Hibruwebi 13:2 - EBƆRƐ BE KAWƆL

² Men nyiŋi a sɔ befɔ ashi men peana, ŋkpal manɛ so, beko daŋ wora loŋ n sɔ emalaika bumo peana a maŋ pin b ka la emalaika.

Hibruwebi 13:2 ပူးပေါင်းရင်းမြစ်များ

Jɛnesis 18:1

Kachako nɛ Enyɛnpe na naŋ lar Eebraham so ashi Mamre be ndibigboŋ na ase. Loŋ be kachɛ na K daa la kapaso nna nɛ kaboŋ bel edɛ nɛ Eebraham tase mbe wajɛbu be kabuna to.

Jɛnesis 19:1

Kumo be kamɔnchɛ kaaseso emalaika anyɔ na ka fo Sodɔm nɛ Lɔt tase kade na be kabuna. E ka baŋ wu bumo, epul na to nɛ e koso n ya shɛr bumo to ŋ jɔŋɛ bumo ase

2 Bewura 4:8

Kachako malɛ nɛ Elaisha yɔ kade ko nɛ baa tre Shunɛm nɛ damawurache ko wɔ ndoŋ. Nɛ damawurache na tre Elaisha mbe laŋ to fanɛ e ba tu mbe laŋ to ebi n ji. Baŋ yili loŋ be jemanɛ na, saŋkama nɛ Elaisha baŋ naŋ ba Shunɛm kache na b laŋ to nɛ e bee ji.

Job be kawɔl 31:19

M baŋ wu esa nɛ e maŋ kɔ asɔbuuso,

Job be kawɔl 31:32

M maa shin nɛ befɔ nɛ b maŋ kɔ kakpa a luri bee dese kowushina, ŋkpal manɛ so, ma laŋ be mbuna bugi nna n sa bumo.

Aizaaya 58:7

Men baa chige menyi be ajibi to a sa basa nɛ b maŋ kɔ nɛ b ji nsaa sa bumo nɛ b maŋ kɔ edesekpa kakpa nɛ b dese ashi menyi peana. Menyi alɛ e naa chɛ basa nɛ b maŋ kɔ asɔbuuso to, a sa bumo asɔbuuso nsaa maa kini kebaachɛ men kurgepoana to.

Levitikɔs 19:34

Men baa keta bumo fanɛ men braana Israɛl be basa nsaa sha bumo fanɛ men gbagba be amu. Men baa nyiŋi fanɛ menyi alɛ gba daa la befɔ nna ashi Ijipt be efuli so. Ma e la Enyɛnpe, men be Ebɔrɛ na.

Matiu 25:35

Ŋkpal manɛ so, akoŋ daa kɔ ma nna nɛ men sa ma ajibi, achukoŋ daa kɔ ma nna nɛ men sa ma kusɔnuuso, n daa la efɔ nna nɛ men sɔ ma.

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Matiu 25:43

N daa la efɔ nɛ men maŋ sɔ ma, n daa maa kɔ asɔbuuso, ama menyi alɛ maŋ buu ma, n daa lɔ nseŋ daa naa wɔ kabuti to nɛ men maŋ ba chɔrɔ ma.’

Ashuŋ Shunso 16:15

B daŋ bɛr mo nɛ mbe laŋ to ebi kikɛ kabɔrɛbɛr nna. Le nɛ e daŋ ba kaŋɛ anyi: “Nɛ men baa nyi fanɛ n la Enyɛnpe na be eyirdapo kashenteŋto nna, men ba kaa wɔ ma pe.” Le nɛ e daŋ ta n shin nɛ an yɔ.

Romebi 12:13

Men baa barga menyi be asɔ to a sa bekurgepoana nɛ b maŋ kɔ nsaa bugi menyi be nwu a sa bekurgepo nɛ b la befɔ.

Romebi 16:23

Gayes nɛ e la ma kowurnyɛn nɛ nfe be asɔriebi kikɛ bee shɛr mo pe na bee chɔrɔ menyi. Irastes nɛ e la kadegboŋ ere to be amansherbikenipo na nɛ an kurgepo Kwaates bee chɔrɔ menyi.

1 Timoti 3:2

Amoso, a daga fanɛ asɔri to be ejuŋkparpo e baa la esa nɛ e maŋ kɔ amoso. A daga fanɛ e baa la eche koŋwule wura a nyi asheŋ a maa nya agbo jigajiga, ama e baa fɛ nfɛra dede a la esa nɛ basa bee sa bunyaŋ. A daga fanɛ e baa la esa a sha basa nsaa tiŋ a ŋini basa abɔrɛsheŋ na nɛnɛ.

1 Timoti 5:10

nɛ emo nɛ e tiŋ ŋ keni mbe mbia so nɛnɛ nɛ b daŋ, nɛ emo nɛ e la esa, nɛ emo nɛ e bar mbe kumu kaseto n sa Ebɔrɛ be bebɛsopo ŋko n chɛ awurfoŋ ŋko tɔrɔ be mbia to nseŋ wora kelela be yiri kikɛ, ber mo n wɔtɔ bekulpoche nɛ b daga kechɛto na to.

Taites 1:8

A daga fanɛ e baa la esa a sha befɔ nsaa sha kelela be yiri kikɛ. A daga fanɛ e baa tiŋ mbe kumu a wora asheŋ a ji asheŋ nɛ amo be ekpa so a sha abɔrɛsheŋ nsaa kɔ da lela nɛ e kɔ a wora asheŋ.

1 Pita 4:9

Men baa sɔ abar men peana nsaa maa muni to.

3 Jɔn 1:5

N teri shaso, kananɛ fo ta kagbene koŋwule a wora ashuŋ a sa bekurgepoana na ŋkeshin nɛ b la befɔ gba nna na, esa beeŋ tiŋ n fute n yige fo so.