Hibruwebi 13:20 - EBƆRƐ BE KAWƆL

²⁰ Ebɔrɛ bɔla ŋklaŋ nɛ a bee ti kɔnɔkoŋwule be ŋkre nɛ k maŋ kɔ ekar na so n tiŋi an Nyɛnpe Yesu nɛ e la mbolpɔkenipogboŋ nɛ e bee keni mbe mbolpɔ so na ashi luwu to.

Hibruwebi 13:20 ပူးပေါင်းရင်းမြစ်များ

2 Samuɛl 23:5

Le be ekpa malɛ so nɛ Ebɔrɛ beeŋ bɔla so n nɛfa ma nɛ ma kaman to ebi. Ŋkpal manɛ so e nase kɔnɔ nɛ k wɔtɔ mbaanaayɔ nna n sa ma. Mo alɛ beeŋ wora kusɔ nɛ e kaŋɛ na m bɔlɔ so. Mbe kɔnɔ naseso malɛ maa chɛrga kikɛ. Amoso e beeŋ sa ma kusɔ kama nɛ mee tama na, nseŋ mɔlga ma.

1 Kronikɛls 16:17

Enyɛnpe Ebɔrɛ na nɛ Jeekɔb gba daŋ kre ŋkre nɛ k beeŋ baa wɔtɔ mbaanaayɔ.

2 Kronikɛls 30:12

Ebɔrɛ daŋ shuŋ mbe kushuŋ ashi Juda nna nseŋ leŋ basa na to nɛ b nya kɔnɔkoŋwule a wora ania a wora mo kasonu nsaa bɛ ewura na nɛ mbe benimuana na malɛ be mbra so.

Nshɛ 23:1

Enyɛnpe Ebɔrɛ na e naa keni ma so, fanɛ kananɛ mbolpɔkpapo bee keni mbe mbɔlpo so na. Amoso mee nya kusɔ kama nɛ k tir ma nna.

Nshɛ 80:1

O Israɛl be ekenipo, nu anyi be kekule! Fo nɛ fee juŋkpar Josɛf be kaman to ebi fanɛ mbolpɔ nseŋ chena fo kuwurputi so ashi asɔ pɔrso nɛ baa tre chɛrubim na be nferinto na,

Ɛksodɔs 24:8

Ndoŋ nna nɛ Mosis ta ŋklaŋ na be amo nɛ a wɔ ntishaŋ to na malɛ ŋ ŋmenyaŋ basa na so nseŋ kaŋɛ le: “Men keni kɔnɔkoŋwule be ŋkre nɛ menyi nɛ Enyɛnpe Ebɔrɛ bɔla mmalga ere kikɛ so n nase na be ŋklaŋ nna na.”

Aizaaya 40:11

Enyɛnpe Ebɔrɛ na bee keni mbe efuli so nna, fanɛ kananɛ mbolpɔkpapo bee keni mbe mbolpɔ so na. E bee ta mbolpɔbi na nna a di ŋkɔŋ, nsaa juŋkpar mbolpɔ nioana na malɛ boeŋ boeŋ.

Aizaaya 55:3

Ma basa, men nu n sa ma nseŋ ba ma kutɔ. Men ba ma kutɔ nseŋ nya ŋkpa! Ma nɛ menyi beeŋ kre kɔnɔkoŋwule be ŋkre nɛ k wɔtɔ mbaanaayɔ, saŋɛ na so meeŋ sa menyi enɛfa nɛ n nase amo be kɔnɔ n sa Ewura Deevid na.

Aizaaya 61:8

Ŋkpal manɛ so, Enyɛnpe Ebɔrɛ na bee sha kebaawora asheŋ nɛ amo be ekpa so nna. Ama kasuge nɛ kapuni bre, e kishi amo. Mo e nase mbe basa kɔnɔ kashenteŋto fanɛ e beeŋ nɛfa bumo mbaanaayɔ na.

Aizaaya 63:11

Ama Enyɛnpe Ebɔrɛ na be basa naŋ nyiŋi asheŋ nɛ e wora bumo nananyɛn Mosis be jemanɛ nseŋ bishi le: “Nnɛ nɛ Enyɛnpe Ebɔrɛ nɛ e daŋ mɔlga mbe basa be bejuŋkparpoana ashi teku peper na to dra dra na wɔ? Nnɛ nɛ Ebɔrɛ nɛ e ta mbe Kiyoyu n sa Mosis na wɔ?

Jɛremaya 32:40

Ma nɛ bumo malɛ beeŋ wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Ma alɛ maaŋ yige kebaawora asheŋ lela a sa bumo nseŋ shin nɛ b baa ŋana ma ashi bumo be ŋgbene to, a maaŋ naaŋ shile ma.

Ezikɛl 34:23

Ade kikɛ be kaman nɛ n sa bumo ewura nɛ e beeŋ baa du fanɛ ma kayɛrbi ewura Deevid nɛ e baa kpa bumo nsaa keni bumo so nɛnɛ.

Ezikɛl 37:24

Ewura nɛ e du fanɛ ma kayɛrbi Deevid e naaŋ baa la bumo be ewura nɛ bumo kikɛ e wora kɔnɔkoŋwule a wɔ mbe kaseto nseŋ ta kashenteŋji a bɛ ma mbraana so.

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Zakareya 9:11

Enyɛnpe Ebɔrɛ na yɛ: “Ŋkpal ma nɛ menyi be kɔnɔkoŋwule be ŋkre nɛ b ta esarga be ŋklaŋ m mɔ kumo so na so, meeŋ lara menyi be basa ashi kenyaya nɛ k du fanɛ kemaŋ chiŋgeliŋ nɛ k maŋ kɔ nchu na to.

Matiu 26:28

Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so a bar alubi be ketampaŋ na.

Maak 14:24

Nɛ Yesu kaŋɛ bumo: “Ma ŋklaŋ nɛ a lar a sa basa damta na nde. Amo e naa ti Ebɔrɛ nɛ dimɛdi be kɔnɔkoŋwule be ŋkre na so.

Luuk 22:20

Men baa wora loŋ a nyiŋi ma.” Ajibi na be kaman nɛ e ta kawiebi na malɛ n wora kananɛ e daŋ keta bodobodo na n wora na nseŋ kaŋɛ bumo: “Kawiebi ere to be asɔnuuso nɛ baa duga a sa menyi ere e la Ebɔrɛ nɛ dimɛdi be kɔnɔkoŋwule be ŋkre popɔr nɛ k wɔtɔ ŋkpal ma ŋklaŋ so na.

Baru lela nɛ Jɔn kute na 10:11

Ma e la mbolpɔkpapo lela na, mbolpɔkpapo lela na bee shin nɛ baa lara mbe ŋkpa ashi mo to nna a sa mbolpɔ na.

Baru lela nɛ Jɔn kute na 10:14

Ma e la mbolpɔkpapo lela na, n nyi ma mbolpɔ nɛ ma mbolpɔ malɛ gba nyi ma,

Ashuŋ Shunso 13:30

Nɛ Ebɔrɛ shin nɛ e tiŋi luwu na to.

Ashuŋ Shunso 17:31

Ŋkpal manɛ so, e lara kachako n yili a sha keshin nɛ esa ko nɛ e lara n yili na e ji durnya ere demu kumo be ekpa so. Mo alɛ ŋini ekama nyam kumo be loŋ n shin nɛ amodoŋwura tiŋi luwu to.”

Ashuŋ Shunso 2:24

Ama Ebɔrɛ naŋ shin nɛ e tiŋi luwu na to n sɔ mo luwu be ebesa to n yige, ŋkpal manɛ so, luwu daa maŋ tiŋ n shin nɛ e ka kumo be enɔ to kikɛ.

Ashuŋ Shunso 2:32

Ebɔrɛ shin nɛ Yesu koŋwule ere tiŋi luwu to nɛ anyi wu kumo be loŋ be kashenteŋ.

Ashuŋ Shunso 3:15

Amoso, men mɔ esa nɛ e bee sa basa Ebɔrɛ be ŋkpa. Ama Ebɔrɛ shin nɛ e tiŋi luwu na to nɛ anyi gbagba ji kumo be loŋ be shɛda.

Ashuŋ Shunso 4:10

To, menyi kikɛ nɛ Israɛlebi kikɛ baa nyi fanɛ Nazarɛt be Yesu Kristo nɛ men gbir m mata kedibi largato so m mɔ na nɛ Ebɔrɛ shin nɛ e tiŋi luwu na to na be ketre be eleŋ to so nɛ kanyɛn ere nya alenfia mo kikɛ nyam a yil menyi be anishito le ere na.

Ashuŋ Shunso 5:30

An nanaana be Ebɔrɛ e daŋ shin nɛ Yesu nɛ men daŋ gbir mo m mata kedibi largato so m mɔ na tiŋi luwu na to.

Romebi 1:4

Kebaawɔtɔ cheembi be Kiyoyu malɛ be kaplɛa so, Ebɔrɛ ta eleŋgboŋ ŋ ŋini e ka la mo Pibinyɛn saŋɛ nɛ e tiŋi mo luwu to na.

Romebi 10:7

Fo alɛ e sa maŋ bishi le gba: ‘Wanɛ e naaŋ gbelge n yɔ durnya be kaseto?’ Kumo e la fanɛ n ya bar Kristo ashi bubuni to.”

Romebi 15:33

Ebɔrɛ nɛ kagbenewushi kikɛ bee shi mo kutɔ na e baa wɔ menyi kikɛ to. Amɛn.

Romebi 16:20

K maaŋ chɛr ko nɛ Ebɔrɛ nɛ kagbenewushi kikɛ bee shi mo kutɔ na e jija Setani be eleŋ kikɛ n shin nɛ e gbir menyi kumuli. An Nyɛnpe Yesu Kristo be kuwɔr be kakɛ e baa wɔ menyi to.

Romebi 8:11

Nɛ Ebɔrɛ nɛ e tiŋi Yesu ashi luwu to na be Kiyoyu baa wɔ menyi to bre, kumo ere mo koŋwule nɛ e tiŋi Kristo ashi luwu to na gbagba beeŋ naŋ bɔla mbe Kiyoyu nɛ e wɔ menyi to na so n sa menyi be eyurana nɛ a beeŋ kaŋ wu kachako ere ŋkpa.

1 Kɔrintebi 14:33

Ŋkpal manɛ so, Ebɔrɛ maŋ la kebagato be Ebɔrɛ nna, kagbenewushi be Ebɔrɛ e la mo.

1 Kɔrintebi 15:15

Kumo be buushi, nɛ k baa la kashenteŋ nna fanɛ bubuni maa tiŋi luwu to bre, kumo ere anyee ku efɛ nna a deŋi Ebɔrɛ ŋkpal an ka ji shɛda fanɛ Ebɔrɛ tiŋi Kristo ashi luwu to, nɛ mo alɛ maŋ tiŋi mo ashi luwu na to so so.

1 Kɔrintebi 6:14

Ebɔrɛ e tiŋi Enyɛnpe ashi luwu to, mo alɛ beeŋ ta mbe eleŋ n tiŋi anyi alɛ gba ashi luwu to.

2 Kɔrintebi 13:11

To, bekurgepoana, Ebɔrɛ e chɛ menyi to. Men baa kɔ a fin kebaawɔtɔ niŋiso. Men baa du fanɛ kananɛ ŋ kule menyi na nsaa kɔ kɔnɔkoŋwule a wɔtɔ nseŋ naa wɔ kagbenewushi to, nɛ kasha nɛ kagbenewushi be Ebɔrɛ na e baa wɔ menyi to.

2 Kɔrintebi 4:14

Ŋkpal manɛ so, an nyi fanɛ esa nɛ e tiŋi Enyɛnpe Yesu luwu to na beeŋ tiŋi anyi alɛ gba nɛ Yesu na nseŋ ta anyi nɛ menyi kikɛ n yɔ mo gbagba be anishito.

Galeeshaebi 1:1

Kawɔl ere shi ma Pɔɔl nɛ n la eshuŋipo na kutɔ nna a yɔ menyi Galeesha be efuli so ebi be asɔriana na kutɔ. M maŋ la esa nɛ edimɛdi tre n shuŋi ŋko esa nɛ b bɔla edimɛdi so n tre n shuŋi nna, ama n la esa nɛ Yesu Kristo nɛ Ebɔrɛ Etuto nɛ e tiŋi mo koŋwule Kristo ashi luwu to na tre n shuŋi nna.

Ɛfesesebi 1:20

Le be eleŋ ere nɛ eleŋ damta nɛ e ta n tiŋi Kristo ashi luwu to nseŋ ta mo n chena mbe jisoso, ebunyampo be kakpa ashi ebɔrɛso na.

Filipaiebi 4:9

Men baa kraa wora asɔ nɛ men koya ashi ma kutɔ nɛ amo nɛ ŋ ŋini menyi na nɛ amo nɛ men nu ŋko n wu ŋ ka wora na kikɛ. Saŋɛ na so Ebɔrɛ nɛ kagbenewushi wɔ mo to na beeŋ baa wɔ menyi to.

Kɔlɔsiebi 2:12

B ka daŋ bɛr menyi kabɔrɛbɛr na, k du fanɛ b ka puli menyi nɛ Yesu Kristo nna. Menyi nɛ mo malɛ e naŋ tiŋi nɛ menyi nɛ mo naŋ tiŋ n nya Ebɔrɛ be ŋkpa ŋkpal men ka yirda Ebɔrɛ nɛ e tiŋi Yesu Kristo luwu to na be eleŋ to so.

1 Tɛsalɔnikaebi 1:10

nɛ e shin nɛ e tiŋi luwu to na fanɛ e shi ebɔrɛso m ba. Mo koŋwule Yesu na e naa mɔlga anyi ashi Ebɔrɛ be agbo nɛ k bee ba na to.

1 Tɛsalɔnikaebi 5:23

Ebɔrɛ nɛ e bee sa kagbenewushi na e wora menyi cheembi n shin nɛ menyi be amu kikɛ nɛ kiyoyu nɛ kagbene nɛ eyur e lar kulubi kikɛ to jemanɛ nɛ anyi nɛ Enyɛnpe Yesu Kristo beeŋ ya ba na.

2 Tɛsalɔnikaebi 3:16

To, kagbenewushi be Enyɛnpe na gbagba e sa menyi kagbenewushi saŋkama ashi kusɔ kama to. Enyɛnpe na e baa wɔ menyi kikɛ to.

Hibruwebi 10:22

men shin nɛ an ta kashenteŋ be ŋgbene nɛ yirda nɛ k maŋ kɔ shikashika nɛ ŋgbene mo nɛ b fɔr amo be nfɛra fɛso lubi n lɛ na nɛ eyurana nɛ b ta nchu mo nɛ a maŋ kɔ eyurpi amo to n fɔr na n firgi n taga Ebɔrɛ to.

Hibruwebi 10:29

To, nɛ kananɛ k du le ere nɛ esa bee keni Ebɔrɛ Pibinyɛn na jiga ŋko a ta Ebɔrɛ be kɔnɔkoŋwule na be ŋkre be ŋklaŋ nɛ baa ta amo a fɔr basa so nɛ baa ki cheembi na fanɛ kusɔ nɛ k maŋ la shɛŋ ŋko a tege kuwɔr be kakɛ be Kiyoyu na bre, amodoŋwura be kasogberge beeŋ baa shi ga a chɔ Mosis be mbra na peya.

Hibruwebi 9:20

nseŋ kaŋɛ le: “Kɔnɔkoŋwule be ŋkre be mbra nɛ Ebɔrɛ kaŋɛ fanɛ men baa bɛ kumo so na nna na.”

1 Pita 1:21

Mo so nɛ men ta men be yirda n wɔtɔ Ebɔrɛ mo nɛ e tiŋi mo ashi luwu to nseŋ maŋkura mo na, amoso, men be yirda nɛ tama wɔ Ebɔrɛ na to nna.

1 Pita 2:25

Ŋkpal manɛ so, men daa du fanɛ mbolpɔ ka yeŋ to nna, ama naniere bre, men bɛta m ba men be ayoyu be Ekpapo nɛ Ekenipo kutɔ.

1 Pita 5:4

Saŋɛ na so, Ekenipo Nimuso na kaŋ ya lar m ba, menyeeŋ nya kemaŋkurawuro mo nɛ k maa terge kikɛ na.