋ wɔ asɔri na to demu. Kusɔ nɛ abɔrɛsibɛ na bee kaŋɛ e la fanɛ: “Men ju alubiworapo kama ashi menyi to.”

1 Kɔrintebi 6:18

Amoso, men baa gelge kesakalea be keji. Kulubi kama nɛ esa wora, e maa wora kumo a gbiti mbe eyur, ama ekama nɛ e bee ji kesakalea bee ji kumo nna a gbiti mo gbagba be eyur nna na.

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

1 Kɔrintebi 7:38

Amoso, esa kama nɛ e ta mo jipo wora kusɔ lela nna, ama emo nɛ e maŋ ta mo jipo, wora nɛnɛ a chɔ loŋ.

1 Kɔrintebi 9:5

Ma alɛ maŋ kɔ ekpa nna nɛ ŋ kil ebɛsopoche ko n ta mo m bɛ anyi so fanɛ kananɛ Enyɛnpe mo sipoana nɛ Sifas nɛ beshuŋipo mo nɛ b ka na bee wora na a?

2 Kɔrintebi 5:10

Ŋkpal manɛ so, kachako an kikɛ beeŋ yili Kristo be anishito nɛ e ji anyi demu. Ekama beeŋ nya kusɔ nɛ k daga mo ŋkpal kusɔ nɛ amodoŋwura wora ashi mbe eyur ere to so, kelela ŋko kulubi.

Galeeshaebi 5:19

Kapɔr lubi ere be asheŋ woraso malɛ baŋ dii efuli nna. Amo nde: Kesakaleasheŋ nɛ eyurpisheŋ nɛ asheŋ jiga be ashuŋ

Galeeshaebi 5:21

Kayurbesa, kasanuu jijiga nɛ amo be nfɛra lubiana n ta asheŋ lubi damta ko malɛ gba n ti so. N chɛr n fiɛ menyi so, ama men shin nɛ n naŋ lɔŋɛ ŋ kaŋɛ menyi fanɛ bekama nɛ baa wora le be asheŋ ere maaŋ luri Ebɔrɛ be kuwura na to kikɛ.

Ɛfesesebi 5:5

Men baa nyi kesheŋ ere geeŋ fanɛ esa kama nɛ e kɔ kesakalea be kebaawɔtɔ ŋko eyurpisheŋ ŋko esa kama nɛ e kɔ kejimuni maaŋ luri Kristo nɛ Ebɔrɛ be kuwura na to. Kejimuni du fanɛ kagbirshuŋ nna.

Ditɛronɔmi 22:22

Nɛ fanɛ b pɛ enyɛn nɛ e bee di mo barkasa be eche, a daga fanɛ b mɔ bumo benyɔ kikɛ. Kananɛ menyeeŋ lara le be kulubi ere ashi menyi to nna na.

1 Tɛsalɔnikaebi 4:6

Amoso, ekama e sa maŋ kaŋ wora kulubi kikɛ ŋ gbiti mo barkasa ŋko m puni mo. An chɛr m malga le be kamalga kenishipereso n sa menyi fanɛ ekama nɛ e wora le be asheŋ, Enyɛnpe na beeŋ gberge mo kusoe.

1 Timoti 3:12

A daga fanɛ asɔri to be bechɛtopo e baa la beche koko wuraana nsaa tiŋ a shin nɛ bumo be beche nɛ mbia e baa nu a sa bumo nɛnɛ.

1 Timoti 3:2

Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.

1 Timoti 3:4

Ama a daga fanɛ e baa tiŋ a keni mbe eche nɛ mbia so nsaa tiŋ a shin nɛ mbe mbia e baa nu a sa mo bunyanso.

1 Timoti 4:3

Asɔ nɛ basa na bee ŋini na e la fanɛ a maŋ daga beche nɛ benyɛn e baa kil abar, kumo alɛ maŋ naŋ daga basa ka ji ajibi ko. Le be ajibi ere malɛ, Ebɔrɛ to amo nna n sa basa, nɛ basa nɛ b yirda Yesu Kristo a nyi kashenteŋ na e chɔrɔ Ebɔrɛ n sɔ amo nɛ enɔ anyɔ.

1 Timoti 5:14

Amoso, ma ere kutɔ, a daga fanɛ bekulpoche nɛ b maŋ la beche kpar ka kil ŋ kurge mbia nseŋ keni bumo be nwu so nsaa maa wora asheŋ kama nɛ a beeŋ shin nɛ edompo kama e nya ekpa n wu bumo kulubi.

Taites 1:6

Ŋ kaŋɛ fo fanɛ a maŋ daga loŋ be basa ka kɔ eda lubi. A daga fanɛ loŋ be basa e baa la beche koko wuraana nɛ bumo be mbia malɛ e baa la beyirdapo a kɔ kasonu nɛ esa kikɛ e sa maŋ nya ekpa ŋ kuli bumo ŋkpal bumo be kusɔjigaya be kebaawɔtɔ so. A daga fanɛ b baa kɔ kebaawɔtɔ lela.

Hibruwebi 12:16

Men baa de so nɛ ekama e sa maŋ kaa kɔ kesakalea be kebaawɔtɔ ŋko a wɔtɔ a kplaŋ abɔrɛsheŋ so fanɛ kananɛ Isɔɔ daŋ kpal kejibi koŋwule pati so n ta mbe kenimu be nɛfa n fa na.

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.