Hibruwebi 13:24 - EBƆRƐ BE KAWƆL

²⁴ Men chɔrɔ menyi be bejuŋkparpoana nɛ Ebɔrɛ be basa kikɛ. Bekurgepo mo nɛ b shi Itali na bee chɔrɔ menyi.

Hibruwebi 13:24 ပူးပေါင်းရင်းမြစ်များ

Ashuŋ Shunso 18:2

Ndoŋ nɛ e ya tu Juwnyɛn ko nɛ b daŋ kurge mo ashi Pɔntes a tre mo Akwila na. Mo nɛ mbe eche Prisila ka daŋ shi Itali m ba ndoŋ ŋkpal Ewurgboŋ Klawdias ka daŋ ju Juwebi kikɛ ashi Rom na so, k daa maŋ chɛr.

Ashuŋ Shunso 27:1

B ka ba yili kumo fanɛ an luri ekuloŋgboŋ ko to m bɔla nchu so n yɔ Itali nɛ b ta Pɔɔl nɛ kabutipoana ko m bɔɔ Julias enɔ. E daa la Romebi be ewurgboŋ be benapo be katuŋ to be enimubi nna.

Ashuŋ Shunso 9:13

Nɛ Ananiyas kaŋɛ: “Enyɛnpe, basa damta kaŋɛ ma kanyɛn ere be asheŋ fanɛ kananɛ e tɔrɔ fo basa ashi Jerusalɛm.

1 Kɔrintebi 16:16

Amoso, mee kule menyi nna fanɛ men baa nu a sa le be basa nɛ bekama malɛ gba nɛ b luri loŋ be kushuŋ na to a wɔtɔ a shuŋ kumo na.

2 Kɔrintebi 1:1

Kawɔl ere shi ma Pɔɔl nɛ m bɔla Ebɔrɛ be keparso so a la Kristo Yesu be eshuŋipo na nɛ an kurgepo Timoti kutɔ nna a yɔ Ebɔrɛ be asɔriebi nɛ b wɔ Kɔrint be kade to nɛ Ebɔrɛ be basa nɛ b wɔ Griis be kasawule so kikɛ na kutɔ.

2 Kɔrintebi 13:13

Ebɔrɛ be basa larasoana na kikɛ bee chɔrɔ menyi.

Filipaiebi 1:1

Kawɔl ere shi ma Pɔɔl nɛ Timoti nɛ an la Kristo Yesu be anya na kutɔ nna. K bee yɔ menyi kikɛ nɛ men la Ebɔrɛ be basa ashi Yesu Kristo to nɛ men be asɔriana to be bejuŋkparpoana nɛ bechɛtopoana nɛ men kikɛ wɔ Filipai be kade to na kutɔ nna.

Filipaiebi 4:22

Ebɔrɛ be basa nɛ b wɔ nfe ere kikɛ, fɔnfɔŋ bumo nɛ b shi Romebi be ewurgboŋ pe na bee chɔrɔ menyi.

Kɔlɔsiebi 1:2

a yɔ menyi nɛ men la Ebɔrɛ peya a wɔ Kɔlɔsi nseŋ naa la an kurgepoana nɛ basa nɛ b maŋ kɔ kɔnɔleŋi ashi Yesu Kristo to na kutɔ. An Tuto Ebɔrɛ e sa menyi mbe kuwɔr be kakɛ na nɛ kagbenewushi.

Failimɔn 1:5

Ŋkpal manɛ so, mee nu kasha nɛ yirda nɛ men kɔ a sa Enyɛnpe Yesu nɛ beyirdapoana na kikɛ be asheŋ.

Hibruwebi 13:17

Men baa nu a sa menyi be bejuŋkparpoana nsaa sɔ bumo be atande. Bumo e naa keni menyi be ayoyu so fanɛ basa nɛ Ebɔrɛ beeŋ ba bishi bumo menyi be asheŋ. Men baa nu a sa bumo nɛ b tiŋ n shuŋ bumo be ashuŋ kagbenefuliso, mannɛ kagbenejijaso, ŋkpal manɛ so, keshuŋ ashuŋ kagbenejijaso maaŋ chɛ menyi to kuraa.

Hibruwebi 13:7

Men baa nyiŋi menyi be benimuana nɛ b daŋ malga abɔrɛsheŋ n sa menyi na n fɛ kananɛ bumo be lalaloge be kebaawɔtɔ daŋ ba kaa du nsaa kute bumo be yirda na to.