Hibruwebi 13:22 - EBƆRƐ BE KAWƆL

²² Ŋ kurgepoana, mee kule menyi nna fanɛ men ji kanyiti n nu ma keleŋto be kamalga ere, ŋkpal manɛ so, kawɔl ere ŋ ka sibɛ menyi ere baa maŋ shi ko.

Hibruwebi 13:22 ပူးပေါင်းရင်းမြစ်များ

Ashuŋ Shunso 13:15

Esa ko ka kraŋ Mosis be mbraana na nɛ anebiana be nwɔl na be mboŋ ko n loge nɛ nshɛrbu na to be benimuana na shuŋi kabɔ bumo kutɔ ŋ kaŋɛ: “Bekurgepoana, nɛ men kɔ kamalga nɛ menyeeŋ ta ŋ leŋ basa ere to, men baa malga.”

2 Kɔrintebi 10:1

Ma, Pɔɔl gbagba nɛ b yɛ: “E baa wɔ men kutɔ e la bawala nna, ama nɛ e baa wɔ kufɔ e bee ŋini mbe kenyɛn nna”, mee kule menyi nna ŋkpal Kristo be kebaala esa nɛ bawala so fanɛ:

2 Kɔrintebi 5:20

Amoso, anyi e la Ebɔrɛ be katelamushuŋipoana a du fanɛ basa nɛ Ebɔrɛ bee bɔla bumo so a kule menyi nsaa fiɛ menyi so. Amoso, anyee ta Kristo be ketre nna a kule menyi ga fanɛ: Men shin nɛ menyi nɛ Ebɔrɛ e naaŋ nyalɛ.

2 Kɔrintebi 6:1

Naniere anyi nɛ Ebɔrɛ ka bee shuŋ ere, anyee kule nsaa fiɛ menyi so nna fanɛ men sa maa sɔ Ebɔrɛ be kuwɔr be kakɛ na kenyanyaŋɛso.

Galeeshaebi 6:11

Naniere men wu kasibɛbi gboŋgboŋi ere ŋko? To, ŋ gbagba be enɔ to be kasibɛ nɛ ŋ kɔ a sa menyi nna na.

Ɛfesesebi 3:3

Kumo e la wulo be kesheŋ naseso nɛ Ebɔrɛ bugi to ŋ ŋini ma na, kumo be asheŋ nɛ n teŋ sibɛ gbrɛ n sa menyi na.

Hibruwebi 12:5

Men teŋ keleŋto be mmalga nɛ Ebɔrɛ bee malga a sa menyi fanɛ mbe mbia na so a? E yɛ: “M pibi, sa maŋ ta kananɛ Enyɛnpe niŋi fo ekpa na fanɛ kusɔ fɔmbi nsaa maa pɔ aba ŋkpal e ka gberge fo kusoe so.

Hibruwebi 13:19

Kusɔ nɛ m baa sha keŋini menyi nɛ men baa wora ga a ti so e la fanɛ men baa kule Ebɔrɛ nɛ e shin nɛ n nya ekpa manaŋ n yɔ menyi kutɔ.

Hibruwebi 2:1

Amoso, a daga fanɛ an ka bugi asoe to nɛnɛ n nu asɔ, nɛ an nu na, saŋɛ na so, an maaŋ firgi n foe ekpa n choŋ.

Hibruwebi 3:1

Amoso, n niopibi larasoana nɛ men la bumo nɛ Ebɔrɛ tre a yɔ ebɔrɛso na, men ta menyi be anishi n yuu Yesu nɛ e la anyi be yirda ere be eshuŋipo nɛ bɔrɛmatapo nimuso na so ŋ keni kananɛ e du.

Hibruwebi 4:1

Amoso, ŋkpal Ebɔrɛ be kewushi na to be keluri be kɔnɔ naseso na ka kraa dese so, men shin nɛ an baa da so nɛ kumo be saŋɛ kaŋ fo, b maaŋ wu anyi be ekama ka paŋ keluri kumo to.

Hibruwebi 4:11

Amoso, men shin nɛ an wora ania ga n luri kewushi na to nɛ esa kama maaŋ ta kasomaanu m bɛ bedarapo na be aya so n foe ekpa.

1 Pita 5:12

Ekurgepo Silvanes mo nɛ n nyi fanɛ meeŋ tiŋ n yirda na so so nɛ mee bɔla a sibɛ menyi kawɔlbi ere na. N sibɛ kumo nna gbrɛbi loŋ nɛ n leŋ menyi to nseŋ naŋ ji shɛda ŋ kaŋɛ fanɛ kuwɔr be kakɛ mo nɛ k shi Ebɔrɛ kutɔ kashenteŋ na nna na. Men baa yil kumo to kpakpa.