Hibruwebi 13:21 - EBƆRƐ BE KAWƆL

²¹ Kagbenewushi be Ebɔrɛ na e shin nɛ kusɔ lela kama nɛ k walɛ keta n shuŋ mbe kushuŋ na e bɔla menyi to. Ma alɛ naa kule mo fanɛ e bɔla Kristo so n wora kusɔ nɛ k bee par mo ashi anyi to. Kemaŋkura e baa la Yesu Kristo na peya mbaanaayɔ. Amɛn.

Hibruwebi 13:21 ပူးပေါင်းရင်းမြစ်များ

2 Kronikɛls 30:12

Ebɔrɛ daŋ shuŋ mbe kushuŋ ashi Juda nna nseŋ leŋ basa na to nɛ b nya kɔnɔkoŋwule a wora ania a wora mo kasonu nsaa bɛ ewura na nɛ mbe benimuana na malɛ be mbra so.

Nshɛ 138:8

Fo, Enyɛnpe Ebɔrɛ na beeŋ wora m bɔlɔ kusɔ kama nɛ fo nase kumo be kɔnɔ so. Fo kasha nɛ k maa chɛrga na wɔtɔ nna mbaanaayɔ; amoso, jande sa maŋ kini anyi, fo basa n lɛ.

Matiu 12:50

Ŋkpal manɛ so, ekama nɛ e bee wora n Tuto nɛ e wɔ ebɔrɛso na be aparsheŋ e la n sipo nɛ n sipoche nɛ n nio.”

Matiu 21:31

“To, mbia na be emo e wora kusɔ nɛ bumo tuto na bee sha?” Nɛ b yɛ: “Sososo peya na.” Nɛ Yesu kaŋɛ bumo le: “Kashenteŋ nɛ mee kaŋɛ menyi na fanɛ elamposɔpoana nɛ kesakaleawuraana bee baŋ menyi so nna a luri Ebɔrɛ be kuwura na to nna na.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

Matiu 6:13

Sa maŋ shin nɛ an luri kechɔŋkeni to, ama pete anyi ashi alubipo na kutɔ. [Ŋkpal manɛ so, Kuwurgboŋ nɛ eleŋ nɛ kemaŋkura la feya nna hale mbaanaayɔ. Amɛn.]’

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Baru lela nɛ Jɔn kute na 17:23

Nɛ m baa wɔ bumo to nɛ fo alɛ baa wɔ ma to, saŋɛ na so, baaŋ baa la kukoŋwule chap, nɛ durnya ere e pin fanɛ fo e shuŋi ma nseŋ naŋ pin fanɛ kananɛ fee sha ma na nɛ fee sha loŋ be basa na gba.

Baru lela nɛ Jɔn kute na 7:17

Esa kama nɛ e bee sha kewora Ebɔrɛ be aparsheŋ beeŋ pin fanɛ asɔ nɛ mee ŋini ere shi Ebɔrɛ kutɔ nna ŋko ŋ gbagba be eleŋ nɛ ŋ kɔ a ŋini amo.

Romebi 11:36

Ŋkpal manɛ so, mo e pɔr kusɔ kikɛ, mo alɛ to nɛ kusɔ kikɛ bɔla a wɔ ŋkpa to a sa mo. Kemaŋkura e baa wɔ Ebɔrɛ so mbaanaayɔ. Amɛn.

Romebi 16:27

Kemaŋkura e baa la Ebɔrɛ nɛ kanyiasheŋ kikɛ la mo nawule peya ashi Yesu Kristo to na mbaanaayɔ. Amɛn.

2 Kɔrintebi 9:8

Ebɔrɛ e naaŋ tiŋ n sa menyi asɔ a chɔ kananɛ menyee sha, saŋɛ na so saŋkikɛ menyeeŋ baa kɔ kusɔ kama nɛ menyee sha ekpa kama so nseŋ naa kɔ amo yɛlyɛla so a yɔ kushuŋ lela kama be ekpa so.

Galeeshaebi 1:5

Kemaŋkura e baa wɔ Ebɔrɛ na so hale mbaanaayɔ. Amɛn.

Ɛfesesebi 2:10

Ŋkpal manɛ so, an la mbe apɔrso nna nɛ e sa anyi kebaawɔtɔ popɔr ashi Kristo Yesu to nseŋ ta anyi n wɔtɔ kelela be asheŋ nɛ mo ere Ebɔrɛ na yili kumo dra dra na kikɛ to fanɛ an ba kaa shuŋ na.

Ɛfesesebi 2:18

Ŋkpal manɛ so, mo so nɛ anyi nɛ bumo kikɛ bee bɔla a nya ekpa a yɔ Ebɔrɛ na kutɔ ashi Kiyoyu koŋwule na to.

Ditɛronɔmi 32:4

Enyɛnpe Ebɔrɛ na e la menyi be ekumpo lempo, nɛ mbe kusɔ kama niŋi nseŋ bɔla ekpa. Men be Ebɔrɛ na la eshenteŋjipo nɛ esa beeŋ tiŋ n yirda nna; mo e naa wora kusɔ nɛ k daga nsaa maa kpɛa to na.

Filipaiebi 1:11

Nɛ menyi alɛ baa wɔ loŋ be kebaawɔtɔ to, kashenteŋ be edalelasheŋ nɛ a shi Yesu Kristo nawule kutɔ e naaŋ bɔlɔ menyi to nɛ basa e ta kemaŋkura nɛ epaŋ be kedi n sa Ebɔrɛ.

Filipaiebi 2:11

Ekama beeŋ gbir loŋ nseŋ bugi kɔnɔ basa kikɛ to ŋ kaŋɛ fanɛ Yesu Kristo e la Enyɛnpe na nɛ Ebɔrɛ Etuto na e nya kemaŋkura.

Filipaiebi 2:13

Ŋkpal manɛ so, Ebɔrɛ e wɔ menyi to a shuŋ saŋkikɛ a shin nɛ menyee sha Ebɔrɛ nsaa tiŋ a nu a sa mo gbagba be aparsheŋ.

Filipaiebi 4:13

Meeŋ tiŋ m bɔla Kristo nɛ e bee sa ma eleŋ na so n wora kusɔ kikɛ nyam.

Filipaiebi 4:18

Men teŋ sa ma kusɔ kama nɛ k daga hale a chɔ kananɛ mee sha gba. Ŋ ka wu men be kakɛ nɛ Epafrodaites bar na, a bɔlɔ ma kenishi tain. K du fanɛ sarga lela nna, nɛ k bee par Ebɔrɛ nɛ kumo be efɛa wɔ ebel ga.

Kɔlɔsiebi 3:17

Kusɔ kama nɛ k shi men be nnɔ to ŋko nɛ menyee wora, men shin nɛ amo kikɛ e daga esa nɛ e yil Yesu Kristo be katelamu to be kushuŋ nɛ men baa chɔrɔ Ebɔrɛ Etuto na ŋkpal Yesu Kristo so.

Kɔlɔsiebi 3:20

Mbia, men baa bunyaŋ men nioana nɛ men tutoana kusɔ kama to ŋkpal men ka la Enyɛnpe na peya so, aloŋ e naa par Enyɛnpe na.

Kɔlɔsiebi 4:12

Epafras nɛ e la Yesu Kristo be eshumpo nsaa la menyi yiri koŋwule na bee chɔrɔ menyi. Saŋkama e bee bugi mbe kagbene to nna a kule Ebɔrɛ a sa menyi nɛ men baa kɔ men be yirda na to kpakpa nɛ men be abɔrɛsheŋ be kenyi e baa wora keshi a ti so nsaa nyi kusɔ kama nɛ Ebɔrɛ bee sha a maa kɔ yalayala.

1 Tɛsalɔnikaebi 3:13

Loŋ nɛ e beeŋ shin nɛ yirda kpakpaso e baa wɔ men be ŋgbene to nɛ men maaŋ baa kɔ kulubi kikɛ, ama menyeeŋ baa du cheembi ashi an be Ebɔrɛ Etuto na be anishito saŋɛ nɛ an Nyɛnpe Yesu Kristo nɛ bumo nɛ b la mo peya na kikɛ beeŋ ba na.

1 Tɛsalɔnikaebi 4:3

Ebɔrɛ be kusɔ nɛ e bee sha nde: E bee sha men ka bee gelge abojuasheŋ nna nɛnɛ a du cheembi.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

2 Tɛsalɔnikaebi 2:17

e baa leŋ menyi to nɛnɛ nsaa sa menyi eleŋ nɛ men baa wora asheŋ lela kikɛ nsaa malga mmalga lela.

1 Timoti 1:17

Bunyaŋ nɛ epaŋ be kedi e baa wɔ Ewurgboŋ nɛ e wɔ ŋkpa to saŋkikɛ na nɛ mo koŋwule nɛ e la kashenteŋ be Ebɔrɛ nɛ esa kikɛ maaŋ tiŋ n ta kenishi fuful n wu mo kikɛ na so mbaanaayɔ. Amɛn.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

1 Timoti 6:16

Mo nawule kpeŋ e maa wu kikɛ nsaa wɔ kefulto parrbi nɛ esa kikɛ maaŋ tiŋ ŋ keni kumo kikɛ na to. Esa kama malɛ maŋ naŋ wu mo ŋ ku so, ekama malɛ maaŋ tiŋ n wu mo kikɛ. Bunyaŋ nɛ kuwurji nɛ k maŋ kɔ ekar e baa wɔ mo so. Amɛn.

2 Timoti 3:17

Ade kikɛ e naaŋ shin nɛ Ebɔrɛ be esa e tiŋ m bela ase ŋ kre to nɛnɛ n shuŋ kushuŋ lela kikɛ.

2 Timoti 4:18

Enyɛnpe malɛ beeŋ lara ma ashi kulubi kikɛ to nseŋ yɛr ma mbe ebɔrɛso be kuwura to. Kemaŋkura e baa wɔ mo so hale mbaanaayɔ. Amɛn.

Hibruwebi 10:36

A daga fanɛ men baa kɔ kanyiti a kɔ to n tiŋ n wora Ebɔrɛ be aparsheŋ n nya kusɔ nɛ Ebɔrɛ nase kɔnɔ fanɛ e beeŋ sa na.

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.

Hibruwebi 12:28

Amoso, men shin nɛ an baa chɔrɔ Ebɔrɛ ŋkpal an ka beeŋ nya kuwura mo nɛ k maaŋ tiŋ ŋ gbuŋgbuŋ to na n luri to so. Men shin nɛ an baa bɔla ekpa mo nɛ k bee par Ebɔrɛ so a ta kabɔrɛŋana nɛ kufu a bunyaŋ mo.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 4:2

Nɛ loŋ malɛ baŋ wora, loŋ be esa na maŋ naa kɔ mbe durnya ere to be kebaawɔtɔ a wɔ edimɛdi be ayɛlgasɔ lubiana to, ama Ebɔrɛ be aparsheŋ to nɛ e kɔ mbe kebaawɔtɔ a wɔ.

2 Pita 3:18

Ama men baa wɔtɔ a yɔ anishito ashi an Nyɛnpe nɛ an be Emɔlgapo Yesu Kristo be kuwɔr be kakɛ na nɛ kashennyi na to. Kemaŋkura e baa la mo peya naniere nɛ saŋkikɛ mbaanaayɔ. Amɛn.

1 Jɔn 2:17

Durnya ere malɛ nɛ kumo be ayɛlgasɔ kikɛ nyam bee choŋ nna, ama esa kama nɛ e bee wora Ebɔrɛ na be aparsheŋ bre wɔ ŋkpa to nna mbaanaayɔ.

1 Jɔn 3:22

Anyi alɛ naa tiŋ a nya kusɔ kama nɛ anyee kule mo ŋkpal an ka bee bɛ mbe mmalga naseso so so nsaa wora asɔ nɛ a bee par mo na so.

Juud 1:25

Mo nawule e la Ebɔrɛ. Mo e mɔlga anyi ŋkpal an Nyɛnpe Yesu Kristo so, mo alɛ e naa kɔ eleŋ kikɛ nɛ kusɔ kikɛ to pɔɛŋ nɛ saŋkikɛ fara. Mo alɛ beeŋ baa kraa kɔ amo to saŋkikɛ mbaanaayɔ. Amoso, men baa sa mo kemaŋkura nɛ bunyaŋ nɛ eleŋ nɛ kenimuji saŋkama. Amɛn.

Kelaraŋŋini 4:6

Kusɔ ko malɛ daa du fanɛ digi a dese fanɛ teku kuwurputi koŋwule na be anishito a wu to kleembi. Asɔbɔya keniso ana ko malɛ gba daa yil kuwurputi na be mboŋ ana nna nsaa kɔ anishi amo be anishito nɛ amo be mmanto be kaplɛkama.

Kelaraŋŋini 5:13

Ndoŋ nna nɛ n nu kusɔtoso kikɛ nɛ k wɔ ebɔrɛso nɛ kasawule so nɛ kasawule be kaseto nɛ etekuana so nɛ amo nɛ a wɔ amo to kikɛ verr ka bee boŋ a kaŋɛ le: “Kapandi nɛ bunyaŋ nɛ kemaŋkura nɛ eleŋ e baa la emo nɛ e tase mbe kuwurputi so na nɛ Kpakpafɔlbi na peya mbaanaayɔ.”

Kelaraŋŋini 5:9

Nɛ b boŋ kashɛ popɔr ko a kaŋɛ: “Fo e daga nɛ fo ta kawɔl sibɛso na nseŋ tiŋ m bu m bu kumo be tɔɔnɛ be abersobi na, ŋkpal manɛ so, fo nɛ b daŋ mɔ nɛ fo ta fo ŋklaŋ n tɔ basa n sa Ebɔrɛ ashi yiri kama to ebi to nɛ ŋgbar kikɛ to ebi to nɛ basa kama to ebi to nɛ efuli kama so ebi to na.